【方法演技】韋碧克阿里輸十條街!本季插水奧斯卡非佢莫屬,智利翼鋒零水花搏12碼絕殺反勝

睇足365 於 21/03/2018 發表 收藏文章
假如足球壇有奧斯卡,影帝會係邊個?巴塞中場布斯基斯因為當年「偷睇球證」一幕而被球迷戲稱為影帝,今年球迷可能會揀熱刺嘅迪利阿里,或者阿仙奴嘅韋碧克,不過可惜佢哋「生不逢時」,遇著以下呢位勁敵,今季影帝只能夠係佢!

喺星期日嘅智利甲組聯賽,康塞普森大學 (Universidad de Concepción) 對陣阿歷斯山齊士嘅前球會高路高路 (Colo-Colo) ,智利翼鋒真恩文尼西斯 (Jean Meneses) 搏得爭議12碼,令康塞普森大學絕殺反勝高路高路。


比賽由高路高路喺43分鐘先開紀錄,其後康塞普森大學喺79分鐘扳平,踢到86分鐘,真恩文尼西斯喺禁區內被侵犯,球證直指12碼點,由文尼基斯 (Fernando Manriquez) 操刀射入,助球隊反敗為勝。不過睇真啲,真恩文尼西斯嘅動作十分浮誇,由慢鏡睇返,佢完全係自己跌落地。

https://i.imgur.com/AiDnCSj.gif

嗰一刻對手後衛腳部的確係有所動作,但就似乎掂唔到真恩文尼西斯又或者僅僅hi到腳指公,而且佢好似有後眼咁,同後衛隻腳掃過嘅節奏十分配合,誇張倒地之後仲「痛到彈起」,絕對係深得俄國戲劇理論大師史坦尼斯拉夫斯基真傳,活用咗「由外到內,再由內去返外」嘅方法演技。

睇返另一個角度,真係好神似!如果淨係睇呢個鏡頭,應該會信佢,今季插水奧斯卡影帝非佢莫屬!不過都有網民話呢個角度見到對手真係稍稍掂到佢,所以點都唔夠韋碧克假喎。

https://i.imgur.com/jNF0yr5.gif

可能南美洲足球文化唔同,呢位仁兄對於插水行為並冇引以為恥,賽後直認不諱:

「我哋知道呢場波好難踢。佢哋喺上半場把握機會領先,我哋下半場努力追平。佢當時掂到我,咁我就利用規則,前鋒喺禁區內唔可以俾人掂到。所以我情急智生,由得自己跌低。」

引用'One has to take advantage of the fact players cannot touch attackers in the area,' he said.

'So I played with a little bit of vividness and let myself fall.'

完整片段:
https://streamable.com/75229

阿里、韋碧克重溫
https://i.imgur.com/wl1obFs.gif
https://i.imgur.com/vzkeb0T.gif

Source: Daily MailTheSun

留言


請按此登錄後留言。未成為會員? 立即註冊
    快捷鍵:←
    快捷鍵:→