《皇馬弓馬嫻熟‧曼聯進退失據》 文字

波事春秋於 09/08/2017 發表 收藏文章

這場歐洲超級盃絕對是話題之作,摩帥C朗倒戈舊會,這兩隊歐洲豪門過往對決亦曾產生經典對決,而今場從戰術層面來說同樣有研究價值。

曼聯的戰術「非常摩連奴」:上半場頭15分鐘作出了相對主動的偷襲,然後開始收縮防守讓出主動權;當然曼聯的進步是在偷襲時期的攻勢和傳送比上季稍為立體,但仍無法衝破皇馬靈活警覺的防線。

偷襲沒有得手,曼聯開始縮後集中防守,但也許是沒料到皇馬用球的質素之高,曼聯一收縮便發覺回不去了:皇馬中場三星摩迪、卻奧斯及卡斯米路的掌控節奏能力太強了,而馬迪、靴里拉及普巴雖然防守上穩打穩紮甚少被打穿,但對敵人的組織也無可奈何,故皇馬打起陣地戰來左穿右插便動輒傳上廿多球,曼聯後防也只能盡力防範進襲。

這也反映曼聯另一個問題,就是在主守的過程中,三中場事實上沒有迫搶對手,只穩穩地守在防中位置守株待兔,再加上兩翼衛收縮在閘位防守及盧卡古幾乎不奔跑壓迫,令皇馬中場在組織時基本上沒遇到太大壓力,隨意慢慢地跑位,上腳,觀望再傳球,而任由摩迪卻奧斯之流輕鬆創造機會,就像在己方港口泊兩艘敵方航空母艦任其轟炸。只有防守沒有迫搶,難以捱過面對頂級球隊的90分鐘。

令情況更糟的是曼聯中場今場來說找不到節拍機。在難得搶到球之後,曼聯缺乏一位中場出來主控皮球及分波,加上兩翼衛墮得太後防守,往往在搶球後他們接球時還在己方後半場,加上對方包夾,距離上根本難以打出有效反擊,屬很典型的「摩連奴問題」。

缺乏迫搶加上反擊乏力,令曼聯坐困愁城,被困在己方半場苦守,但應付皇馬這種火力太難了,雖然卡斯米路確有越位嫌疑,但當對手防中竟也在最前線攻堅,就是曼聯讓皇馬感覺太安全太舒服的明證,而且傳出精妙斜線球的只是右閘卡華積,也反映皇馬整體用球的防不勝防;皇馬兩球皆看似簡單一蹴而就,實際上是不斷疲勞轟炸曼聯防線的收獲,就像拳擊的sucker punch永遠看似簡單輕易,其實是消耗淨盡對方體力精神後的了結。

摩連奴並非坐以待斃,他在等一些難得的入球機會,但這些機會被糟塌了。上半場一次反擊普巴長驅直進,但他在禁區頂漠視更好位置的米希達恩及連加特,遠射被擋高;另一次靴里拉在前場翼位搶到球,但盧卡古卻不跑到中間接應,反而跑來搶靴里拉的球導致越位,曼聯的前場默契仍待改善。

半場以拉舒福特換下連加特,摩帥希望以其盤扭能力打開左路攻勢,同時其速度亦有助反擊。拉舒福特面對卡華積的確有優勢,多次扭過爆過對手,但中路接應始終欠一個點。輸到0:2後摩帥換入費蘭尼,防守時踢中場,進攻則作為第二前鋒支援盧卡古,配合瞄準爆炸頭不斷長傳高空球作為橋頭堡。

這兩項調動旋即活化了曼聯進攻,皇馬防線不擅於應對費蘭尼,屢次被其頭鎚及身型搶得控球,而且曼聯的入球事實上亦是費蘭尼先撞開卡華積搶回控球,再由拉舒福特傳給馬迪遠射。

