西媒曝迪馬利亞總身價高達九千萬，曼聯被皇馬狠宰！ 精選

迪馬利亞已經加盟曼聯，天使身價高達5970萬英鎊（7500萬歐元），刷新英超轉會紀錄。但西班牙媒體則認為天使轉會費唔止咁少，加上浮動條款，最多可能達到9000萬歐元。
對於迪馬利亞5970萬英鎊嘅轉會身價，英媒口徑一致，但係皇馬則表示迪馬利亞賣價更高。《馬卡報》係頭版頭條打出「迪馬利亞8400萬歐元身價加盟曼聯」嘅標題，指出除左7500萬歐元真金白銀，天使轉會浮動條款達到900萬歐元，總計8400萬歐元；《阿斯報》則更為誇張，宣稱天使總身價達到9000萬歐元，其中，1500萬歐元為浮動條款。
根據西媒報導，天使浮動條款如下：500萬歐元同迪馬利亞嘅出場次數掛鉤；如果迪馬利亞係未來5年奪得金球獎，皇馬將再得500萬歐元。如果天使能夠奪得歐洲最佳球員，或幫助曼聯贏得歐聯冠軍，咁皇馬再會拎500萬歐元。如果一切順利，姐係話天使最後身價高達9000萬歐元，僅次於C朗同巴爾。
皇馬甩賣天使背負左道義嘅指責但收盡真金白銀，如果按照天使真實身價絕對無可能達到呢個級別，但考慮到如今嘅曼聯急需引援，之前俾人宰嘅皇馬宜家終於宰番人地，直頭係趁你病攞你命！