歐聯重燃戰鼓，英超球隊熱刺喺16強首回合作客都靈，以2-2賽和祖雲達斯，當中祖雲達斯前鋒希古恩梅開二度，又有一次十二碼宴客，係焦點所在；熱刺方面，哈利卡尼同艾歷臣各建一功，表現出色。不過你未必會估到，喺電視台做評述員嘅球壇名宿謝拉特同里奧費迪南，不約而同咁拎咗熱刺中場迪比利 (Mousa Dembele) 出嚟講。
根據《WhoScored》數據評分，熱刺方面評分最高嘅係哈利卡尼 (8.2) ，第二係艾歷臣 (8.1)，而迪比利都有7.9分。不過，有時一隊波踢得最好嘅未必係入波或者助攻嘅人，可能係喺後面唔起眼，做啲簡單傳送嘅中場，冇咗呢個人連繫前後場、控制節奏，成隊波可能就散晒。另一方面，到底真係控制到節奏，還是好似前阿仙奴中場丹尼臣咁，只係冇意義嘅不斷橫傳回傳刷數據，只係一線之差，呢樣嘢就要相信利物浦名宿謝拉特嘅意見喇，同樣踢中場嘅佢應該睇得比較透徹。
謝拉特睇完場波之後，喺賽後分析環節大讚迪比利今場嘅演出：「我覺得迪比利表現非凡，我唔記得曾經睇過佢喺呢個級數嘅比賽中有咁好表現。我認為佢全場比賽都無可挑剔。」
至於謝拉特嘅講波拍檔、曼聯名宿里奧費迪南就讚得仲勁，佢話：「好多人睇迪比利踢波，都會話佢唔夠創造力，做唔到呢樣嗰樣，又冇入波。佢被安排喺一個中場墮後嘅位置上面，控制比賽節奏，而佢喺呢一刻做得比任何人都好。」
30歲嘅比利時中場迪比利，今仗錄得95次傳球，成功率高達94%，不論次數定成功率都係全場最高，亦獲《Sky Sports》評為Man of the match。
其實佢喺最近嘅周末北倫敦打吡已經交出好表現：
Source: Daily Mail
根據《WhoScored》數據評分，熱刺方面評分最高嘅係哈利卡尼 (8.2) ，第二係艾歷臣 (8.1)，而迪比利都有7.9分。不過，有時一隊波踢得最好嘅未必係入波或者助攻嘅人，可能係喺後面唔起眼，做啲簡單傳送嘅中場，冇咗呢個人連繫前後場、控制節奏，成隊波可能就散晒。另一方面，到底真係控制到節奏，還是好似前阿仙奴中場丹尼臣咁，只係冇意義嘅不斷橫傳回傳刷數據，只係一線之差，呢樣嘢就要相信利物浦名宿謝拉特嘅意見喇，同樣踢中場嘅佢應該睇得比較透徹。
謝拉特睇完場波之後，喺賽後分析環節大讚迪比利今場嘅演出：「我覺得迪比利表現非凡，我唔記得曾經睇過佢喺呢個級數嘅比賽中有咁好表現。我認為佢全場比賽都無可挑剔。」
至於謝拉特嘅講波拍檔、曼聯名宿里奧費迪南就讚得仲勁，佢話：「好多人睇迪比利踢波，都會話佢唔夠創造力，做唔到呢樣嗰樣，又冇入波。佢被安排喺一個中場墮後嘅位置上面，控制比賽節奏，而佢喺呢一刻做得比任何人都好。」
30歲嘅比利時中場迪比利，今仗錄得95次傳球，成功率高達94%，不論次數定成功率都係全場最高，亦獲《Sky Sports》評為Man of the match。
其實佢喺最近嘅周末北倫敦打吡已經交出好表現：
Source: Daily Mail
請按此登錄後留言。未成為會員? 立即註冊