面對紅魔真的以高塔陣來襲,施丹放棄本來在紅魔半場主打控球組織的陣地戰,透過阿辛斯奧及華斯基斯雙換人轉打快速突擊,每次進攻不再在中路慢慢傳控,務求每次都在最短時間完成進攻,一來測試曼聯的後防速度,二來這種打法不用把隊伍拉到太前,方便中場縮後支援被高空轟炸的防線,亦成功減低了曼聯這種打法的威脅。不過費蘭尼的撞傷似乎影響了其後的表現,令高空戰術後來事倍功半。

這場比賽進一步確認了皇馬的地位,其高質素且多元化的進攻模式難以防備,而且寶劍在鞘,C朗還只是後備;而曼聯則可看到馬迪的確解放了普巴,中場分工更明確,但進攻上合作未深,今場來看仍然缺乏套路及默契,如果摩帥不想在來季強強對戰像今場般,只有收縮防守及豁出去高空轟炸的兩個選項,便需要多下苦功融合米希達恩、馬達、拉舒福特、盧卡古等進攻人材,否則他們只會各自為戰,曼聯上季的進攻問題亦不會得到解決。…延伸閱讀:
《雲加的針對部署.干地的新季舊車》


【喜歡我們的文章?按此讚好波事春秋facebook專頁追看更多吧!】
標籤: 曼聯  紅魔  歐聯  歐霸  皇馬  摩連奴  摩佬  施丹  摩帥  歐洲超級盃  

留言

會員
我要評論
請按此登錄後留言。未成為會員? 立即註冊
  • Maxi Leong Vegetarian
    Maxi Leong Vegetarian 於 09/08/2017 評論 NO. 1

    講係咁講,但皇馬前中後都走左大將,尤其前鋒"10億毀約金"單前鋒,如果傷左問你出咩人

  • Andre Ling
    Andre Ling 於 09/08/2017 評論 NO. 2

    根本,皇馬目前實力比曼聯強,優勝劣敗
    無話可說
    皇馬不愧係歐洲皇者
    前,中,後,都強勁
    唯一挑剔 ,可能只有門將

  • Jason Lai
    Jason Lai 於 09/08/2017 評論 NO. 3

    門將最被挑剔嘅位置係國藉

  • Zeroau Au
    Zeroau Au 於 09/08/2017 評論 NO. 4

    著巴依家又要習慣返主攻 睇黎都要用半季時間去磨練

  • 評 · 曼聯
    評 · 曼聯 於 09/08/2017 評論 NO. 5

    1-2的賽果,並非完全能反映雙方的距離。

  • GaRy Ng
    GaRy Ng 於 09/08/2017 評論 NO. 6

    摩佬根本唔識教進攻⋯

  • Mark Wong
    Mark Wong 於 09/08/2017 評論 NO. 7

    其實皇馬個form好好....施丹有料到....曼聯的確唔夠打....

  • Raymond Wong
    Raymond Wong 於 09/08/2017 評論 NO. 8

    曼聯條後防差到呢~😭

  • Wing Chuen Kwok
    Wing Chuen Kwok 於 09/08/2017 評論 NO. 9

    重點皇馬d球員無改變,但曼联有新人加入係需要磨合,比d時間可能唔同

  • Fish Wong
    Fish Wong 於 09/08/2017 評論 NO. 10

    當今球壇真係再無幾多個有費sir嘅前瞻性同通透,佢買人唔洗多唔一定次次貴,但買返黎好小唔啱用,無記錯每次失手都係失喺南美球員手上

  • Cardio Tai
    Cardio Tai 於 09/08/2017 評論 NO. 11

    進退失據?我見班曼迷唔係咁講架喎,話皇只係贏黑哨,又話自己踢得好好,把握好少少就贏埋,係咪同一場波黎

  • Man Kit Loi
    Man Kit Loi 於 09/08/2017 評論 NO. 12

    快d買多個人解放馬迪⋯

  • Decco Gor
    Decco Gor 於 09/08/2017 評論 NO. 13

    琴晚防線漏洞比較多, 前線進攻點少, 中場控制又唔及皇馬, 我覺得不如出番2隻翼出黎突破好過

  • Lung Lee
    Lung Lee 於 09/08/2017 評論 NO. 14

    講咁耐都係講曼 曼迷

  • Jerry Chan
    Jerry Chan 於 09/08/2017 評論 NO. 15

    呢場波優性劣敗,乜都唔講,淨睇三個入球,皇馬兩個入球都有組織和板斧,盧卡獸入嗰球只係靠隊友射門執雞返來,唔夠說服力。
    呢場波,摩佬當上一課,請繼續努力再執好隊波。

