《青黃不接?談今夏轉會費最高的五名荷蘭球星》 文字

今晨,荷蘭雖然憑著洛賓的梅開二度,以2:0戰勝瑞典,但最終仍以得失球差被淘汰,無緣征戰來年的俄羅斯世界盃。談到橙衣軍團的最大問題,不少的意見均會認為是青黃不接,畢竟艾卡禾特的球隊,如今仍需依賴33歲的洛賓摧城拔寨。

落實與來年的世界盃絕緣後,洛賓隨即宣佈退出國家隊,讓眾多的球迷均大嘆可惜,並開始擔憂荷蘭國家隊的未來發展。到底值得橙衣軍團倚重的球員還有誰呢?包括今夏轉會費最高的以下5位嗎?

5:卡斯杜普 Rick Karsdorp(羅馬 / 右閘)22歲
【從飛燕諾加盟,轉會費:1400萬歐元】



過去一季,年僅22歲的卡斯杜普是飛燕諾的絕對主力,全季一共錄有42次的上陣,期間收獲1入球7助攻,反映此子的助攻能力相當不俗。經歷長期的征戰,讓這名荷蘭右閘的膝部出現問題,但來自意甲的羅馬卻感到毫不介意,依然決定以1400萬歐元的轉會費引進此子。

然而,落實以荷甲冠軍的身份登陸意甲後,卡斯杜普在加盟羅馬不足一星期的情況下,便由於膝傷的關係,需要接受手術治療,使其在完成轉會後,仍未於任何的正式賽事裡上陣,其中當然包括近幾場的世界盃外圍賽。

事實上,憑著上季的出色表現,已讓卡斯杜普漸漸於荷蘭國家隊奠定正選位置,但由於膝傷的緣故,讓此子在轉投羅馬後,一直未能於任何的球會賽事和國際賽上陣。也許防線長期欠缺完整性,就是橙衣軍團近況一般的關鍵之一。

4:干高路 Terence Kongolo(摩納哥 / 中堅)23歲
【從飛燕諾加盟,轉會費:1500萬歐元】



與卡斯杜普一樣,現年23歲的干高路也是飛燕諾去季勇奪聯賽冠軍的功臣之一,而在雲邦賀斯的麾下得到顯著進步後,此子今夏便獲得上屆的法甲冠軍摩納哥招攬,轉會費為1500萬歐元。

雖然干高路尚未成為荷蘭國家隊的常規隊員,但由於擁有不俗的防守質素,而且發展潛力巨大,所以此子絕有可能於未來,成為「鬱金香軍團」的防線核心,而摩納哥也是看準了這名荷蘭後衛的上升空間,才會選擇進行羅致。

據統計,上季共於各項賽事,為飛燕諾上陣32次的干高路,迄今已未代表摩納哥於法甲上陣,相信在渣甸的心目中,荷蘭人的定位暫時是第3中堅,作用在於成為基歷克或謝美臣的替身。

3:浩特 Wesley Hoedt(修咸頓 / 中堅)23歲
【從拉素加盟,轉會費:1640萬歐元】



由於後防核心雲迪克曾一度接近離隊,所以修咸頓便選擇以1640萬歐元的轉會費,從意甲球會拉素簽下同籍荷蘭的浩特,以應付相關的情況,而在艾卡禾特治下,現年23歲的後者,已漸漸成為荷蘭國家隊的主力中堅。

上季,浩特共於各項賽事,為拉素上陣26次,期間錄有3個入球,顯示此子擁有一定的「帶刀」能力。防守方面,這名荷蘭中堅在上季的意甲賽場裡,錄有1.3次的場均攔截和場均鏟斷,表現不算特別突出,但浩特既然獲得修咸頓的球探團隊相中,便反映著此子的潛力非淺。

統計指出,浩特在轉投修咸頓後,迄今已於英超上陣3次,而且「場場踢足」,表現相當穩定。

2:艾基 Nathan Ake(般尼茅夫 / 中堅)22歲
【從車路士加盟,轉會費:2280萬歐元】



由於留有一頭酷似古列治的髮型,讓現年22歲的艾基漸漸廣為人知。能夠串演中、後場多個角色的艾基,在2011年夏天加入車路士的青訓系統,及後曾被外借至雷丁、屈福特和般尼茅夫效力,而在今年1月,由於藍軍的防線人腳有所欠缺,所以這名荷蘭後衛便被收回史丹福橋。

可惜的是,重返車路士後的艾基,未有獲得干地的重用,使其決定於今夏離隊,而曾經租用此子的般尼茅夫,最終則以2280萬歐元的轉會費,完成是次的收購。

回歸賀維的懷抱後,艾基旋即獲得重用,而統計指出,這名荷蘭新秀今季已為般尼茅夫上陣7次,相信在得到穩定的上陣機會後,此子的潛力將會被全面激活,從而交出更穩健的表現。值得一提的是,艾基如今已是荷蘭國家隊的常規隊員,預料在艾卡禾特的麾下,此子的國家隊仕途將會一帆風順。

