《基亞連尼突然「炮轟」哥迪奧拿,到底所因何事?》 文字

談到世上數一數二的「戰術大師」,目前於曼城執教的哥迪奧拿必定榜上有名,皆因現年46歲的他,過往曾率領巴塞隆拿和拜仁慕尼黑,橫掃各項重要大賽的冠軍,如今更帶領藍月亮,朝著英超冠軍的目標進發。

不過,哥迪奧拿的足球哲學,並非每一名的球員均會受落。日前,意大利國腳基亞連尼在記者會上,突然出言「炮轟」哥帥奉行的傳控戰術,並認為相關的理念,摧毀了新一代的意國後衛,這番話到底包含著甚麼意思呢?


一直以來,意大利球壇均被視為頂級後衛的搖籃,皆因該國的足球文化傾重於防守,而非進攻。去年11月,發揮上佳的車路士左閘馬高斯阿朗素,曾在接受訪問期間,表示意甲是後衛們的大學(University for defenders),並指出該國的足球聯賽具備濃厚的戰術性,每一支的球隊均擁有出色的防守質素。

可惜的是,在基亞連尼的眼中,意大利球壇的防守水平正不斷下降,而始作俑者就是提倡「Tiki-taka」戰術的曼城教練哥迪奧拿。

對此,基亞連尼說:「在我年幼時,防守訓練是以緊盯敵方的攻擊球員為主,並需要想盡一切方法,在禁區內凍結對手,我認為這是一個培育頂級後衛的最佳方法。不過,現今的後衛所學習的東西,是以傳控為主,而非提升個人的防守能力,我覺得十分可惜。」

「意大利的足球一直以高效的防守聞名,但我們已漸漸失去這樣的傳統,失去這種讓我們一度雄霸世界的優勢。在意大利的足球哲學裡,是沒有『Tiki-taka』的存在,我們並非西班牙,所以不需要哥迪奧拿式的足球,防守才是我們的皇道。」


誠然,隨著現今的足球運動,愈來愈看重成果,不少的球隊均會採用防守反擊的戰術,務求把敵方的入球數字減到最低,以爭取更多的勝利。不過,在「全能足球」的風氣日漸盛行的情況下,球員已不能單單個別的任務,而是需要達至十項全能的境界。

以一名中堅為例,即使能夠像基亞連尼一樣,具備出色的防守質素,但也需要擁有一定的用球能力,好讓球隊在應付「泊大巴」或逼搶的情況時,利用傳球消耗敵方的體力,破壞對手的戰術部署,從而達到得分的效果。

雖然基亞連尼認為「Tiki-taka」式的教育,並非一名後衛最需要的東西,甚至認為傳控戰術的盛行,是摧毀高效防守的毒藥,但無可否認的是,這名33歲的祖雲達斯球員,也是一名用球能力不俗的後防猛將,理應不會反對讓守將變得更加全能的調教,畢竟自己亦是其中的一份子。


照推斷,基亞連尼「炮轟」哥迪奧拿的主因,應與培育年輕後衛的手法有關。包括基亞連尼、邦路斯和巴沙利在內的資深意大利後衛,均以極度著重防守技巧的傳統訓練培育出來,所以即便他們沒能順應潮流,成為一位用球能力出色的守將,也能夠利用自身的防守質素,為己方保住不失。

不過,新一代的防守球員變得愈來愈著重組織能力,從而忽略防守技巧的培訓,而在基亞連尼的眼中,這種的訓練方法絕對是相當致命,皆因守將的存在,本質就是力保球門不失,並非策動攻勢。奈何傳控戰術的理念,已於各國的球壇變得根深柢固,羅馬主帥迪法蘭斯高亦於日前,高調承認自己是受到哥迪奧拿的足球哲學所感染,難怪基亞連尼會對於哥帥提倡的「Tiki-taka」如此反感。

無可否認的是,作為一名出色的後衛,必須具備上佳的防守技巧。若單單傾重於組織能力的培訓,倒不如呼籲諸位的新生代守將,直接轉型為一名中場球員,以免增加自家防線的負擔。

名義上,基亞連尼出言批評哥迪奧拿,是表達著對「Tiki-taka」摧毀高效防守的不滿,但暗地裡,這名意大利後衛是否希望利用有關的言論,警戒一眾的防線後輩,需要更加著重基本功的訓練呢?此人會是組織能力出眾的魯加尼(Daniele Rugani)嗎?