  • Stephen Ng
    Stephen Ng 於 09/08/2017 評論 NO. 16

    兩球華西都有責任

  • Ramos Cheung
    Ramos Cheung 於 09/08/2017 評論 NO. 17

    無睇場波,請問費蘭尼係比邊個撞傷?

  • Daniel Cheong
    Daniel Cheong 於 09/08/2017 評論 NO. 18

    輸2比1真係算比面、條後防完全比人打穿、由其連達路夫長期根唔到人,係上幾場友誼赛已經係禁,根本唔係正選材料、至於中場普巴既表現繼續平平無奇、浪費機會、反而新加入既馬迪發挥應有既水準!-

  • Calvin Cheung
    Calvin Cheung 於 09/08/2017 評論 NO. 19

    盧卡古淨係識死衝難衝

  • Tony Kawai
    Tony Kawai 於 09/08/2017 評論 NO. 20

    根本就係畀人撳住打人哋仲要未出盡全力

  • Chun Cheong Mak
    Chun Cheong Mak 於 09/08/2017 評論 NO. 21

    如果我係摩佬,放棄歐聯全力聯賽,下年買多幾個先全力歐聯

  • Ming Kit Wong
    Ming Kit Wong 於 09/08/2017 評論 NO. 22

    Martin Au 好分析

  • Jacky Wong
    Jacky Wong 於 09/08/2017 評論 NO. 23

    There is no one but Carrick ❤

  • Ben Lee
    Ben Lee 於 09/08/2017 評論 NO. 24

    今季曼聯要小心

  • Thomas Li
    Thomas Li 於 09/08/2017 評論 NO. 25

    最大問題係買左件水貨後防,即係成條防線得拜利可靠。

  • Dante Chan
    Dante Chan 於 09/08/2017 評論 NO. 26

    曼聯後防重心好多都吾係到
    好難以呢場黎做比較

  • Gareth Yeung
    Gareth Yeung 於 09/08/2017 評論 NO. 27

    Billy Kam深入淺出。

  • Tatedmond CT
    Tatedmond CT 於 09/08/2017 評論 NO. 28

    賽前剩係歐洲足協已幫皇馬不少了

  • 工藤新一
    工藤新一 於 09/08/2017 評論 NO. 29

    用連加特真係敗筆,之前馬斯亞對皇馬打得咁好,點解唔繼續用馬斯亞

  • Jerry Leung
    Jerry Leung 於 09/08/2017 評論 NO. 30

    No complaint, Man Utd was indeed outclassed by Real Madrid in this match

  • Terry Kwok
    Terry Kwok 於 09/08/2017 評論 NO. 31

    優勝劣敗
    無話可說

  • Leung Waiyip
    Leung Waiyip 於 09/08/2017 評論 NO. 32

    諗住mark實鋒線後無事 但忘記左皇馬個個都識入波

  • 閒雲野鶴
    閒雲野鶴 於 09/08/2017 評論 NO. 33

    #21師兄,歐聯係搵真銀嘅賽事,邊有得放棄㗎...... 唔通你諗住打完個分組賽就夠籌?定係想以第三名完成打多次歐霸盃

  • 夏雲龍
    夏雲龍 於 10/08/2017 評論 NO. 34

    皇馬每個位計已是世上最頂級,看看双閘?中場3人?基本上英超冇球員可以完全代替。最重要係全隊合作默契已久!4-5年?
    反觀曼聯有三名才加入1個月,有大半隊以上只1 年默契
    昨晚已冇C朗,馬些路又未盡全力,根本冇得打,只有巴塞可以輝映!

快捷鍵:←
快捷鍵:→