利物浦有意簽下阿巴迪，與多間豪門競爭德國新晉國腳

根據英國媒體報導，由於格連莊臣續約事宜未獲進展，利物浦考慮引入AC米蘭後衛阿巴迪。此外，紅軍仲將會同英超眾豪門爭奪德國新晉國腳比拿拉比。
格連莊臣合同將於明年夏天到期，但佢同利物浦至今仍未就續約問題達成一致。據《每日郵報》消息指，格連莊臣嘅周薪高達11萬英鎊，利物浦希望能夠說服佢，係新合同降低周薪，但被對方拒絕。所以，羅渣士要準備好格連莊臣離隊嘅準備。《鏡報》透露，利記目前已敲定左格連莊臣嘅接班人--AC米蘭後衛阿巴迪。
《鏡報》表示，羅渣士非常欣賞阿巴迪，認為佢完全有能力替代格連莊臣。該媒體指出，27歲嘅阿巴迪同AC米蘭合同期至明年夏天，而目前佢本人嘅續約談判仲未有取得任何進展。阿巴迪嘅第一選擇仍然係留係米蘭，而一旦同球會嘅談判破裂，佢可能選擇到國外聯賽效力，而投奔利物浦都係一個好選擇。
除左引入阿巴迪入替格連莊臣之外，羅渣士仲希望能係前場攻擊線上引入一個新球員，德國新晉國腳比拿拉比係一個好好嘅選擇。據《鏡報》消息指，今季利華古遜係德甲聯賽中戰績唔錯，而係歐聯賽場上同樣發揮出色，而呢一切都離唔開比拿拉比嘅神勇狀態。該媒體表示，近期表現驚豔嘅比拿拉比，成為英超豪門競相追逐嘅對象。利華古遜對陣聖彼德斯堡嘅比賽中，包括利物浦、阿仙奴、曼聯、曼城多支英超球隊，都派出球探對呢名德國新晉國腳進行考察。