1:卡拉臣 Davy Klaassen(愛華頓 / 中場)24歲
【從阿積士加盟,轉會費:2700萬歐元】



雖然是今夏轉會費最高的「荷蘭兵」,但卡拉臣轉投愛華頓的費用,其實只有2700萬歐元。上季,這名荷蘭中場以隊長的身份,為阿積士於各項賽事帶來20個入球和12次助攻,並協助球隊成功殺入歐霸盃決賽,表現相當可俗,因而獲得拖肥糖的賞識。

雖然組織能力出眾、遠射功架十足,但在轉投愛華頓後,卡拉臣在過去10仗的球會賽事裡,僅僅交出1次助攻,發揮未達人們的預期。當然,狀態低迷的不只卡拉臣,還有整隊的愛華頓,像施格臣、辛度拉美利斯等新援,均無法交出令人滿意的表現,反映著這並非球員的個人問題,而是拖肥糖的行軍出現狀況。

卡拉臣雖有不俗的進攻才華,但近況一般,這當然與轉投新東家後出現的不適應有關,而低迷的狀態更延續到國際賽的舞台,繼而無助荷蘭國家隊取得來年的世界盃入場券。

Ref:卡斯杜普干高路浩特艾基卡拉臣
標籤: 卡拉臣  艾基  浩特  干高路  卡斯杜普  

留言

會員
我要評論
請按此登錄後留言。未成為會員? 立即註冊
  • Shiuhung Ho
    Shiuhung Ho 於 11/10/2017 評論 NO. 1

    唔係有啲,直頭係青黃不接!來來去去都係洛賓,史奈達

  • Randy Liong
    Randy Liong 於 11/10/2017 評論 NO. 2

    直情係青頭不接啦

  • Nomancan Killme
    Nomancan Killme 於 11/10/2017 評論 NO. 3

    冇個師弟成到材

    以雲高爾的荷蘭作為班底衝擊2018世界盃都只係球迷既一廂情願
    唉.....

  • Ming Chau
    Ming Chau 於 11/10/2017 評論 NO. 4

    你知唔知有啲點解架

  • 謝鴻藝
    謝鴻藝 於 11/10/2017 評論 NO. 5

    唔計卡拉臣,荷蘭真是無個後生既成到才,之前有古積特、享特拿、尹佬、洛賓、史尼達就叫做仲有d料,遲d單靠卡拉臣一個,荷蘭實死硬。

  • Hyde Lau
    Hyde Lau 於 11/10/2017 評論 NO. 6

    全部唔入流一句講曬
    果個巴布都重可以打正選
    睇到都灰

  • Ko LaSi C
    Ko LaSi C 於 11/10/2017 評論 NO. 7

    迪比改下D浪射獨食其實佢都唔差

  • Woodngan Lam
    Woodngan Lam 於 11/10/2017 評論 NO. 8

    荷蘭係咁,爆完幾年後實有幾年衰

  • Jason Lam
    Jason Lam 於 11/10/2017 評論 NO. 9

    前場的確差左d,後防已經英冠水準多年

  • Otto Cheung
    Otto Cheung 於 11/10/2017 評論 NO. 10

    呢兩場世盃外圍賽要用番賴恩巴布
    你就知荷蘭🍊人才凋零

  • Joey Yam
    Joey Yam 於 11/10/2017 評論 NO. 11

    以前個個荷蘭國腳唔係踢班霸就踢一線球隊正選,而家呢班波有邊個係?

  • 亞康
    亞康 於 11/10/2017 評論 NO. 12

    絕對喺

  • Chan Eva
    Chan Eva 於 11/10/2017 評論 NO. 13

    巴布以前都唔係成日入選啦

  • Lui Kwan Yat
    Lui Kwan Yat 於 11/10/2017 評論 NO. 14

    我仲以為自己睇錯,巴布都入選到。

  • Fung Kam Man
    Fung Kam Man 於 11/10/2017 評論 NO. 15

    歐洲國家盃都踢唔到時就要改革啦…唉~

  • Andy Lai
    Andy Lai 於 11/10/2017 評論 NO. 16

    見到巴布贊臣打正選 心都灰埋

  • Sam Chan
    Sam Chan 於 11/10/2017 評論 NO. 17

    只同意法國強得太離譜。

  • Kaiser Jeff Lee
    Kaiser Jeff Lee 於 11/10/2017 評論 NO. 18

    係有青訓, 但係上到位咩

  • Raylao Lao
    Raylao Lao 於 11/10/2017 評論 NO. 19

    與鄰居法國、比利時的青訓勁到痴線相比,荷蘭真係嚴重青黃不接!90年代阿積士打遍歐洲、10年史奈達洛賓亦你世界盃冠軍只有半部之遙!係時候的起心肝搞好青訓

  • Kaiser Jeff Lee
    Kaiser Jeff Lee 於 11/10/2017 評論 NO. 20

    聯實過份積弱,青訓水準又不斷下滑
    你荷甲上到位出去打大隊既全部外藉兵(eg: 維頓漢,艾達韋爾特,艾歷臣),本土兵好似迪比,卡斯泰奴斯同迪莊兄弟打大會都表現失色得韋拿杜姆,史杜特文,白連特叫做有表現,其餘出去都係效力中遊球隊
    荷蘭三劍得史尼達叫做搵到替補(van Ginkel, 維爾拿),另外兩個仲未有,青訓貝治維恩路卡迪亞van de Beek未知表現如何,南無三

