《拉莫斯,你不配這個歐聯冠軍。》

波事春秋於 27/05/2018 發表 收藏文章

抱歉,在歐聯決賽這種理應是最高層次技戰術較量的足球殿堂之上,實在容不下拉莫斯這種卑鄙行為。

原本看即時重播時,曾以為是意外的碰撞,但翻看了網上的gif圖才發現,拉莫斯這球扮作無心,卻在落地時巧妙地把沙拿的右手扣住,違反了正常人在落地時理應雙手嘗試支撐地面的自然反應,為的就是要利用自己身體落地的全副去勢,全力壓在沙拿被扣著的右手之上,造成沙拿肩膊移位,收山成功。

此等骯髒低賤、甚至在街場亦為所不齒的行為,應該出現在歐聯決賽的比賽中嗎?應該出自以歐洲豪門霸主自傲的皇馬球員手中嗎?
沙拿被收山亦令這場比賽在戰術意義上完全被殺死,此前利物浦以強勁迫搶配以凌厲走位攻勢、皇馬報以搏拳的夢幻流暢比賽不再,換來的是利物浦以不熟悉的442陣式主守,場面變為皇馬接近單向進攻,王牌的傷出及陌生的陣式令利物浦幾無還擊之力,比賽的戰術含量瞬間歸零,場面節奏亦不再吸引。

情況就像,觀眾買票入場看葉問大戰強敵,入場看到的卻是葉問被街頭小混混在擂台上偷偷放置的鐵釘暗算,然後在重傷下被強敵輕鬆解決,完。而這場決賽比這個比喻更荒謬的是,放置鐵釘的竟是那個強敵本身。觀眾的反應很難不是:what the f**k did I just watch?

早前本地體壇瘋傳一條片段,在籃球比賽之中有人惡意「zip」腳令射球者拗柴,事件激起廣大網民公憤,甚至將涉事者起底。網民這樣憤怒,並不是因為他們都是射球者那一方的球迷,事實上這與立場無關,而是道德與競技精神的問題:你要證明你是真正的強者,便應該把那個射門封阻下來,或是在全場比賽凍結對手,憑實力贏下比賽,而不是搞小動作令對手受傷退場,從而贏得比賽。

同理,拉莫斯要證明自己比沙拿強,以至證明皇馬比利物浦強,就應該拿出真本事,以銅牆鐵璧凍結沙拿,贏得像早前楊格及魯迪加般零封沙拿的讚許,從而堂堂正正把沙拿在陣的利物浦擊倒,而不是玩弄低莊的小動作弄傷對手,然後纜著隊長臂章捧起歐聯獎盃。

事實上,拉莫斯這種行為,不但是在侮辱自己、侮辱足球,更是對母會皇馬之為球會的侮辱,因為自他壓下去那一刻起,皇馬已不可能堂堂正正擊敗利物浦。所以現在皇馬的確三連冠了,卻非霸業,亦沒有了廣大球迷的讚許;日後球迷的記憶,也只圍繞在這下MMA式的下三流手段。事實上,如果你是真正的皇馬球迷,看見拉莫斯這個畫面根本高興不起來,除非你認同皇馬就是這麼的一隊流氓球隊。

拉莫斯,你不配。
標籤: 拉莫斯  利物浦  皇馬  歐聯  
【世界盃 ng sick ball 街訪 — 第二集】

留言

會員
我要評論
請按此登錄後留言。未成為會員? 立即註冊
  • Kaner
    Kaner 於 27/05/2018 評論 NO. 1

    好心你就睇下邊個勾住拉莫斯隻手先啦,沙拿自己想食返拉莫斯個身位,而拉莫斯順勢拉跌沙拿,十個後衛十個都會咁做,沙拿傷出完全只係意外,唔識睇波唔緊要,但唔好扮代表,仲要走出黎寫文話俾人知,真係笑死人

  • chuen jai
    chuen jai 於 27/05/2018 評論 NO. 2

    英格蘭球迷 你睇多幾次先喇 加上你吾好傻喇 卡華積夠傷又吾見你講 每一篇文章都有影響力

  • chuen jai
    chuen jai 於 27/05/2018 評論 NO. 3

    吾好寫到傷左個主力成隊波就理應變廢 皇馬入波吾係靠整傷人係靠自己 今場執法公平無野賴就搵其他嘈 拉莫斯係吾係有心無人知 但吾該你吾好以偏概全 你睇下隊長軒達臣篇文 佢既重點擺係邊

  • ray947994
    ray947994 於 27/05/2018 評論 NO. 4

    成王敗寇,話下個龍門先啦

  • cchi
    cchi 於 27/05/2018 評論 NO. 5

    回歸現實吧 利迷 決賽有得踢已經好好

  • Jon J
    Jon J 於 27/05/2018 評論 NO. 6

    十個後衛,十個都會拉跌埋你,唔通我跌仲比你順勢推走?

