利物浦欲論功行賞，正著手加薪續約史達寧 精選

上週末既英超天王山戰役，利物浦主場力擒曼城，史達寧好快為紅軍打開左勝利之門。《每日鏡報》最近就指出，利物浦打算論功行賞，再次同呢位19歲翼鋒傾一傾續約。史達寧既薪資，有望得到進一步既提升。
天賦異禀既史達寧年少成名，不過之前一年，史達寧係場外惹左唔少禍端。專注度唔夠，導致佢既職業生涯發展限於停滯。好在係羅渣士既循循善誘下，史達寧今季步入正軌，佢又搵番昔日既最佳狀態。
上週末利物浦擊敗曼城，史達寧開場6分鐘就攻破祖赫特既十指關，佢係禁區內好冷靜咁破門，充分展現左自身實力。禾確特無緣巴西世界杯，鶴臣顯然已經搵到左頂替佢既第一人選，果個就係史達寧。史達寧速度快、腳下靈活，係不可多得既突襲好手。18個月前，史達寧同利物浦續約到2017年，週薪漲至3萬英鎊。今次加薪續約，一定程度上影響左史達寧既發展。不過如今小伙子已經愰然大悟，佢特別將自己既屋企搬到距離市中心有一小時車程既郊區，就係為左抵抗誘惑。
史達寧洗心革面，利物浦高層對佢既決心甚為滿意。史達寧決意將注意力全部集中到踢波上，佢既狀態都越黎越好。今季利物浦有希望時隔24年黎首次奪冠，史達寧係重要功臣之一。球隊雖然為年輕球員制定左嚴格既薪水制度，但係利物浦都係打算同史達寧再次漲薪續約。