《皇馬問題頻生,施丹乃罪魁禍首?》 文字

日前,連續兩屆的歐聯霸主皇家馬德里,竟於作客熱刺的歐聯分組賽裡,迎來一場3:1的大敗,讓人相當意外,就連主隊前鋒洛蘭迪,也於賽後直指現時的銀河艦隊,不及過往的出色和霸氣,讓己方的壓逼戰術運作得相當成功,繼而順利爭勝。

賽後,不少的意見均認為,施丹作為皇家馬德里的教練,理應為球隊的連番失利負責,但導致這支西甲豪門發揮不佳的原因,全是教練的領導無方所致嗎?


繼2:1反敗予升班馬基朗拿後,皇馬日前再於第4輪的歐聯分組賽裡,敗給坐擁主場之利的熱刺,而普捷天奴的球隊更憑著是次的獲勝,提前得到歐聯的晉級資格,讓人意料不及,畢竟有眾多的言論均曾經認為,即使H組內擁有熱刺和多蒙特等勁旅,連奪兩屆歐聯冠軍的皇馬,亦有望憑著豐富的經驗和強橫的實力率先晉級16強,但意外一敗後,施丹的球隊只得目送熱刺提前「上岸」。

談到對施丹的批評,不外乎放走莫拉達、占士洛迪古斯等實力出眾的後備球員,導致皇馬變陣乏力。無可否認的是,在莫拉達、占士洛迪古斯等人相繼離隊後,銀河艦隊只能倚重華斯基斯、阿辛斯奧等後起之秀,作為變陣的棋子,但他倆都並非得分效率高企的球員,難以在後備入替後建下奇功。

當然,施丹把莫拉達、占士洛迪古斯等人放走的決定,建基於協助皇家馬德里實行年輕化的政策,但該隊今夏的賣人規模,卻是相當龐大,即使大量的年青小將加入球隊,也無法即時彌補有關的問題。


據德國《Transfermarkt》的資料,顯示皇馬今夏一共將9名的後備球員清洗,其中包括莫拉達、占士洛迪古斯、丹尼路和比比。雖然在放人行動完成後,施丹的球隊選擇先後引進施巴路斯和菲奧靴南迪斯補充戰力,並提拔美約羅(Borja Mayoral)、華利祖(Jesus Vallejo)和夏基美(Achraf Hakimi)等小將,加強一隊的兵源,但礙於默契和經驗的問題,讓一眾新加盟的隊員均無法迅即「交足功課」。

顯然地,皇馬之所以於今夏,引進大量的年輕球員作彌補,與他們能夠透過變賣莫拉達、丹尼路和占士洛迪古斯等人賺取暴利不無關係。統計指出,銀河艦隊今夏的轉會收入高達1.24億歐元,轉會支出則達4650萬歐元而已,換言之,他們能夠透過今夏的轉會操作,「淨袋」7750萬歐元的資金,絕對是相當「和味」。

眾所周知,皇家馬德里主席佩雷斯是一名生意人,不時因為經濟的因素,插手球隊的轉會事務,所以執意售出莫拉達、丹尼路等人,或存有極大的商業考慮。


當然,獲選為2017年國際足協最佳教練的施丹,也必須為球隊的近況低迷而負責。作為一名連奪兩屆歐聯冠軍的教頭,施丹絕對需要清楚麾下球員的問題,像賓斯馬、C.朗拿度等球星,雖然仍然獨當一面,但年歲的增長卻讓他倆的發揮大不如前,而威爾士翼鋒巴爾的傷病問題也是日漸加劇,導致球隊的進攻效率出現嚴重的問題,但施帥並沒有於今夏,為球隊簽下任何的新鋒,絕對是難辭其咎。

防線上,皇馬今夏唯一一個「見得吓人」的補強,只有以3000萬歐元簽下法國左閘菲奧靴南迪斯,彌補葡萄牙國腳干查奧的位置,加強左後衛位置的兵源實力。至於在中堅方面,在比比離隊後,施丹選擇重用華拉尼和拿祖,並提拔華利祖加強板凳深度,但「萬能俠」卻並非一名頂級的中堅,華利祖的實力仍有待琢磨,所以一旦出現傷停問題,比比遠走的影響便會逐步浮現。


正所謂「不進則退」,未有於今夏,進行即時而有效的陣容補強,絕對是皇馬近期遇上低迷的主要因素之一,至於巴爾的受傷和卡華積的心臟出現問題,或能歸納為時也命也,但板凳深度不足的問題,卻明顯屬於人為錯失,必須於今冬盡快解決。

實行年輕化是世界大勢,但政策的推行時,必須兼顧戰力和經驗的維持,否則只會適得其反。雖然遭遇二連敗,但皇家馬德里其實亦不需要灰心,及早發現問題,然後將其根治,絕對是一個最合適的做法。正如摩迪所言:「最好的皇家馬德里必會再次歸來。」相信稍作調整和引援後,銀河艦隊將能再次振作起來。


