《阿積士隔靴搔癢・曼聯老謀深算》 文字

波事春秋於 25/05/2017 發表 收藏文章

曼聯成功奪得歐霸盃,但過程絕非比數2:0所顯示那般波瀾不驚,而暗湧處處的原因除了阿積士青春無悔的孜孜努力之外,亦與摩連奴略嫌過猶不及的戰術有關,值得分析。

曼聯今場以較為進取的陣容應戰,放棄偏重防守的卡域克,中場以靴里拉、昔巴、費蘭尼控制中場,中場三人輪流交替令比賽早段曼聯獲得中路優勢,亦能搶得更多控球,先在中路佔領根據地;

阿積士開局則顯得有點緊張,早段多次吊高球挑戰曼聯防線但無功,而由於曼聯穩守中路要塞,阿積士在幾次嘗試後開始運用邊路突破尋找缺口,但受制於米希達恩及馬達回防甚深的配置下,即使閘位經常後上疊瓦,早段仍甚少成功創造出空檔,進攻上乏善足陳。

隨著開局一段急攻過去,曼聯漸漸讓出更多控球,而防守方面紅魔普遍不採用高位迫搶,三人中場及兩翼皆縮後退守,專注地追蹤對方攻勢線路,而一旦成功斷球則不作中後場的慢慢組織,而選擇當機立斷的快速反擊,透過普巴及靴里拉等迅速放出直線或長傳,讓拉舒福特快放一程尋求機會。這種快速的攻守轉換解決了紅魔今季進攻拖泥帶水的老毛病,不過阿積士的中堅也頗快速靈活,拉舒福特單騎難以突圍。

踏破鐵鞋無覓處,信奉穩守突擊的曼聯卻由高位反搶取得入球,足球幽了摩帥一默。在一個接近敵方底線的界外球壓上前場施壓,對方神使鬼差下直接扔了給馬達,再由普巴射入有折射成份的幸運入球,這個入球彷如仙人指路,幸運得連摩帥也懶得慶祝。
入球後阿積士更落力施壓迫搶,而曼聯則進一步全軍退守,把防守10人幾乎都全積壓在defensive third之內,米希達恩及馬達更全面收縮至彷如閘位球員,過半場也少見,整體進攻企圖虛弱得不值一提,僅餘拉舒福特在前場等候零星的長傳反擊機會,又或多等兩秒再放樂觀的長傳予後上的費蘭尼企圖衝散對方防線,當然無功而還,此後控球維持在30%,24分鐘後曼聯上半場再無射門;

這種全面退守,僅依賴大腳長傳的戰術令人聯想起曼聯對利物浦時的情況,摩帥因受制於紅軍的中場迫搶餓狼群而以長傳繞過對方中場,那麼現在是否因為阿積士的中場太強橫而故技重施呢?似乎又未必,阿積士中場迫搶並不太突出,覆蓋面亦非十分廣闊,摩帥更似是故意退守,是否因不信任防線應付反擊的能力或是其他原因,就不得而知了。

但無論如何,這種保守的確邀請了阿積士重返比賽,因為當阿積士擁有愈多控球後,這夥青春班明顯重拾了決賽開始後遺失了的信心,終於站穩陣腳下向紅魔施展陣陣攻勢,尤其查奧爾及Ziyech等愈扭愈有信心,而阿積士所用的套路亦甚為特別,雖然以邊路2過2的配合為引子,但找到空位後不會傳中,而是傳到half space再尋求施放致命一傳,細膩的組織令曼聯防線疲於奔命,故摩帥過度保守的戰術也許太早開始,畢竟從第20分鐘開始便想守完全場實不容易,而變相邀請阿積士重回比賽亦有點放虎歸山之感。

當然你或會從比賽結果說這是杞人憂天,因為米希達恩在下半場開段便在角球得手,這個「逆勢球」(與比賽形勢相違背的入球)的時機可說是對阿積士最壞的失球時間,亦狠狠打擊了阿積士的士氣,當然更牢固了摩帥繼續穩守的決心,終點在望而燕梳球在手;

而阿積士的攻擊模式則有明顯轉變,與之前主要透過邊翼疊瓦再滲透中路相比,下半場注重了更多中央突破,意圖透過盤扭及短傳能力在曼聯中路打開缺口。可是這個主意的效果比上半場的邊翼模式反而差很多,因為曼聯不但囤重兵駐守中路,摩帥注意到此轉變更命兩翼時而向中路收縮以進一步壓縮空間,令查奧爾之流空有盤扭之能,但幾次也出現一過二、一過三之後還是被源源不絕的守將清走皮球的場景。

