對阿仙奴黎講，五位可能比史摩寧更超值既潛在後防目標 精選 推薦

雖然距離夏季轉會窗既開啟時間仲有三個月有多，但係相信雲加已經考慮緊於夏季引入新後防既可能性。今季季初阿仙奴既後防線傷兵滿營，最後找黎巴西中堅加比爾做救火隊。問題看似得以舒緩時，卻發現梅迪薩卡既狀態開始下滑，表現變得不穩，令雲加再次頭痛起黎，佢可能需要去搵梅迪薩卡既替代品。阿仙奴最近同曼聯後防史摩寧扯上關係，不過價格一定唔會平，一黎史摩寧狀態有好轉，二黎佢係英人，曼聯又點會低價放人呢？以下筆者搵黎阿仙奴五位比史摩寧更超值既潛在後防目標：

1. 烏姆迪迪今季里昂重返爭冠行列，截至現在佢地只比榜首既巴黎聖日耳門少一分，烏姆迪迪絕對係里昂今季排名大幅進步既功臣。呢位年輕既法國後衛既主力位置係左閘，但佢今季客串中堅上陣時既表現絕不失禮。根據法國傳媒既報導，雲加已經開始觀察呢位21歲新星，若然雲加真係想以1200萬鎊簽入史摩寧既話，倒不如簽入估價為880萬鎊既烏姆迪迪，絕對比史摩寧便宜唔少。
2. 史東斯
最近英超改制，令各間豪門都要開始「英人爭奪戰」，如果雲加唔想買法國籍球員烏姆迪迪既話，可以試下英格蘭既年輕國腳史東斯。史東斯主要都係踢閘位，但佢絕對有潛質喺中路既位置上成為出色既中堅，佢既用球能力係史摩寧少有既能力。今季愛華頓排名大跌，或多或少都會令史東斯降價，傳媒分析其他球隊同樣只需用880萬鎊就可以帶走史東斯，雲加的確可以諗一諗。
3. 華拉尼
華拉尼絕對唔平，佢年紀輕輕就喺皇家馬德里打出名堂，現時估計佢既身價可以高達3000萬英鎊。不過佢咁既身價證明左佢既質素，華拉尼有速度，位置感又好，係將來世界第一中堅既一大熱門，佢既能力同潛力係史摩寧比唔上既。若然雲加買下華拉尼，基本上已經解決左未來五，甚至十年中一半既中堅問題，唔好唔記得喎，華拉尼只得21歲，買左佢返黎佢仲有排進步架。
4. 赫特摩蘭奴
根據外國傳媒報導，阿仙奴球探麥多莫治早前曾經前往西班牙，觀察墨西哥中堅赫達摩蘭奴為西甲愛斯賓奴上陣既比賽。赫達摩蘭奴現時與愛斯賓奴只剩餘一年合約，傳媒估計若然阿仙奴有意買入佢既話，只需付出610萬。不過平靚正既野又點會冇人爭呢？據報其他英超球會於2014世界盃過後紛紛都對赫達摩蘭奴有興趣。
5. 拿樸迪
若然阿仙奴真係買史摩寧既話，有傳曼聯將會購入畢爾包既拿樸迪去補上陣中空缺。撇除國籍原因既話，點解阿仙奴唔直接買拿樸迪呢？拿樸迪絕對唔平，要從畢爾包買走佢隨時要俾3000萬英鎊，不過現今既阿仙奴又唔似以前咁無錢，用多啲金錢買一個比史摩寧強，比史摩寧仲要年輕五年既中堅絕對係物超所值。
好文推介:五球精彩既No look pass


若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk

原文,經編輯