    垃圾文,輸唔起,不如講下個龍門

  • kinfung
    kinfung 於 27/05/2018 評論 NO. 7

    Janet,我見到系拉莫斯勾住沙拿隻手,你話順勢拉跌?拉跌要用手夾住人地隻手再向地下拉跌人地?拉莫斯踢波粗吾粗魯你地清楚過我地啦蝗迷

  • kinfung
    kinfung 於 27/05/2018 評論 NO. 8

    門將固之然要話,但系你地冇得否定沙拿在陣既利物浦攻勢吾比皇馬少,你話皇馬入波吾系靠整傷人系靠自己,我見吾到沙拿在場既時候皇馬有力入波喎

  • Jon J
    Jon J 於 27/05/2018 評論 NO. 9

    踢開波的技術性犯規,最多比黃牌,唔比牌只係球證事

  • Jon J
    Jon J 於 27/05/2018 評論 NO. 10

    失左位,唔想比你過,又要選唔顯眼的犯規,只有拉跌你,沙拿因此咁傷係無人想

  • YMan Hui
    YMan Hui 於 27/05/2018 評論 NO. 11

    賴地硬

  • Jeremy Cheung
    Jeremy Cheung 於 27/05/2018 評論 NO. 12

    點解呢啲文章可以出得街?

  • Wai Kei Chan
    Wai Kei Chan 於 27/05/2018 評論 NO. 13

    我唔係話鐘意邊隊,只不過係利記輸經驗

  • stanleylwh
    stanleylwh 於 27/05/2018 評論 NO. 14

    其實踢波就係咁,你勁自然有人mark你, 侵犯你, 好似夏薩特咁,一場波畀人剷跌幾十次啦! 莫非又唔係蓄意剷佢咩? 好正常, 受傷+運氣其實都係踢波嘅一部分!

  • KeithTo
    KeithTo 於 27/05/2018 評論 NO. 15

    當名宿林伯同費迪南都話呢個challenge無咩野問題嘅時候...我真係唔係好明仲要死撐話沙治奧殺死咗場比賽,殺死場比賽嘅係你地陣中嘅間諜啊,自己諗下點解Karius可以咁樣派兩下膠啦,直頭學界都不如

  • Alex919
    Alex919 於 27/05/2018 評論 NO. 16

    輸打赢要的文章,赢就已隊表現超卓,輸就敵人粗暴……

  • Paul Sun
    Paul Sun 於 27/05/2018 評論 NO. 17

    哈哈 好多鍠狗

  • Paul Sun
    Paul Sun 於 27/05/2018 評論 NO. 18

    拉狗去打MMA啦

  • tamalou
    tamalou 於 27/05/2018 評論 NO. 19

    屌 嘥9氣 係咪都屌 下年沙拿收皮又屌 又話9人地YouTube球王

  • Ming Yen Hon
    Ming Yen Hon 於 27/05/2018 評論 NO. 20

    其實垃圾沙拿去挑戰最强後衛拉莫斯已經係原罪
    啊唔係,係垃圾利物浦去踢呢場波已經係原罪
    #曲到圓

  • Long Lee
    Long Lee 於 27/05/2018 評論 NO. 21

    猁狗主編,已經冇公平可論

  • niceman
    niceman 於 27/05/2018 評論 NO. 22

    少左沙拿,觀賞性差很大,

  • 林公子遊誌
    林公子遊誌 於 27/05/2018 評論 NO. 23

    ON9有樣睇
    你呢D咁既文章偏頗九UP

  • Hang Karma
    Hang Karma 於 27/05/2018 評論 NO. 24

    "而拉莫斯順勢拉跌沙拿,十個後衛十個都會咁做",但十個後衛九個都唔會用身體壓落對方手臂,夾住沙拿隻手可以順勢向右滾,但佢係唔順勢向左滾砸落去

  • charlesshum
    charlesshum 於 27/05/2018 評論 NO. 25

    皇迷無恥則無敵

  • kjhunter
    kjhunter 於 27/05/2018 評論 NO. 26

    板凳深度唔夠已經輸俾皇 仲有咩好講 利話無沙拿就唔掂呢下都輸左

  • Paul Sun
    Paul Sun 於 27/05/2018 評論 NO. 27

    問10個中立球迷10個都話拉狗仆街 班鍠迷仲可以無恥成咁

  • kinfung
    kinfung 於 27/05/2018 評論 NO. 28

    話鳩波事春秋個d,你地睇返波事春秋之前d文再講經啦,佢寫到既你地好多人都冇可能寫到。仲有話拉跌個d 蝗迷,拉莫斯衣下都叫拉跌,感梳高斯當年對藍斯個球收山腳,應該叫做普通攔截

