曼迷揸車狂寸利記輸波　加歷查吐口水報復後道歉

剛剛周末嘅英超賽事，曼聯主場對利物浦，係第200次「雙紅會」，兩家球會因為歷史上兩大港口城市之爭而成為宿敵，令「雙紅會」成為英格蘭版本嘅「國家打吡」，球場上鬥得激烈之餘，球場外兩軍球迷都繼續互寸，但今次主角就係紅軍名宿加歷查（Jamie Carragher）。


利物浦名宿加歷查對球會嘅愛就人所共知，佢而家喺《Sky Sports》擔任主持。雙紅會當日，佢喺奧脫福球場工作之後，開車離開。

當時一名同樣揸住車嘅曼聯球迷，喺馬路上與加歷查座駕相遇，就不斷呼叫加歷查個名。加歷查攪低車窗之後聽到前者不斷嘲笑利物浦輸波，於是心有不忿，向曼聯球迷車內吐口水。


由於加歷查同嗰位曼聯球迷中間仲隔住一位14歲女仔，加歷查啲口水命中嘅就係呢位女仔，令佢當場喊起上嚟。

https://i.imgur.com/Bla1C2R.gif
加歷查事後晚上，親自打電話俾嗰位球迷道歉，小女球迷接受咗佢嘅道歉。加歷查亦喺Twitter上為自己當時失去理智致歉。



《Sky Sports》方面就指，加歷查嘅行為完全不能接受，將會同佢會面。
完整影片

https://streamable.com/ljoi2
Source: Mirror、Guradian