哥迪奧拿上季簽入前巴塞隆拿門將巴禾，希望建立由門將而起嘅進攻體系，對門將腳下功夫有一定要求，但巴禾未能適應英超環境，效果未如理想，哥帥今季由賓菲加簽入艾達臣，終於搵到適合球隊踢法，又足夠穩健嘅門將，佢近日打破咗一項健力士世界紀錄，一齊睇下係咩嚟！
曼城嘅24歲巴西門將艾達臣今季登陸英超，迅速適應英超比賽風格，出迎果斷、能協助後場組織、撲救表現穩健。佢其中一項殺著，係可以由後場大腳長傳直接準確搵到最前線嘅隊友，直接發動攻勢。
提早奪冠之後，球隊專注於打破各項紀錄，包括希望喺下一仗全取三分拿下聯賽100分，對於艾達臣個人而言，佢近日都打破咗一個紀錄。
原來艾達臣後場長傳犀利係同佢驚人嘅腳力有關，當腳力游刃有餘，自然可以花更多心機喺準繩度上。曼城早前搵嚟健力士世界紀錄嘅工作人員，為艾達臣嘅長傳進行測試，睇下佢可以踢到幾遠。
喺嚴格嘅測試之下，艾達臣由手上放個波落嚟踢，成功將個波踢到75.35米咁遠，以0.35米之差打破咗舊有75米嘅紀錄。講返清楚先，呢項紀錄官方名稱係 'the longest football drop-kick' 。
Source: ManCity
曼城嘅24歲巴西門將艾達臣今季登陸英超，迅速適應英超比賽風格，出迎果斷、能協助後場組織、撲救表現穩健。佢其中一項殺著，係可以由後場大腳長傳直接準確搵到最前線嘅隊友，直接發動攻勢。
提早奪冠之後，球隊專注於打破各項紀錄，包括希望喺下一仗全取三分拿下聯賽100分，對於艾達臣個人而言，佢近日都打破咗一個紀錄。
原來艾達臣後場長傳犀利係同佢驚人嘅腳力有關，當腳力游刃有餘，自然可以花更多心機喺準繩度上。曼城早前搵嚟健力士世界紀錄嘅工作人員，為艾達臣嘅長傳進行測試，睇下佢可以踢到幾遠。
喺嚴格嘅測試之下，艾達臣由手上放個波落嚟踢，成功將個波踢到75.35米咁遠，以0.35米之差打破咗舊有75米嘅紀錄。講返清楚先，呢項紀錄官方名稱係 'the longest football drop-kick' 。
Source: ManCity
請按此登錄後留言。未成為會員? 立即註冊