  • wai922
    wai922 於 27/05/2018 評論 NO. 29

    我兩邊都唔幫、直播都有睇、拉莫斯扣住右手係好正常、但沙拿傷左肩、你地可唔可以唔好咁低能

  • wai922
    wai922 於 27/05/2018 評論 NO. 30

    扣右手、但傷左手wo

  • Hang Karma
    Hang Karma 於 27/05/2018 評論 NO. 31

    職業運動員一定有學過點樣避免受傷,落地要做"受身"係基本技能,拉莫斯落地一刻選擇唔受身用右手撐地都要夾住沙拿隻手,導致沙拿唔可以受身,帶住兩個人嘅體重硬着陸一定會受傷,拉莫斯唔會唔知

  • Hang Karma
    Hang Karma 於 27/05/2018 評論 NO. 32

    其實拉到對方失平衡已經達到目的,拉莫斯右手撐地一刻沙拿已經無機會起身,向左滾砸落去係多餘動作

  • Hang Karma
    Hang Karma 於 27/05/2018 評論 NO. 33

    "扣右手、但傷左手wo",你可以試下負重180磅,淨係用左手做一下掌上壓就知沙拿點樣受傷

  • Jon J
    Jon J 於 27/05/2018 評論 NO. 34

    技術性犯規,咁都有得嘈

  • Hang Karma
    Hang Karma 於 27/05/2018 評論 NO. 35

    "技術性犯規,咁都有得嘈",重點係可以避免對手受傷,但拉莫斯選擇唔避免

  • Paul Sun
    Paul Sun 於 27/05/2018 評論 NO. 36

    鍠狗無恥便無敵 就係有哩啲三分已袋冠軍已袋嘅仆街球迷 鍠先咁黑人憎

  • conchan
    conchan 於 27/05/2018 評論 NO. 37

    你太不配寫文章

  • Liverpool dog
    Liverpool dog 於 27/05/2018 評論 NO. 38

    好多猁狗輸波係度吠
    -6 有得踢決賽就係度吠, 羅馬先值得踼決賽

  • 漢傑
    漢傑 於 27/05/2018 評論 NO. 39

    拉莫斯除左呢d招都冇其他用途

  • paodong
    paodong 於 27/05/2018 評論 NO. 40

    相信大多數的中立球迷也不直拉莫斯這記「險詐」動作,直接釀成沙拿傷出,繼而間接做成利記的敗局。高普的戰術風格是冒險式的前場壓迫,配以「鬪多入球」爭勝策略。從沙拿受重創的一刻開始,利記的爭勝本錢已大打折扣(事實上,場面發展證明利記之前廿分鐘的創造力及埋門機會明顯隨之大減),利記勝出機會頓時由五成變成只剩兩成。這記傷出對勝負機率所起的關鍵作用不言而諭。雖說賽果是利記由卡利奧斯操刀自殺,但即使自殺不成,利記沒有了「入較多球」的籌碼,還是會輸多嬴少的。說回拉莫斯,他是公認的世界級一流後衞,我還認為他是一流中的頂級,原因在於技術層面跟其他同級的如邦路斯、基亞連尼、施華、泰利等不相伯仲,但他此外更多了「陰險」的超技術。泰利的「陰濕」超技與拉莫斯不遑多讓,所以我認為他們絕對配得上被封為世界最頂級後衞二人。至於拉莫斯在這場(其實很多其他賽事亦表示是他的常態)是否靠「茅」去佔嬴波先機,就由眼明心明的人去判別了。

  • kinfung
    kinfung 於 27/05/2018 評論 NO. 41

    wai922,吾比人扣住右手點會被逼令左手撞落地,咪懶叻啦傻仔

  • kinfung
    kinfung 於 27/05/2018 評論 NO. 42

    話羅馬先配踢決賽個個錯曬喇,應該獌聯先配踢決賽啦,洗禁多錢16強就柒住收皮,返屋企睇下自己隊野點解禁撚廢先啦

  • ray888wong
    ray888wong 於 28/05/2018 評論 NO. 43

    拉莫C 不嬲茅, d 蝗蟲重多多藉口, 贏得唔光彩重要吊埋沙拿, 無恥之極。

  • 技安仔
    技安仔 於 28/05/2018 評論 NO. 44

    技術犯規拉跌好正常,但合理應該向外滾,自己背部落地之餘亦能又達成目的外又保護對手的最自然做法
    但拉莫斯係反而係向內滾,寧願面部落地呢點已經違反人既自然反應,佢有冇心整傷對面最好波果個大家心照
    你可以話卡里奧斯係間諜,但咁並唔代表拉莫斯咁做就合理化
    就算傷既唔係沙拿係另一個利記球員,咁做都紹對係非君子行為
    所以,就係呢d人仲要做埋隊長我先咁q憎皇馬

  • Jon J
    Jon J 於 28/05/2018 評論 NO. 45

    不談犯規呢方面
    大家講到沙拿傷出,利記就一定輸,其實已經無野好講,一支強隊靠一個人?