Ref:Transfermarkt洛蘭迪訪問皇馬球員買賣概況(17-18)摩迪訪問

留言

會員
我要評論
請按此登錄後留言。未成為會員? 立即註冊
  • 柏柏哥
    柏柏哥 於 02/11/2017 評論 NO. 1

    隱藏實力啫🤘🏻

  • Cheung Ka Wai
    Cheung Ka Wai 於 02/11/2017 評論 NO. 2

    放走果幾個本身想踢正選,保證唔到就走,替補果班又未得,加上連攞兩年歐聯真係要推到個狀態好fit先得,但邊有咁易keep 3年...😌

  • Andrew Leung
    Andrew Leung 於 02/11/2017 評論 NO. 3

    歲月不饒人
    老了。。。

  • Sio Fai Chang
    Sio Fai Chang 於 02/11/2017 評論 NO. 4

    拎完歐聯又拎西甲,班人腳變動不大,爭勝心無咁重好正常姐下嘛?

  • Li Chi Ming
    Li Chi Ming 於 02/11/2017 評論 NO. 5

    無壓力😂😂

  • Leung Kleung
    Leung Kleung 於 02/11/2017 評論 NO. 6

    谷左呢班人腳超過兩年攞到好成績加上主力球員年紀開始大狀態有調整根本好正常 一沉百踩典型勝利球迷

  • YeungNaldo Wong
    YeungNaldo Wong 於 02/11/2017 評論 NO. 7

    足球永無常勝之師!
    當心態 狀態有改動 係要調整架啦

  • Weng Ip Choi
    Weng Ip Choi 於 02/11/2017 評論 NO. 8

    最主要係c朗死火,巴利既傷患問題困擾

  • Ben Chiang
    Ben Chiang 於 02/11/2017 評論 NO. 9

    熱刺好波啫

  • Eric Kwok
    Eric Kwok 於 02/11/2017 評論 NO. 10

    已經過了當fit 時間

  • Samuel Kuan
    Samuel Kuan 於 02/11/2017 評論 NO. 11

    一隊波點會永遠強勢,點都有低谷時候,不用怪誰,我地係睇人踢波,吾係機械人

  • Coffee Cat
    Coffee Cat 於 02/11/2017 評論 NO. 12

    呢篇文同我諗既一樣 前鋒線買唔到麥巴比之後竟然無plan B收購
    只係回收左個新仔馬約拉爾 完全忽視左放達仔離開既影響
    比比開晒口話想續約 點知堂堂一個歐國盃奪冠大功臣咁就皇馬踢走左
    用幼齒需要時間 最少要犧牲一兩季成績 問題係佩雷斯唔會咁寬容

  • Coffee Cat
    Coffee Cat 於 02/11/2017 評論 NO. 13

    呢篇文同我諗既一樣 前鋒線買唔到麥巴比之後竟然無plan B收購
    只係回收左個新仔馬約拉爾 完全忽視左放達仔離開既影響
    比比開晒口話想續約 點知堂堂一個歐國盃奪冠大功臣咁就皇馬踢走左 反而巴利季季傷成段時間就有得留(上季傷季尾)
    用幼齒需要時間 最少要犧牲一兩季成績 問題係佩雷斯唔會咁寬容

  • Leroy Tsang
    Leroy Tsang 於 02/11/2017 評論 NO. 14

    拿拿拿,隊波有問題,開始搵個領隊0黎賴啦

  • Bayern Chan
    Bayern Chan 於 02/11/2017 評論 NO. 15

    卡華積,Navas缺陣

  • Fowler Li
    Fowler Li 於 02/11/2017 評論 NO. 16

    之前贏吹到佢上天, 而家輸兩場就係罪魁禍首

  • Nomancan Killme
    Nomancan Killme 於 02/11/2017 評論 NO. 17

    炒人啦 D皇馬球迷都慣架

  • Benny Yam
    Benny Yam 於 02/11/2017 評論 NO. 18

    其實只係兩場波啫,而家好似講到季後總結咁

  • Alan Lai
    Alan Lai 於 02/11/2017 評論 NO. 19

    當然,施丹把莫拉達、占士洛迪古斯等人放走的決定,建基於協助皇家馬德里實行年輕化的政策
    佢句野係想表達咩野

  • Hwa Vii Lio
    Hwa Vii Lio 於 02/11/2017 評論 NO. 20

    聞到魷魚香添

  • Eugene Fung
    Eugene Fung 於 02/11/2017 評論 NO. 21

    熱刺上埸比人罵。今埸醒目𤫟

  • Blue LabEl
    Blue LabEl 於 02/11/2017 評論 NO. 22

    放走莫拉達係皇馬今季最大既損失😈

  • Ken NG
    Ken NG 於 02/11/2017 評論 NO. 23

    好大問題
    快啲用違約金買斷埋巴塞既Gomes, Turan, Alcacer同Valmeleen

  • Willis Hsueh
    Willis Hsueh 於 02/11/2017 評論 NO. 24

    唔得咪買人囉, 皇馬冇野多, 錢多, 包哂哈利簡尼同阿里返黎囉.

