兩季前，李斯特城奇蹟封王，打出身價嘅馬列斯，盛傳受到多間球會青睞，但佢到依家仍然留喺隊中。最近，英國多間傳媒報導，曼城喺利萊辛尼受傷後，緊急求購馬列斯，連續數度報價遭拒。根據《Sky Sports》報導，馬列斯懷疑因為不滿球會嘅處理手法，已經連續三日冇向球會報到。
根據英國傳媒報導，曼城翼鋒利萊辛尼喺足總盃對卡迪夫城一仗受傷，初步估計有機會需要休養接近兩個月，呢件事促使曼城喺轉會窗關閉前48小時內，多次報價求購26歲翼鋒馬列斯。《Sky Sports》指，曼城喺最後一次報價，提出以一名球員加現金交換，總值達到6,500萬鎊，但李斯特城還價接近9,500萬鎊，令曼城放棄。
馬列斯透過一位朋友，向《Sky Sports》表示，對於球會嘅處理手法感到十分不滿：
「佢對於近日事態發展感到十分失望。佢唔明白李斯特城點解要咁樣對佢。」
「呢個已經係球會聲稱會俾佢離開嘅第四個轉會窗，佢認為自己已經為球會竭盡所能。第一個球季，佢為球隊升班貢獻良多，又幫球會拎到英超冠軍，然後按照球會主席嘅說話，留低幫助球隊護級。」
「球會放走咗簡迪同真禾特，而佢本來可以創下球會轉會費收益紀錄，同時打破曼城轉會費紀錄，李城當年買入佢只係用咗35萬鎊，而家已經可以賺到5,980萬鎊。有好多隊友同佢講過，如果想離開李城，就要同球會開戰，但呢個係佢一直想避免做嘅事。」
馬列斯嘅合約要到2020年先到期，多次求去不成嘅佢定必心感不忿，《Sky Sports》及其他傳媒就報導，話佢已經連續三日冇返球隊報到及參與操練，因此缺席李城作客不敵愛華頓一仗，預計佢都會缺席下場對史雲斯嘅比賽，而且被球隊罰款20萬鎊。有趣嘅係，李城再下一場比賽將會作客曼城，唔知到時馬列斯會唔會上陣爭取表現？
Source: Sky Sports、ESPN
根據英國傳媒報導，曼城翼鋒利萊辛尼喺足總盃對卡迪夫城一仗受傷，初步估計有機會需要休養接近兩個月，呢件事促使曼城喺轉會窗關閉前48小時內，多次報價求購26歲翼鋒馬列斯。《Sky Sports》指，曼城喺最後一次報價，提出以一名球員加現金交換，總值達到6,500萬鎊，但李斯特城還價接近9,500萬鎊，令曼城放棄。
馬列斯透過一位朋友，向《Sky Sports》表示，對於球會嘅處理手法感到十分不滿：
「佢對於近日事態發展感到十分失望。佢唔明白李斯特城點解要咁樣對佢。」
「呢個已經係球會聲稱會俾佢離開嘅第四個轉會窗，佢認為自己已經為球會竭盡所能。第一個球季，佢為球隊升班貢獻良多，又幫球會拎到英超冠軍，然後按照球會主席嘅說話，留低幫助球隊護級。」
「球會放走咗簡迪同真禾特，而佢本來可以創下球會轉會費收益紀錄，同時打破曼城轉會費紀錄，李城當年買入佢只係用咗35萬鎊，而家已經可以賺到5,980萬鎊。有好多隊友同佢講過，如果想離開李城，就要同球會開戰，但呢個係佢一直想避免做嘅事。」
馬列斯嘅合約要到2020年先到期，多次求去不成嘅佢定必心感不忿，《Sky Sports》及其他傳媒就報導，話佢已經連續三日冇返球隊報到及參與操練，因此缺席李城作客不敵愛華頓一仗，預計佢都會缺席下場對史雲斯嘅比賽，而且被球隊罰款20萬鎊。有趣嘅係，李城再下一場比賽將會作客曼城，唔知到時馬列斯會唔會上陣爭取表現？
Source: Sky Sports、ESPN
請按此登錄後留言。未成為會員? 立即註冊