  • Siu Lun Chan
    Siu Lun Chan 於 11/10/2017 評論 NO. 21

    唔係有d,直頭係青黃不接

  • Trevor So
    Trevor So 於 11/10/2017 評論 NO. 22

    令人懷念

  • Leo Wong
    Leo Wong 於 11/10/2017 評論 NO. 23

    卡拉神 個髮型接得住 洛賓,無青皇不接

  • Newman Li
    Newman Li 於 11/10/2017 評論 NO. 24

    98年世盃荷蘭正選係踢班霸球會嘅,每個球員平均一年都起碼都拎一個冠軍,即使仲係荷蘭國內搵食,都係踢PSV、阿積士呢d歐聯16強常客。

    去到2010年,起碼都仲有中前場球員踢班霸,但後防球員級數充其量係一級,頂級都冇一個。

    到而家你睇下班正選踢咩球會?唔使問都知啦。

  • Hwa Vii Lio
    Hwa Vii Lio 於 11/10/2017 評論 NO. 25

    連世界杯都入唔到你話呢?某程度上同中國無分別,都係弱隊

  • Seong Wang
    Seong Wang 於 11/10/2017 評論 NO. 26

    比2016歐預賽進步咗架啦

  • Tse Patrick
    Tse Patrick 於 11/10/2017 評論 NO. 27

    卡拉臣組織力強?好想知道主編有冇睇過佢踢波😏

  • Sam Lo
    Sam Lo 於 11/10/2017 評論 NO. 28

    仲同吾同意??糸人都知進入黑暗期啦

  • Walter Lau
    Walter Lau 於 11/10/2017 評論 NO. 29

    以前既荷蘭係青訓產品係多到班霸球會正選係國家隊都要做後備果隻,阿積士係同祖記,皇馬同級既球會,連雲來士杜萊都要好後期先入到荷蘭國隊,果時佢已經俾人話係大器晚成。。但果時佢先26,7歲,現在。。。荷蘭既青訓完全見唔到有乜曙光,以前既三大球會,現在貪平,貪快食,貪快賣,青訓南美兵,非洲兵多過自己既荷蘭仔,來緊十年我都唔覺佢可以再做燈色皇朝出來。。現在雲佩斯都可以叫做三劍俠,我睇果時既三劍俠係尹巴士頓囉。。唉。。灰

  • Ryanjeff Wong
    Ryanjeff Wong 於 12/10/2017 評論 NO. 30

    糸!阿積士冇料到,國家隊就冇料到……

  • 冼力健
    冼力健 於 12/10/2017 評論 NO. 31

    國運定人禍!

  • Ken Lee
    Ken Lee 於 12/10/2017 評論 NO. 32

    洛賓退埋就真正係

  • Andy Leung
    Andy Leung 於 12/10/2017 評論 NO. 33

    荷蘭近來出後防比較多中前場青黃不接

  • 沙格
    沙格 於 12/10/2017 評論 NO. 34

    首先要多謝荷蘭足總 選Ziyech就做大後備 一分鐘既落場機會都冇 當佢想踢果時 就唔選佢 好啦 人地選左摩洛哥 樂觀咁睇摩洛哥好大機會踢入世盃決賽周 而荷蘭就出左局 假如當日選Ziyech並且比佢落場 史奈達個位就肯定比佢踢
    青黃不接係一個問題 但戰術運用係另一個問題 如果冇人做史奈達既工作 倒不如放棄猜波 打反擊 學下雲高爾果套3-5-2
    Depay Promes Berghuis根本應該用係反擊陣 反擊既話前鋒用Locadia好過Janssen 後備放埋Bergwijn Kluivert
    中場一定要善用Wijnaldum 比佢做返當年係PSV做既野 防守交比後面果兩個人 而家最好係Vilhena拍冇病冇痛既Strootman 自己就專心等接應 做反擊第一點
    從來荷蘭唔係人腳差 只係教練強迫猜波踢 戰術過於死板

  • Peter Pen
    Peter Pen 於 14/10/2017 評論 NO. 35

    荷腳去左英超証明自己,仲想點......
    亞腳尾屍仲留响西超,冇膽去驗証痳
    結果係點.....

快捷鍵:←
快捷鍵:→