皇馬簽新門將將逼走卡斯？盧比斯留隊獲經理人証實 精選

近期好多西班牙媒體已經相繼指出，皇馬遲啲將會簽下世界杯上表現十分傑出嘅哥斯達黎加國門拿華斯，轉會費為1000萬歐元。一旦拿華斯加盟，現有門將中勢必有人離開。就目前情況黎睇，卡斯拿斯離開嘅可能性大過盧比斯。
《世界體育報》日前指出：「盧比斯無意離開皇馬，況且皇馬都未通知盧比斯一定要走。」同盧比斯經紀人呢個發言形成呼應嘅係，另一間西班牙媒體《機密報》就於日前帶黎卡斯拿斯有可能離隊嘅報導。卡斯拿斯隨西班牙係世界杯上出局之後，佢曾經係近期搵皇馬主席佩雷斯，佢希望知道，球會高層對佢嘅去留到底持住咩態度。佩雷斯就答：「一切都由你自己決定，皇馬肯定會尊重你決定。」
佩雷斯踢番個波比卡斯拿斯，但令球員本人無奈嘅係，就算佢主動遞交轉會申請，尋找下家也將成為難題，話哂直到目前都未有球會明確表示願意為卡斯拿斯提供「高薪+主力」嘅待遇，更唔好講用高價將佢所有權買斷。但調轉黎講，假如卡斯拿斯真係進入轉會市場，問詢佢嘅球會自然會出現。
如果卡斯拿斯決心離開，皇馬肯定唔會阻攔。卡斯拿斯嘅合同仲有三年，年薪高達900萬歐元，皇馬肯定唔想睇到卡斯拿斯拎住高薪但無法擔任主力嘅情況繼續出現。另一方面，轉讓卡斯拿斯嘅好處仲有，可以令門將競爭更為良性，盧比斯同拿華斯能力都出眾，而且佢地唔會向主帥施壓必須擔任主力，咁樣一黎，更衣室氛圍就可以更為平和。