另一角度看,阿積士也缺乏了中場創造者(Playmaker),這除了令阿積士的組織經常在防線及中場之間大塞車,來回倒腳也久久未能傳至final third之外,亦令幾個善於盤扭的球員只能靠個人能力希望扭過一個又一個,但沒有一個中場大腦替他們解鎖防線及閱讀大局,沒有新意之下重複又重複,令曼聯只見愈守愈穩,最終鎖定勝局。

今場是青春與老練之戰,比賽過程相當摩連奴,取得入球後穩守,再在死球成功「偷雞」繼續穩守完場,現在從結果論固然有效,但從20分鐘便開始完全沒有野心的主守實太冒險,若果阿積士進攻更立體或更冷靜絕對有機會在上半場扳平,這種態度能否經得起歐聯級別的對手(如摩納哥)考驗頗成疑問,當然無論如何,毫無疑問的是紅魔現在能先好好慶祝享受這場勝利。…延伸閱讀:《闖過流放的紅海──摩西斯》

【喜歡我們的文章?按此讚好波事春秋facebook專頁追看更多吧!】
標籤: 英超  曼聯  紅魔  歐霸  歐聯  阿積士  

留言

會員
我要評論
請按此登錄後留言。未成為會員? 立即註冊
  • 閒雲野鶴
    閒雲野鶴 於 25/05/2017 評論 NO. 1

    摩氏功利足球嘅神效,有時真係唔到你唔服,話之你係拜仁、巴塞定阿積士,總之我由一開波就要守到你舉步為艱,控球率、射門、角球全部你嘅、賽果就係摩連奴嘅。

  • Real Ho
    Real Ho 於 25/05/2017 評論 NO. 2

    決賽對住摩佬基本上已經輸左9成,14次決賽贏左12次!剩返兩次都係加時先輸!另外曼市的悲劇,相信亦令曼聯更希望捧盃為曼市帶來一點安慰!

  • Fkin Fong
    Fkin Fong 於 25/05/2017 評論 NO. 3

    摩佬戰術成功固然值得讚,而阿積士佔咗主導權嘅時候換走主力,造成反效果,球員變得單打獨鬥,都唔知佢想點.....

  • 晉宏
    晉宏 於 25/05/2017 評論 NO. 4

    摩性澎湃

  • Daniel Yip
    Daniel Yip 於 25/05/2017 評論 NO. 5

    阿積士根本攻都攻唔到 何來文中講到咁有組織😬

  • Jackie Ng
    Jackie Ng 於 25/05/2017 評論 NO. 6

    寫得不錯,借分享,謝

  • Tidus K W Chan
    Tidus K W Chan 於 25/05/2017 評論 NO. 7

  • Lek Kei Lei
    Lek Kei Lei 於 25/05/2017 評論 NO. 8

    到決賽!摩佬係有一套!

  • Leung Yiu Ting
    Leung Yiu Ting 於 25/05/2017 評論 NO. 9

    福仔尋人都唔知有幾多球推失推失推失。

  • JaySon Kuek
    JaySon Kuek 於 25/05/2017 評論 NO. 10

    阿積士個9號仔都好恐怖吓。 有幾次佢硬闖入禁区都幾威胁,如果佢果斷起腳我曼都幾麻煩吓

  • David Raphael Nip
    David Raphael Nip 於 25/05/2017 評論 NO. 11

    熟悉的劇本, 千篇一律的戰術, 摩帥......只令足球醜得只剩下獎盃 !!!!!!

  • Ray Rainna
    Ray Rainna 於 25/05/2017 評論 NO. 12

    我反而覺得摩師戰術奏效,羅美路成場波毫無壓力,阿積士有威脅攻門廖廖可數,這都是摩師戰術成攻,好明顯阿積士對打防反陣地戰經驗不足!

  • Herman Leung
    Herman Leung 於 25/05/2017 評論 NO. 13

    贏到就夠,陣容留番夏季再執

  • Chan Chan Fai
    Chan Chan Fai 於 25/05/2017 評論 NO. 14

    話唔定赢埋歐洲超級盃添,皇/班馬都唔夠呢條曼魚踢!

