西甲勁旅皇家馬德里最近於歐聯淘汰祖雲達斯，返到西甲作客擊敗馬拉加，中場伊斯高絕對係呢幾場波嘅功臣，佢除咗喺中場串連球隊，呢場更射入精彩罰球。
西甲周日賽事，皇家馬德里作客馬拉加，伊斯高曾經於2011-13球季效力馬拉加，今仗佢正選上陣，入場時得到主場球迷站立鼓掌致意。不過作為職業球員，各為其主，伊斯高喺比賽29分鐘，於禁區頂主射罰球，直接彎入，攻破舊球會大門。伊斯高亦十分識做，佢只係舉起雙手，拍掌多謝為佢鼓掌嘅球迷，贏盡主場球迷尊重。
結果，皇馬今仗雖然踢得辛苦，但都憑住伊斯高呢球罰球，同埋佢之後助攻俾卡斯米路嘅入波，以2-1客勝馬拉加，最佳球員當然係一傳一射嘅伊斯高。
順帶一提，幾日前曾經有統計指出，伊斯高由4月開始直至今仗之前，只交失過2次傳球，3場比賽總傳球之數157次、155次成功，成功率達到98.7%，對手係勁敵祖雲達斯同馬體會，其中更包括連續兩場100%！
今仗返到西甲對韌力十足嘅馬拉加，皇馬喺C朗拿度、加利夫巴爾、卻奧斯齊齊缺陣下，整體發揮唔算流暢，而伊斯高傳球數據上亦「稍稍失準」，「只有」88%，但都無礙佢以中場核心角色幫助球隊贏波，果然係神級！
Source: Marca
西甲周日賽事，皇家馬德里作客馬拉加，伊斯高曾經於2011-13球季效力馬拉加，今仗佢正選上陣，入場時得到主場球迷站立鼓掌致意。不過作為職業球員，各為其主，伊斯高喺比賽29分鐘，於禁區頂主射罰球，直接彎入，攻破舊球會大門。伊斯高亦十分識做，佢只係舉起雙手，拍掌多謝為佢鼓掌嘅球迷，贏盡主場球迷尊重。
結果，皇馬今仗雖然踢得辛苦，但都憑住伊斯高呢球罰球，同埋佢之後助攻俾卡斯米路嘅入波，以2-1客勝馬拉加，最佳球員當然係一傳一射嘅伊斯高。
順帶一提，幾日前曾經有統計指出，伊斯高由4月開始直至今仗之前，只交失過2次傳球，3場比賽總傳球之數157次、155次成功，成功率達到98.7%，對手係勁敵祖雲達斯同馬體會，其中更包括連續兩場100%！
今仗返到西甲對韌力十足嘅馬拉加，皇馬喺C朗拿度、加利夫巴爾、卻奧斯齊齊缺陣下，整體發揮唔算流暢，而伊斯高傳球數據上亦「稍稍失準」，「只有」88%，但都無礙佢以中場核心角色幫助球隊贏波，果然係神級！
Source: Marca
請按此登錄後留言。未成為會員? 立即註冊