摩連奴將購中堅增補空缺，砸巨資購羅馬當紅中堅 精選

大衛雷斯以5000萬英鎊天價轉會PSG之後，車路士一直係度積極物色一位頂級中堅。《每日鏡報》今日指出，摩連奴決心砸巨資，引入身價高達3000萬英鎊嘅羅馬中堅賓拿迪亞。
雖然卡希爾同泰利嘅組合，摩連奴好放心，而且伊雲奴域能閘能中值得信賴，但係失去左雷斯呢位多面手，藍軍嘅防線深度自然有所降低。摩連奴希望收購一位防守穩健嘅中堅，佢睇中左馬體會中堅米蘭達。不過《每日鏡報》就指出，車路士收購米蘭達嘅請求已經俾馬體會駁回，藍軍只能夠另覓人選。
27歲嘅賓拿迪亞進入左摩連奴視野之中，呢個球員能力不俗，被普遍視為上季意甲表現最好嘅中堅。作為羅馬嘅後防中堅，賓拿迪亞宜家合同仲剩低4年先到期。車路士要引入此人，自然難度唔細。姑且不論羅馬係唔係願意出售呢個球員，摩洛哥國腳嘅身價恐怕都會令唔少球隊望而卻步。按照《鏡報》嘅評估，賓拿迪亞目前身價高達3000萬英鎊。
轉會市場上，賓拿迪亞呢名優秀嘅中堅，自然係好搶手。車路士、曼聯、曼城都對佢好感興趣，不過日前曼城花費3200萬英鎊，簽下波圖嘅法國國腳中堅文加拉，自然退出左賓拿迪亞爭奪戰。《鏡報》指出，藍月亮呢筆交易，令車路士對於得到賓拿迪亞，更加信心十足。