  • Ho Yin Leung
    Ho Yin Leung 於 25/05/2017 評論 NO. 15

    穩守突擊黎講摩連奴真係演譯得好出色

  • Henry Li
    Henry Li 於 25/05/2017 評論 NO. 16

    摩佬贏過兩次歐聯,最尾那段唔寫篇野我覺得寫得幾好。

  • Ho TszKit
    Ho TszKit 於 25/05/2017 評論 NO. 17

    買對面個後防山齊士就正

  • Elwood Choi
    Elwood Choi 於 25/05/2017 評論 NO. 18

    好大陣酸味😎

  • Ken Cheng
    Ken Cheng 於 25/05/2017 評論 NO. 19

    伊巴企咁後?

  • Kelvin Chui
    Kelvin Chui 於 25/05/2017 評論 NO. 20

    曼聯 今場成隊眼中有火,醒神有如聯賽對車仔,而且領先 2:0 後,都有 high pass 及進攻,唔係 連加特 糟蹋左個單刀波,可以 3:0 完場 Lu,同之前領先後死守戳言不同,整體今場發揮對辦,絕對抵捧盃而回 👍🏻💪🏻👏🏻🎉🎊🏆😆

  • Lee King Yiu
    Lee King Yiu 於 25/05/2017 評論 NO. 21

    唔好太開心,始終今屆有D幻得幻失,但佩服摩佬留M22主力打Europa, 真係work

  • Roberto Pereirinha
    Roberto Pereirinha 於 25/05/2017 評論 NO. 22

    根本一早就知道最終皇者咖啦!一隊已落實就算輸波都可以在下屆參加歐冠外圍賽!現今足球好簡單、有錢包ok!

  • Alvin Au
    Alvin Au 於 25/05/2017 評論 NO. 23

    可能筆者都無乜點睇荷甲,以為 Ajax 真係攻力無比,但其實荷甲時佢哋都係老鼠拉龜。尤其作客,睇到眼火爆。
    即係同上年曼聯一樣,淨贏控球,咁有鬼用咩。
    如果佢今場出吓古華特個仔可能好一點。但一點機會都無。

  • Keith Szeto
    Keith Szeto 於 25/05/2017 評論 NO. 24

  • David Raphael Nip
    David Raphael Nip 於 25/05/2017 評論 NO. 25

    哈哈......一石激起千重浪, 故此一併回應. 只想問一句: 你若不是曼聯球迷, 你會為一支只打穩守突擊的曼聯奪冠而喝采嗎? 我不是巴塞/巴西球迷, 但也會為他們的漂亮足球而喝采. 打贏一支阿積士, 有什麼值得高興? 人家班費如此低, 你還要打穩守突擊才贏到人, 真丟臉!!!!! 贏歐霸盃, 等於多贏一個足總杯吧, 連爭英超阿四的難度都不及(不要說不是, 否則摩佬不會這樣選擇), 有什麼值得高興?!!!

  • Jimmy Chiu
    Jimmy Chiu 於 25/05/2017 評論 NO. 26

    摩佬,去邊隊,個隊有盃囉,唔理什么,有盃囉可以出戰下季歐聯才重要,
    仲有今年曼聯係咁環境吓,有三隻盃落袋真的不容易,摩佬今次賭得算大,又開始都可能打算以歐霸為今年目标,因为一次過比赛冇保留,但冇諗到自己班波傷又有,冇態又有,可以用這結果完成今季已经算好完美,未必最好但作為支持者已经滿足,心情平静過後,希望下季有更強球员加盟,同埋下季球員不要太多傷,不過真的好高興,今晚是美丽結果一天,繼續努力,下季在更加成功

  • Edward Fung
    Edward Fung 於 25/05/2017 評論 NO. 27

    我睇完篇分析以為自己尋晚撞鬼.........
    究竟我尋晚睇咗啲乜??? 巧L驚中..............

  • Cyrus So
    Cyrus So 於 25/05/2017 評論 NO. 28

    妖 😠😠😠😠

  • Nicky Cheong Kok Wai
    Nicky Cheong Kok Wai 於 25/05/2017 評論 NO. 29

    Finally!!! Manchester United's trophy cabinet is complete.🎉🎉🎉

    By #M8

  • 雷鈞豪
    雷鈞豪 於 25/05/2017 評論 NO. 30

    成場打死守,老咩練姐,技術腳法組織全部輸哂

  • Lau Yuen Lok
    Lau Yuen Lok 於 25/05/2017 評論 NO. 31

  • Patrick Leung
    Patrick Leung 於 25/05/2017 評論 NO. 32

    阿積士 多曼聯幾日休息同準備,曼聯得3日, 抵輸無得賴

  • David Raphael Nip
    David Raphael Nip 於 25/05/2017 評論 NO. 33

    一支不重視青訓, 不打進攻足球的曼聯, 是怎樣的曼聯?......就是出賣了靈魂的曼聯!!!!!