Ref:基亞連尼訪問馬高斯阿朗素訪問迪法蘭斯高訪問
標籤: 基亞連尼  哥迪奧拿  魯加尼  

留言

會員
我要評論
請按此登錄後留言。未成為會員? 立即註冊
  • Kevin Chu
    Kevin Chu 於 11/11/2017 評論 NO. 1

    記得有個意大利名宿都講過現在意甲青年軍都係教後衛踢zonal defense, 唔會好似傳統咁重視一對一盯人防守。

  • Andy Lau
    Andy Lau 於 11/11/2017 評論 NO. 2

    成篇野都唔知up乜9

  • Wong William
    Wong William 於 11/11/2017 評論 NO. 3

    講得好岩 當意大利 防守不再係世界第一 點叫意大利

  • Kenneth Lai
    Kenneth Lai 於 11/11/2017 評論 NO. 4

    小弟部分贊同基亞連尼嘅講法
    Tiki-Taka係勁
    但當隊隊波都爭住學嘅時候
    就會抹殺咗球隊本身嘅特色
    好似而家巴西隊
    有幾多個有森巴味?
    但另一方面而家意大利後衛同以前比又真係差好遠
    又係咪完全因為tiki-taka呢?

  • Mario Ho
    Mario Ho 於 11/11/2017 評論 NO. 5

    我撐哥迪奧拿。足球從來都係搶分鬥入波多嘅競技。如果個個都淨係專注防守甚至泊大巴,有咩好睇呢

  • Bie Leung
    Bie Leung 於 11/11/2017 評論 NO. 6

    人地tiki taka就係用黎摧毀佢所講既練個人防守技術
    正如一個頂級球員 有心唔比你搶到個波既話 根本無可能會甩(睇下美斯 小白)
    Tiki taka第二個重點係跑得快屈後衛轉身慢
    加上tiki taka係將大波當小型球黎踢 後衛做埋控傳 就係為左製造人多打人少既機會
    所以哥狗對球員個人質素要求要極高
    比你練到尼斯達咁 次次1個對住美斯 阿蘇 咪一鳩樣
    人地係打團體

  • Ka Cheong Law
    Ka Cheong Law 於 11/11/2017 評論 NO. 7

    哥迪奧拿打3後衛都要1中堅2隻閘…

  • Ko LaSi C
    Ko LaSi C 於 11/11/2017 評論 NO. 8

    我覺得佢係想講班後生仔未做好防守就諗點進攻,後衛最重要係防守,練好基本功先再諗其他

  • Henryk Rattle Suen
    Henryk Rattle Suen 於 11/11/2017 評論 NO. 9

    其實係咪讚緊哥迪奧拿

  • Alex Cheng
    Alex Cheng 於 11/11/2017 評論 NO. 10

    如果個個後衛都被訓練到好似一個中場咁,後衛本身嘅存在價值已成問題。當然亦要睇球隊本身嘅戰術體系,而唔係盲目追求其他成功球隊嘅方式

  • Eric  Wong
    Eric Wong 於 11/11/2017 評論 NO. 11

    防守責任由個人演化去全隊啫,你基尼連尼咁諗咪令意甲/意大利足球被淘汰囉

  • Kit Mill
    Kit Mill 於 11/11/2017 評論 NO. 12

    意大利琴晚啲防守好唔掂,無晒規律。

  • Cyrus Fung
    Cyrus Fung 於 11/11/2017 評論 NO. 13

    9傑,戰術既野你識條鐵咩

  • 丁浩賢
    丁浩賢 於 11/11/2017 評論 NO. 14

    我覺得係因為現今足球,對防線既保護低左炸, 無論邊隊波,左右邊衛都會壓上,通常攻強守弱,受既保護少左,而相反,對方一樣,參與進攻人數又多左。 而且已經好少用純防守的球員,即是連保護防線的防中位置,也不能夠分擔到防守壓力,基本所有防務就交給中堅了,連門將。。。現在都用矮小的,即是定位球時,防空既工作又重左

  • Lai Chung Kwan Justin
    Lai Chung Kwan Justin 於 11/11/2017 評論 NO. 15

    Terrence Pogba Chan leonardo

  • Pak Cheng
    Pak Cheng 於 11/11/2017 評論 NO. 16

    Ma Hang Tat

  • 乙鴻
    乙鴻 於 11/11/2017 評論 NO. 17

    佢都係串吓磅路池啫

  • Kelvin Chuk
    Kelvin Chuk 於 11/11/2017 評論 NO. 18

    Lo Tsz worth a read - chiellini is talking abt luiz's type of defenders who cant even handle their most basic job

