講起前鋒幫對手「護空門」，一定會諗起「中堅賓」賓特拿。當年「Lord賓」喺阿仙奴，於門前走過，將隊友本來嘅入波撞返出嚟。最近，一名希臘超球員竟然能夠做出更高難度嘅示範。
希臘超級聯賽傳統勁旅AEK雅典 (AEK Athens) 喺周末主場出擊，對中游分子卓普利斯 (Asteras Tripolis) 。喺比賽12分鐘，佢哋馬上有一次先開紀錄嘅機會。當時AEK雅典喺左路傳中，卓普利斯守將想倒掛解圍但唔成功，令個波改變軌跡，門將出迎被笠死，眼看就要笠入空門。
呢個時候，AEK雅典前鋒阿拿奧祖 (Sergio Araujo) 快守將一步，喺離門一碼位置加一腳，點知個波竟然炒高中楣彈出！再睇多次，其實個波本身已經就嚟入白界，就算阿拿奧祖唔去掂個波，只要「得」住個位唔俾身後嘅守將護空門，個波都極大機會入網。
https://i.imgur.com/AOHBEl9.gif
https://i.imgur.com/xNroaQz.gif
再退一步講，佢要送個波入網都係好合理，但處理方法有好多，可能小弟鍵盤戰士講就容易啦，例如佢可以早少少用頭槌啦，例如可以乜都唔做就咁跑入龍門，用心口撞入去啦，但佢偏偏選擇凌空舉腳射入去，點知就炒波底，結果就成功幫對面隊解圍！
26歲阿根廷前鋒阿拿奧祖，原來曾經踢過巴塞B隊，今季由西甲拉斯彭馬斯外借加盟，睇到佢今場表現，唔知佢喺原球隊嘅前途會唔會凍過水喇，不過好彩呢場波AEK雅典都以1-0擊敗對手，如果唔係佢真係激死唔少球迷。就咁睇聯賽數據，呢位前鋒又唔係咁差，佢16戰射入7球，喺隊內係並列神射手，喺聯賽射手榜上都排第5位。
完整影片
https://www.youtube.com/watch?time_continue=22&v=LdBd6g2aDIE
Source: Four Four Two、beinsports
希臘超級聯賽傳統勁旅AEK雅典 (AEK Athens) 喺周末主場出擊，對中游分子卓普利斯 (Asteras Tripolis) 。喺比賽12分鐘，佢哋馬上有一次先開紀錄嘅機會。當時AEK雅典喺左路傳中，卓普利斯守將想倒掛解圍但唔成功，令個波改變軌跡，門將出迎被笠死，眼看就要笠入空門。
呢個時候，AEK雅典前鋒阿拿奧祖 (Sergio Araujo) 快守將一步，喺離門一碼位置加一腳，點知個波竟然炒高中楣彈出！再睇多次，其實個波本身已經就嚟入白界，就算阿拿奧祖唔去掂個波，只要「得」住個位唔俾身後嘅守將護空門，個波都極大機會入網。
https://i.imgur.com/AOHBEl9.gif
https://i.imgur.com/xNroaQz.gif
再退一步講，佢要送個波入網都係好合理，但處理方法有好多，可能小弟鍵盤戰士講就容易啦，例如佢可以早少少用頭槌啦，例如可以乜都唔做就咁跑入龍門，用心口撞入去啦，但佢偏偏選擇凌空舉腳射入去，點知就炒波底，結果就成功幫對面隊解圍！
26歲阿根廷前鋒阿拿奧祖，原來曾經踢過巴塞B隊，今季由西甲拉斯彭馬斯外借加盟，睇到佢今場表現，唔知佢喺原球隊嘅前途會唔會凍過水喇，不過好彩呢場波AEK雅典都以1-0擊敗對手，如果唔係佢真係激死唔少球迷。就咁睇聯賽數據，呢位前鋒又唔係咁差，佢16戰射入7球，喺隊內係並列神射手，喺聯賽射手榜上都排第5位。
完整影片
https://www.youtube.com/watch?time_continue=22&v=LdBd6g2aDIE
Source: Four Four Two、beinsports
請按此登錄後留言。未成為會員? 立即註冊