從Football Manager看香港足球(2)

香港足球 於 31/01/2017 發表 收藏文章
首先,從Football Manager看香港足球(1)被球迷世界share咗,實在令筆者感到十分驚喜,同時亦非常感謝各位球迷嘅支持。另外我亦非常感謝球迷糾正文中錯誤,並對此抱歉。

喺第一篇,我同大家分享咗球員同埋規則篇,而今次就會同大家講講轉會同埋球會篇。

轉會篇

各位玩開大球會嘅FMer ,一定會好唔慣香港球會嘅轉會預算,因為當中最高嘅只係£190K (南華),其餘都較為低,因此整體遊戲難度亦會較高。

遊戲中嘅極低 轉會預算,雖然喺現實未必會出現,但亦帶出咗宜家港超嘅問題。一些資金極為不足嘅球隊,如港會,很可能逃唔過降班命運。又以衛冕冠軍東方為例,季初嘅贊助商風波,令呢支班霸要同新簽外援解約、cut budget 。所以,贊助商喺香港球壇中影響力十分巨大。反觀越南嘅河內FC喺年初就為咗減低贊助商T&T嘅影響力,喺球隊名中去除贊助商嘅名。

講完預算,就當然要講球員身價。港超最高身價嘅,就係傑志嘅德國翼衛林志堅(£110k)

而飛馬嘅前巴塞B隊前鋒 沙華則排第二(£73k)。

而香港球員最高身價嘅 就係傑志嘅艾力士(£49k)

好啦,重點黎喇,得返半年約嘅陳7(18),落山嘅轉會費係20萬,咁究竟佢喺FM嘅身價係幾多?

答案就係£12.25k !(大約係123k hkd)雖然7爺身價同現實轉會費唔算太遠,但係睇返旁邊嘅資料,原來佢嘅expected cost只係£6.25k,即係港幣6萬蚊就可以喺fm買到呢位30歲嘅前鋒。 所以,FM雖然係模擬一個真實嘅足球世界,但當中嘅一啲部分,特別係轉會 仍然與現實有距離。(唔通喺FM又要用1億買普巴咩)
球會篇
根據data base中的數據,喺眾多港超球會中,訓練 青訓等設施最為完善嘅就係南華,而港超聯嘅平均球會設施評分,則大約係3分,相反東南亞其他聯賽,如泰國,越南,印尼等聯賽,設施評分都有大約6-8分。可見香港嘅FIFA排名雖然同呢啲國家相近,甚至更高,但球會嘅發展仍然相對落後(雖然香港土地資源較少),所以足總、球會必須喺發展設施方面繼續努力,而當中政府更是責無旁貸,特別係青訓設施,為香港培育更多出色人才。

總結

雖然FM 嘅數據與現實會有偏差,但整體都算係一個加深認識嘅好平台。因此筆者非常希望有更多FMer會選擇執教港超球隊,而非主流球隊,在遊戲中享受撐自己人嘅樂趣!

____________________________________________________________________
本專欄會從不同角度,與球迷分享有關香港足球的所見所想。同時亦希望能吸引更多球迷入場欣賞本地波嘅賽事,為香港足球加油!

本專欄每月會出4-5篇文章,當中會有分析,講解或其他唔同類型嘅文章。

另外,小弟亦非常歡迎球迷到文章下留言,為本專欄留下你嘅意見!

facebook: https://www.facebook.com/%E9%A6%99%E6%B8%AF%E8%B6%B3%E7%90%83-103406636843347/?skip_nax_wizard=true

Info: sortitoutsi.net

FM 官網: footballmanager.com


留言


請按此登錄後留言。未成為會員? 立即註冊
    快捷鍵:←
    快捷鍵:→