  • Dicky Chio
    Dicky Chio 於 25/05/2017 評論 NO. 34

    今日我地睇直播話成班傷嘅企埋一排上台攞獎....12345...

  • TangThomas
    TangThomas 於 25/05/2017 評論 NO. 35

    好明顯作者係反曼....

    以我呢個中立熱刺迷黎講,呢場波真係優勝劣敗,無論戰術,鬥心,狀態都係曼聯技勝一籌,唔好忘記阿積士休息日多個曼聯仲要曼徹斯特巿岩岩先發生恐襲,曼聯奪冠我覺得真係贏得實至名歸!

    熱刺迷表示下年歐聯見,到時一決高下!

  • Terence Lee
    Terence Lee 於 25/05/2017 評論 NO. 36

    阿積士比人吹大左啫。曼表現中規中矩la

  • 冼力健
    冼力健 於 25/05/2017 評論 NO. 37

    當年波圖取歐聯冠軍,已經證實球證是收錢做波,但歐洲足總沒有取消波圖冠軍,只是處罰球證 !

  • Patrick Ng
    Patrick Ng 於 25/05/2017 評論 NO. 38

    真係無稽既賽制,冠軍理應只得直入歐霸淘汰輪既入場券囉. 咁唔通曹星如打低哂蠅量級既對手, 下次就可以對輕量級既對手?

  • smmmmm
    smmmmm 於 25/05/2017 評論 NO. 39

    阿積士成場波交波又交失 剩係得查奧爾係度亂扭 作者反曼反得好明顯 個世界就係咁現實 過程唔緊要 個個過程表現都比阿積士踢得好 依加有歐聯 但阿仙奴呢?上面阿david你咁唔like咪咪撐 講咁多廢話

  • KirK Wong
    KirK Wong 於 25/05/2017 評論 NO. 40

    多蒙特球迷表示恐襲後比賽尤其困難,今次獲勝絕對值得尊重。

  • Julian Chan
    Julian Chan 於 25/05/2017 評論 NO. 41

    今場波嘅分野係阿積士打唔返佢哋一貫嘅比賽節奏, 成場波都係俾曼聯嘅節奏帶住嚟打!

  • Johnny Leung
    Johnny Leung 於 25/05/2017 評論 NO. 42

    摩連奴大賽/決賽次次都咁打,第一年睇波咩

  • Alex Mok
    Alex Mok 於 25/05/2017 評論 NO. 43

    曼聯成功拎到歐霸入歐聯當然非常開心,不過真係十分期待阿積士班後生仔遲啲進步成點

  • Mark Hu
    Mark Hu 於 25/05/2017 評論 NO. 44

    只可以謙虛地講:我唔係假先知!

  • 閒雲野鶴
    閒雲野鶴 於 25/05/2017 評論 NO. 45

    如果要問阿積士輸乜...... 首先呢,先失一粒運氣使然嘅折射波,足以令摩連奴偷偷喺心入面笑啦?其次,阿積士把握力絕對係唔夠,畀到入到禁區咁近都只有一啲軟射喎,死咗大半啦。自己體力喺下半場下降又明顯,咁又點爭取時間反撲?第三,冇體格打高空波就預咗一定要提防對手嘅死球戰術,但係阿積士處理唔倒,始終要輸多粒。有人話好似大人對細路,係冇講錯。阿積士領隊嘅功力同準備,顯然就不足以幫助班生虎仔嘅臨場表現囉!

  • 閒雲野鶴
    閒雲野鶴 於 25/05/2017 評論 NO. 46

    上面有人講起曹星如,打拳嗰啲人呀有邊個唔係節食減磅去打㗎,冇比賽嗰陣佢咪又係輕量級體重...... 你估曹星如打唔倒輕量級咩,夠重就可以㗎啦,不過就冇拳皇做囉

  • Roy Moo
    Roy Moo 於 25/05/2017 評論 NO. 47

    踢球是看战术来赢球,不是攻击就是大晒

  • nav2017
    nav2017 於 25/05/2017 評論 NO. 48

    踢波原來係要計班費 唔係計全隊戰術既 咁下年利記 熱刺 車仔用好多錢買人返黎就得啦 都唔使點踢 又例如我用2億買個球員返黎 但佢傷左踢唔到 .隊球班費咁高 應該咩杯都拎到啦

  • Gary.C
    Gary.C 於 25/05/2017 評論 NO. 49

    對住隊牛奶仔,明顯高兩班,繼續消極保守怕輸,多幾個摩.佬這種領隊,你還會捱夜睇波嗎,最好笑是一些曼迷說甚麼魔性重現,費sir 年代可曾如此.