  • Fan Lau
    Fan Lau 於 28/05/2018 評論 NO. 46

    决賽正是我喜愛的兩隊,拉莫斯呢下真心肉酸,作為球迷我也喪失了觀賞最高水準決戰機會

  • kinfung
    kinfung 於 28/05/2018 評論 NO. 47

    Jon j,每隊都會有最勁個個人既,你特登整傷對面最勁個個有邊隊戰力會冇影響呀傻仔,試下皇馬對巴塞個陣巴塞整傷左c朗,我地又話皇馬靠c朗?c朗傷左就贏吾到?咪懶客觀啦on9仔

  • kinfung
    kinfung 於 28/05/2018 評論 NO. 48

    Jon j,技術性犯規?你講衣句都知你冇腦啦,技術性犯規就感拉跌咪得囉,洗吾洗扣住人地隻手再令人失平衡大力撞落地呀,冇腦就咪撚嘈啦

  • 是但啦
    是但啦 於 28/05/2018 評論 NO. 49

    皇馬勢力如何強大,在此可見一斑!🤣🤣

  • Paul Sun
    Paul Sun 於 28/05/2018 評論 NO. 50

    Jon J 唔知咩叫牽制? 沙拿喺場上唔係只係對利進攻有用 仲可以將對面啲後防牽制 沙拿傷出後 鍠兩隻閘踢到前鋒咁款 沙拿係到佢地敢? 無腦鍠狗淨係識盲撑 要不談犯規 你就唔會入黎呢篇文

  • Howie Leung
    Howie Leung 於 28/05/2018 評論 NO. 51

    用拉莫斯掩飾個龍門飛撲縮手同自己拍個波入龍?

  • 艾里克
    艾里克 於 28/05/2018 評論 NO. 52

    好心你就睇下邊個勾住拉莫斯隻手先啦,沙拿自己想食返拉莫斯個身位,而拉莫斯順勢拉跌沙拿,十個後衛十個都會咁做,沙拿傷出完全只係意外,唔識睇波唔緊要,但唔好扮代表,仲要走出黎寫文話俾人知,真係笑死人+1
    咩嗨作者,尼地废文,误导众人的都写得出,废青

  • Lau Link
    Lau Link 於 28/05/2018 評論 NO. 53

    寫得好,支持。試想下巴塞無左美斯鬥皇馬,會點?

  • Hang Karma
    Hang Karma 於 28/05/2018 評論 NO. 54

    艾里克,不如大家出嚟做次案件重演,我夾住你手臂落地,你唔甩骹嘅話送你一件落場版皇馬拉莫斯波衫

  • Hang Karma
    Hang Karma 於 28/05/2018 評論 NO. 55

    艾里克,你話"沙拿傷出完全只係意外",我保証向你使出同一動作100次嘅話,你100次都甩骹,不.意.外!

  • Hang Karma
    Hang Karma 於 28/05/2018 評論 NO. 56

    就算"唔識睇波"嘅人都會諗到呢個動作會令對方受傷,覺得拉莫斯無問題嘅人係連常識都無...

  • Jon J
    Jon J 於 28/05/2018 評論 NO. 57

    係米技術犯規,觀點與角度。但唔會話人無腦岸狗?

  • 關比利
    關比利 於 28/05/2018 評論 NO. 58

    公平d,全隊皇馬拎最多紅牌係邊個?大家心照,歐聯冠軍?不夠說服力。

  • Yip Pak Teng Jason
    Yip Pak Teng Jason 於 29/05/2018 評論 NO. 59

    shame on ramos

  • Tsun Yan Yip
    Tsun Yan Yip 於 29/05/2018 評論 NO. 60

    唉 拉莫斯醒!
    我只想說:我們不是中國人

  • Tsun Yan Yip
    Tsun Yan Yip 於 29/05/2018 評論 NO. 61

    唉 你識唔識嫁

  • Joris Wong
    Joris Wong 於 30/05/2018 評論 NO. 62

    有人話有沙拿係度果陣攻擊強過皇馬好多,講得出呢句都知呢條友波齡少,皇馬初初係任你攻,等你攻到無氣無力先食你,呢啲叫戰術,如果係同你玩鬥攻,一早出Bale而唔係Isco啦

快捷鍵:←
快捷鍵:→