誰有力回家?青訓何去何從?

《誰有力回家?青訓何去何從?》

近年在巴塞可以上位的青訓越來越少,巴塞B隊亦降至西乙B聯賽作戰,拉瑪西亞是否真的名存實亡?到底係佢地實力不足未夠班,定亦或係一隊根本無比機會佢地?近年又唔少青訓出走,佢地又有無能力回家呢?現存B隊以及其他梯隊又有無咩球員有力上位?以下係一班我認為球隊可以回購、回收以及提升的(前)巴塞球員!

比利連以及泰亞高艾簡達拿唔洗多介紹,尤其係後者應該全城都好想佢回家!


1. 辛度拉美利斯(Sandro Ramírez,21歲,前鋒):

相比起借去華倫西亞後狀態仍然一般的蒙尼亞艾哈達迪,今季免費加盟馬拉加後的他極速上位奪正選,在18場比賽轟入9球交出2個助攻,其中不乏精彩罰球。本是「免費」的他絕對比柏高艾卡沙和蒙尼亞值好多。


2. 基馬度(Alejandro Grimaldo, 21歲,左閘)

繼泰亞高後我認為最走寶的球員之一,該名前B隊隊長上年一月以低價加盟賓菲加後很快便成為該葡超榜首球隊的正選。今季他的表現更上一層樓,上陣13場入2球交出4個助攻。不是說迪治尼不好,但相比下他太過平庸,速度快出擊力好傳中準善於走位死球了得的基馬度絕對更適合巴塞現今體系,如果在陣絕對有力與佐迪艾巴爭正選。他出色的表現已令不少英超和意甲列強對他有興趣。


3. 奧里奧羅美奧(Oriol Romeu,25歲,防中)

看似熟悉但陌生的一位西班牙中場,在哥帥上任曾經有過出場機會,但在未夠班而離隊的情況下踢過車路士和華倫西亞等球隊。2015年加盟修咸頓後終於大器晚成(其實仲非常當打),成為球隊必然正選防中,為聖徒的後防提供強大的屏障。作為墮後組織形防中,他表現越黎越好,防守上場均貢獻3.2次攔截和2.5次搶斷,場均有87.8%傳球成功率。


4. 哈利洛域(Alen Haliovic,20歲,攻中)

「克羅地亞美斯」之名或許比佢唔少壓力,但亦係一個對佢的肯定。呢名剛由漢堡借去拉斯彭馬斯的年輕新星絕對係一個尚待磨練的瑰寶


5. 艾達馬查奧爾(Adama Traore,21歲,翼鋒)

難得的黑人前鋒青訓,身體質素十分好、強壯而盤扭速度飛快,爆發力強勁,現在已是米杜士堡的正選,不過略嫌獨食,再加鍛鍊和說教必成大器


6. 沙治森柏(Sergi Samper,22歲,防中)

作為布斯基斯的接班人一直也被寄予厚望,今季借去格蘭納達後機會不多,本身踢法成熟的他下季將回到巴塞,且看領隊會否比佢機會証明自己。


-----------------------------------------------
再來看看B隊,我認為21歲巴西中堅─馬隆山度士(Marlon Santos)絕對有能力升上一隊作戰,今季他已經為巴塞一隊在歐聯上演處子球,未來再成長他甚至可以同烏迪迪組成中路拍檔!另外兩位我推薦的是年僅19歲的中場─艾蘭拿(Aleñá)以及下圖中我無放的23歲西班牙中堅─保查盧比斯(Borja Lopez)。其中艾蘭拿今季曾經為一隊在國王盃上陣射入過一球遠射!呢三位都潛力無限架,唯一要睇的就係下任領隊會否比機會呢班細嘅!



再低一季的巴塞青年軍A都有唔少潛力新星架,包括「韓國美斯」李承佑(Lee Seung-woo)、被當地形容為新佩老大的中堅/左閘─古基里拉(Marc Cucurella )以及與布斯基斯無關係的防中─奧利奧布斯基斯(Oriol Busquets)等等。

留言


請按此登錄後留言。未成為會員? 立即註冊
  • Paul Tsang23 於 16/02/2017 評論 NO. 1

    曬氣啦 巴菜 出局己成事實 卑隻西盃你囉 其餘? 歐聯皇馬 西甲皇馬

  • OhMyGirl_Arin 於 16/02/2017 評論 NO. 2

    安歷基根本on9 1m賣左基馬度 10幾倍價錢買迪治尼 基馬度表現又好得多 又係青訓 根本睇唔透安歷基諗乜

  • rickytct 於 17/02/2017 評論 NO. 3

    感覺上巴塞輪換唔夠,安帥都冇咩點提拔青訓,同哥迪奧拿完全唔同,再者戰術執行同部署都並非明帥風範,3冠王果年,前中場高效發揮,後防問題尚可遮掩,但問題同皇馬當年如出一轍,當前線出現問題,後防隨即崩壞。

快捷鍵:←
快捷鍵:→