  • Gary.C
    Gary.C 於 25/05/2017 評論 NO. 50

    對住隊牛奶仔,明顯高兩班,繼續消極保守怕輸,多幾個摩佬這種領隊,你還會捱夜睇波嗎,最好笑是一些曼迷說甚麼魔性重現,費sir 年代可曾如此龜縮泊大巴.

  • R-Lin
    R-Lin 於 25/05/2017 評論 NO. 51

    悶唔悶就好主觀既姐,你話佢悶話佢龜縮,摩佬佢咪又係咁多fans

  • Sylar Leong
    Sylar Leong 於 25/05/2017 評論 NO. 52

  • 單身狗
    單身狗 於 25/05/2017 評論 NO. 53

    呢埸波,曼聯領隊若是高普,哥迪奧拿,甚至雲加,會贏4比0,5比0,贏得漂亮猶如獅子博兔,只有摩佬才會贏得這麼窩囊.

  • Peter Pen
    Peter Pen 於 25/05/2017 評論 NO. 54

    唔睇以為攞左歐冠炸,而家呢蔓迷咁膠興,真係以為佢季前目標係西圍耳杯添
    打打下聯賽唔夠抽,咁又轉目標打歐霸,
    摩氏真係勁,連歐霸都要攞下先得,下年排返6打歐霸啦

  • 黎永亮
    黎永亮 於 26/05/2017 評論 NO. 55

    😂見到啲人話摩佬泊大巴,你估大巴係人都識泊?!今年大巴黎已經話咗你知大巴唔係人人識泊!!!

  • R-Lin
    R-Lin 於 26/05/2017 評論 NO. 56

    睇到好好笑 若果是哥迪奧拿 高普 雲加會大炒,咁佢地有冇杯呀,咪玩啦

  • 閒雲野鶴
    閒雲野鶴 於 26/05/2017 評論 NO. 57

    高普、哥迪奧拿或者真係可以大炒捧盃,但雲加就應該唔得。雲加當年喺歐洲足協盃決賽都輸9咗畀加拉塔沙雷,歐聯決賽嗰次輸畀巴塞,足總盃決賽輸畀利物浦,聯賽盃決賽輸畀伯明翰。如果計往績,阿仙奴喺歐聯同四角賽都對過阿積士,係有贏過,但我印象中就冇大炒過囉。所以我作為一個廠迷,都真心佩服摩連奴某啲才華。

  • tim wong 14
    tim wong 14 於 26/05/2017 評論 NO. 58

    中場以靴里拉、昔巴、費蘭尼控制中場

  • 單身狗
    單身狗 於 26/05/2017 評論 NO. 59

    完全明白盲粉心態,我只是不欣賞摩佬的消極部署,對曼聯

  • 單身狗
    單身狗 於 26/05/2017 評論 NO. 60

    完全明白盲粉心態,我只是不欣賞摩佬的保守部署,對曼表現,只能說燒鵝脾價錢,蔗渣味道,雲加或哥廸奧拿將於週末捧盃,英超不是只有曼聯,摩佬
    利申:只求睇好波球迷,絕非反曼

  • R-Lin
    R-Lin 於 26/05/2017 評論 NO. 61

    都係既,佢兩個是但一個點都有,係我講錯左,不過就唔好立亂標籤人地係盲粉,我并唔係曼聯既球迷,只不過係睇到有盃要比人話殺死足球,冇盃就賞心悅目。

  • Kaleung Chu
    Kaleung Chu 於 26/05/2017 評論 NO. 62

    干地或雲加其中1個捧盃,唔關哥迪奧拿事

  • 單身狗
    單身狗 於 27/05/2017 評論 NO. 63

    如此對手,摩佬絕對可以既捧盃,又賞心悅目,只是他還未放下被車仔炒魷的恥辱,本身信奉防守足球,為了名譽更加重防守,才會出現對弱隊只有三成半控球率,退守半場靜候對手出錯的局面

  • rickytct
    rickytct 於 27/05/2017 評論 NO. 64

    都係果句,大賽我真係寧願贏1:0,都唔想有機會輸5:4

快捷鍵:←
快捷鍵:→