  • Hong Lim
    Hong Lim 於 11/11/2017 評論 NO. 19

    Ramsey Hei

  • Shao Jie
    Shao Jie 於 11/11/2017 評論 NO. 20

    ChiaJun Lim

  • Zeroau Au
    Zeroau Au 於 11/11/2017 評論 NO. 21

    一個戰術 擊敗另一個戰術 無問題wor

    又唔見告老夫嘈tk 攪到佢啲荷蘭足球

  • Fung Kimi
    Fung Kimi 於 11/11/2017 評論 NO. 22

    最佳防守就係進攻

  • Duck Duck Lam
    Duck Duck Lam 於 11/11/2017 評論 NO. 23

    Daniel Wong 不能同意更多

  • Chun Yin Leung
    Chun Yin Leung 於 11/11/2017 評論 NO. 24

    Lucas ChauSheol Tang

  • Chun Yin Choo
    Chun Yin Choo 於 11/11/2017 評論 NO. 25

    Tiki taka 係沉悶的足球 猜猜猜唔知做咩 現今足球係要靠斬波 一野斬入禁區到最有效率 簡單又直接

  • Mak Andersen
    Mak Andersen 於 11/11/2017 評論 NO. 26

    唔好淨係講後衛,依家啲前鋒大部淨係識等射做汁男,以前朗拿度嗰班禁區外扭入去自己射

  • Jason514
    Jason514 於 11/11/2017 評論 NO. 27

    以前足球講英雄主義 個人發揮 意國後衞單對單勁當然吃香。而家有哂系統化訓練 講整體配合 二打一容易過隻揪點解唔用?for後衞 前鋒一樣道理

  • Dick Ho
    Dick Ho 於 11/11/2017 評論 NO. 28

    基亞連尼自己同以前既尼斯達,簡拿華路都有距離,但佢係哩個世代已經係s級

  • Coffee Cat
    Coffee Cat 於 11/11/2017 評論 NO. 29

    進攻球員比較欣賞主攻戰術既球隊 防守球員比較欣賞聯防緊密既球隊
    其實兩者都無錯 只係大家睇野既角度有所不同
    始終進攻球員未必明白防守球員既難處 反之亦然

    至於tiki-taka 唔係隊隊波都有巴塞球員既默契 或者有哥帥呢種熟知tika戰術既導師係隊伍到
    再睇返意甲 有幾多球會有咁多名傳控都一流既球員係到 與其盲目跟從 應該要考慮點樣可以將隊波發揮到最好 即使係先主守再突擊既戰術

    足球之所以係體育賽事入面咁好睇 其中一個原因係場上有11個人 戰術可以五花八門更多變化

  • Ching Tau
    Ching Tau 於 11/11/2017 評論 NO. 30

    其實我覺得佢係鬧依家班後生多過哥迪奧拿噃
    佢個重點就係依家啲後生連後衛基本功都未練好就走去練傳控,後衛就係後衛,唔應該主次不分防守都未練好就不務正業走去練傳控

  • Tony Tong- Luc Luc
    Tony Tong- Luc Luc 於 11/11/2017 評論 NO. 31

    Chiu Yu Hei Ernest hi iron defence

  • Nicky Lei
    Nicky Lei 於 11/11/2017 評論 NO. 32

    以前的意大利防反真係勁好睇,前面仲有韋利,恩沙基,托迪一針見血

  • Jacky Chung
    Jacky Chung 於 12/11/2017 評論 NO. 33

    我諗佢意思係宜家後衛都唔重視防守,無哂傳統後衛打法。06年世界盃,簡拿華路打中堅打到曉飛咁,其實都無做多餘嘢,下下一腳清解圍,一樣好搶眼拎埋足球先生。當然成王敗寇,戰術嘅野無對錯只有勝負。基亞尼連都係壞緬之下有感而發姐。

  • Matthew Mok
    Matthew Mok 於 12/11/2017 評論 NO. 34

    Timothy Li good read

  • WiLson Wong
    WiLson Wong 於 12/11/2017 評論 NO. 35

    而家好多後生仔好輕視防守,成日想去攻,但冇諗過其實防守遠遠比進攻難練好,到一過左某D黃金期後再練番就遲左,跟住就好難係一線球會踢,而家意大利自己同全世界都少左好多防守硬度夠嘅人材,後衛基亞連尼個代,計埋甘賓尼個批已經係最後一代比到人硬嘅感覺,而家睇車路士,有簡迪同冇簡迪真係2隊波黎,早10-15年前搵個簡迪級嘅唔難,而家搵就幾乎搵唔到,所以證明球會D青訓放哂係前場,後場冇禁多資源,黎緊D CB過1-2億只係時間問題,因為愈來愈難搵到好,可能2線都頂級價

  • Dato Sri Kent
    Dato Sri Kent 於 13/11/2017 評論 NO. 36

    Ronald Mu FEekic Chow Too Yx

快捷鍵:←
快捷鍵:→