皇馬世界球會杯後續約安帥，巴西年輕防中或提前加盟 精選

係最近頭版頭條上，《馬卡報》宣佈左三個好消息。其中一個已經得到官方確認，就係皇馬簽下左馬略卡嘅國寶級18歲邊鋒艾辛西奧。另外兩個消息，同樣令人振奮。一係安察洛堤將會係世界球會杯後完成續約，二係盧卡斯施華確定將會加盟皇馬。
安察洛堤係2013年入主皇馬，當時佢簽下左三年合同。係上季皇馬贏得歐聯之後，西媒就盛傳佩雷斯想同安察洛堤續約。佩雷斯嘅任期將會係2017年結束，安察洛堤嘅合同好可能只會延長一年。如果佩雷斯屆時連任成功嘅話，雙方再決定會唔會繼續合作下去。
《馬卡報》指出，皇馬同安察洛堤其實已經傾妥左續約。不過由於近期皇馬周周雙賽，雙方暫時未搵到理想嘅時機正式進行簽約。係世界球會杯後，安帥將會同皇馬正式簽約。如果世界球會杯後安帥急住度假嘅話，佢嘅續約將會係明年一月初完成。
盧卡斯施華效力於巴西高士路，佢已經隨隊完成左巴甲兩連冠。盧卡斯施華將自己視為一名阿朗素類型嘅中場球員，呢種攻守均衡嘅智慧型球員係安帥嘅最愛。皇馬已經同高士路進行過聯系，高士路為盧卡斯施華標價1500萬歐元，阿仙奴如今都係度追求盧卡斯施華。 阿仙奴嘅競爭？對皇馬唔成威脅。《馬卡報》指出，盧卡斯施華確定將會加盟皇馬，只係加盟時間仲唔明確。通常情況下，盧卡斯施華會係明夏加盟。不過如今摩特歷重傷，基迪拉傷病不斷，卻奧斯又開始疲勞，皇馬中場位置上人手相對短缺。如果伊拿拉文迪無辦法係12月份證明自己嘅話，皇馬甚至有可能提前到冬季引入盧卡斯施華。