巴塞再追阿仙奴隊長，1500萬報價華美倫 精選

巴塞今夏打算引入兩個中堅，如今紅藍軍團已經斥資2000萬歐元收購左馬菲奧，宜定到左敲定第二名中堅嘅時候。巴塞嘅首選係馬昆奴斯，但巴黎聖日耳門拒絕放走呢名年輕嘅巴西人。據《世界體育報》係頭版頭條報導指，巴塞如今睇中左阿仙奴嘅華美倫。
華美倫成名於阿積士，佢係2009年加盟阿仙奴，並好快成為球隊囓絕對主力。係法比加斯同雲佩斯離隊之後，華美倫甚至成為阿仙奴隊長。不過由於多次遭遇重傷，華美倫宜家已經唔係阿仙奴嘅絕對主力。上季華美倫只係出場21次。阿仙奴正求購拿斯達錫，即係指出阿仙奴做好出售華美倫嘅準備。
巴塞高層眼中，如果係將華美倫視為一個過渡性人選嘅話，佢係一個唔錯嘅選擇。巴塞唔需要向佢承諾絕對主力嘅位置，同時佢嘅轉會費都唔會好高，巴塞為佢估價為1500萬至2000萬歐元。如果華美倫加盟嘅話，下季佢會同巴特拉、馬菲奧爭奪一個首發名額。如無意外嘅話，碧克肯定會首發，而馬斯查蘭奴就去踢防中。
論能力，多次重傷後嘅華美倫，未必能符合巴塞嘅要求。不過係買唔到頂級中堅嘅情況下，華美倫都的確能夠係對陣弱隊時輪換出場，以便為主力中堅分擔一啲壓力。近年黎，巴塞先後由阿仙奴收購左亨利同法比加斯呢兩名隊長，宜家又睇華美倫。