雖然友誼賽戰意成疑，但周二深夜 (香港時間) 有多場國際友誼賽屬焦點賽事，戲碼相當吸引，包括英格蘭對意大利、西班牙對阿根廷及德國對巴西等，另外仲有一場俄羅斯對法國 (香港時間3月27日23:50) 嘅比賽，較上述幾場冇咁吸引。不過，從另一角度睇，法國今屆陣容人腳選擇甚多，喺世界盃決賽周之前只餘下六月初嘅最後一次友賽期，今次友賽試陣仍然值得一睇。
法國中場普巴嘅發揮，相信同今屆法國隊喺世界盃嘅戰績有好大影響，如果主帥迪甘斯能夠將普巴用得其所，加上有近年橫空出世嘅防中簡迪、前線金童麥巴比等將，法國絕對係今屆奪冠熱門頭幾位。至於如何「用得其所」，就係一個好難回答嘅問題。
早前，普巴喺曼聯嘅發揮不佳，更一度被摩連奴棄用，外間嘅相關傳聞或分析主要有二，第一係普巴同摩連奴之間嘅關係惡化，直接導致普巴被雪藏或者喺戰術上被邊緣化；第二，係摩連奴根本唔識用普巴，對佢嘅戰術要求完全唔適合球員，又或者普巴冇辦法融入曼聯現有陣容，無法同山齊士並存等。法國主帥迪甘斯喺記者會上就直言，普巴喺曼聯過得唔開心。到底迪甘斯可唔可以向摩連奴示範點樣用普巴？
今期第一輪友誼賽，法國對哥倫比亞，迪甘斯派出馬度迪及簡迪嘅雙防中，隨後普巴先喺下半場入替，而呢場法國以2-3輸波。去到第二場，普巴正選上陣，同簡迪、拉比奧特形成三中場，三中場靠邊位置正係坊間認為普巴喺祖雲達斯時代發揮最順暢嘅位置。
結果，普巴喺40分鐘，送出直線，助攻俾麥巴比射成1-0，隨後普巴喺48分鐘搏得中路罰球，親自主射入網，獻出一傳一射，亦踢足90分鐘，球隊最終贏3-1。
https://i.imgur.com/bWgJnBt.gif
https://i.imgur.com/aeSWLCQ.gif
全場精華
https://streamable.com/x3a16
到底普巴今場表現係偶一為之，定係呢個陣型戰術真係適合佢，值得深思。不過部分球迷就將矛頭指向摩連奴，認為普巴同馬迪爾兩名紅魔球員，同樣喺法國隊有良好發揮，證明摩連奴唔識用佢兩個喎。最起碼，可以肯定普巴需要頗大自由度先可以有好發揮，領隊風格要求嚴格紀律本身並對錯，球員態度如何又係另一問題，但如果兩者冇辦法配合，可能真係兩個只能活一個喇……
Source: Sportbible、ManchesterEveningNews、Guardian
法國中場普巴嘅發揮，相信同今屆法國隊喺世界盃嘅戰績有好大影響，如果主帥迪甘斯能夠將普巴用得其所，加上有近年橫空出世嘅防中簡迪、前線金童麥巴比等將，法國絕對係今屆奪冠熱門頭幾位。至於如何「用得其所」，就係一個好難回答嘅問題。
早前，普巴喺曼聯嘅發揮不佳，更一度被摩連奴棄用，外間嘅相關傳聞或分析主要有二，第一係普巴同摩連奴之間嘅關係惡化，直接導致普巴被雪藏或者喺戰術上被邊緣化；第二，係摩連奴根本唔識用普巴，對佢嘅戰術要求完全唔適合球員，又或者普巴冇辦法融入曼聯現有陣容，無法同山齊士並存等。法國主帥迪甘斯喺記者會上就直言，普巴喺曼聯過得唔開心。到底迪甘斯可唔可以向摩連奴示範點樣用普巴？
今期第一輪友誼賽，法國對哥倫比亞，迪甘斯派出馬度迪及簡迪嘅雙防中，隨後普巴先喺下半場入替，而呢場法國以2-3輸波。去到第二場，普巴正選上陣，同簡迪、拉比奧特形成三中場，三中場靠邊位置正係坊間認為普巴喺祖雲達斯時代發揮最順暢嘅位置。
結果，普巴喺40分鐘，送出直線，助攻俾麥巴比射成1-0，隨後普巴喺48分鐘搏得中路罰球，親自主射入網，獻出一傳一射，亦踢足90分鐘，球隊最終贏3-1。
https://i.imgur.com/bWgJnBt.gif
https://i.imgur.com/aeSWLCQ.gif
全場精華
https://streamable.com/x3a16
到底普巴今場表現係偶一為之，定係呢個陣型戰術真係適合佢，值得深思。不過部分球迷就將矛頭指向摩連奴，認為普巴同馬迪爾兩名紅魔球員，同樣喺法國隊有良好發揮，證明摩連奴唔識用佢兩個喎。最起碼，可以肯定普巴需要頗大自由度先可以有好發揮，領隊風格要求嚴格紀律本身並對錯，球員態度如何又係另一問題，但如果兩者冇辦法配合，可能真係兩個只能活一個喇……
Source: Sportbible、ManchesterEveningNews、Guardian
請按此登錄後留言。未成為會員? 立即註冊