  • Yau Chun Yuen
    Yau Chun Yuen 於 02/11/2017 評論 NO. 25

    唔係永遠都係佢贏哂嫁lor....(到左今日先開始頹、可惜)

  • Gd Poon
    Gd Poon 於 02/11/2017 評論 NO. 26

    以為做左歐洲足協契仔又死好運,破紀錄衛冕歐聯冠軍就一路威落去?佩雷斯係咪仲發緊夢?
    賣摩拉達、外借占士,靠個傷多過踢既藥煲巴爾絕對係最大敗筆啦,出得嚟行,預左要還,衰多幾年先啦,想買熱刺卡尼同阿里?熱刺主席話:無4億鎊唔駛傾囉。

  • 單身狗
    單身狗 於 02/11/2017 評論 NO. 27


    過於遷就C朗也是原因之一,買球員要經他同意,免搶他鋒頭,射罰球框都唔中,繼續霸住主射,若由J,洛主射效率高很多,個人認為J,洛擔任攻擊中場是正路選擇,為了遷就C朗,未能發揮球隊最大威力

  • HY Lam
    HY Lam 於 02/11/2017 評論 NO. 28

    呢個世界邊有咁多個「費爵爺」呀!

  • So Yikwai
    So Yikwai 於 02/11/2017 評論 NO. 29

    兩年拎夠,主力西甲,歐聯吊住條命上去俾小將拎下經驗,主力休息其實有得諗,係唔知主席制唔制姐😂

  • Eric Yu
    Eric Yu 於 02/11/2017 評論 NO. 30

    好彩嗰幾位青訓上到大枱,否則佩雷斯邊個容許你重青訓而放棄成績,最敗筆係莫拉達走咗,但搵唔到替補人選,賓斯馬又唔係fit到癲,今次輸得慘唔緊要(雖然同時帥位都危),知道隊波咩要改。

  • Steven Wong
    Steven Wong 於 02/11/2017 評論 NO. 31

    冇危機感加上唔好彩

  • Wai Yip Liu
    Wai Yip Liu 於 02/11/2017 評論 NO. 32

    光頭好快時辰到😆

  • Dickni Lee
    Dickni Lee 於 02/11/2017 評論 NO. 33

    有冇發覺近呢幾年
    上年係冠軍,當季成績都係麻麻

  • Johnny Cheung
    Johnny Cheung 於 03/11/2017 評論 NO. 34

    還是一編馬後砲的文章,之前踢得順時就會話施丹可以團結球員,震得主大排球星,提拔新人有一手。

  • Alex Wong
    Alex Wong 於 03/11/2017 評論 NO. 35

    施丹尼次真係用自己個帥位黎搏,佢想法其實係好大膽,想用多啲青訓球員,但實際上又唔敢放佢地踢正選!

  • 阿祺
    阿祺 於 03/11/2017 評論 NO. 36

    Chur左兩季,係人都攰啦

  • Oscar Leung
    Oscar Leung 於 03/11/2017 評論 NO. 37

    其實都算勁,衛冕歐聯,疤都做唔到

  • jazon chan
    jazon chan 於 03/11/2017 評論 NO. 38

    前排唔係贊到仙丹天上有地下無咁咩,一兩個月之後成積一差d就中招

  • Chi Lik Chui
    Chi Lik Chui 於 03/11/2017 評論 NO. 39

    皇家馬德里 能夠兩次連續攞歐聯冠軍 已經好犀利㗎 佢嘅個案 好似拜仁慕尼黑 跌星級球星 開始有啲年紀大 啲當紅球星 有啲青黃不接

  • Hui Cheuk Yin
    Hui Cheuk Yin 於 03/11/2017 評論 NO. 40

    巴塞翻版

  • Ming Wa Lee
    Ming Wa Lee 於 03/11/2017 評論 NO. 41

    唔通個時皇馬係歐超杯贏左曼聯, 成為歐戰真正霸主只係假象?🤔💀🤢

  • Ming Wa Lee
    Ming Wa Lee 於 03/11/2017 評論 NO. 42

    另一邊廂,睇番歐超杯的輸家摩佬, 佢管理球隊陣容的智慧係值得一讚👍, 因為佢今季清走冗員月巴之餘, 亦都不忘增兵, 買左伊巴替工盧渣古同埋爆炸頭2.0防中馬迪, 但係個陣容大體不變, 費格遜至摩佬執教曼聯首季時期的前中後場人腳仍然留係曼聯. 這個好處係陣容穩定, 有利球隊盡快磨合, 比賽的節奏會比較流暢. 👍而且曼聯目前的表現都算唔錯, 只係英超輸一場同埋兩場.💪反觀, 而家皇馬就...💀🤢

快捷鍵:←
快捷鍵:→