有時球迷癲起上嚟，真係唔係人咁品，掉煙花掉銀仔呢啲會傷害他人身體嘅嘢都唔講，竟然有人好玩唔玩，走去玩尿，真係超冇品。
喺周末英冠賽事，昆士柏流浪 (QPR) 主場對米杜士堡嘅比賽就發生咗一件小插曲。呢場波係由客隊米杜士堡以3-0大勝，不過客隊有一位球迷得勢不饒人，竟然喺人哋主場搞事。據《Sky Sports》報導，一位男性球迷坐喺QPR龍門後方看台，向住一個水樽痾尿，然後將水樽掉向球場。
據報導了解，比賽中曾經有人非法闖入球場草地範圍，並偷走咗屬於QPR門將史密夫斯（Alex Smithies）嘅水樽。從現場流出片段可以見到，一名男子向水樽內射尿，然後關好水樽，並且掉向龍門方向。
https://youtu.be/6xXoc00wMkQ
相信佢咁有手尾閂好個水樽，再掉返去龍門後方，可能係想令QPR門將史密夫斯唔小心飲咗佢啲尿，真係極之無品，暫時各大傳媒都話唔知道史密夫斯最終有冇「中伏」，希望佢冇啦。
事後，當地警方就做到嘢，佢哋已經將呢名球迷拘捕，會以「向球場擲物」嘅罪名起訴佢。警方嘅球賽專責警官亦都喺Twitter上發聲明，證實有一名球迷向QPR門將嘅水樽痾尿，亦表示希望能採取行動禁止呢位球迷再入場鬧事。
根據《BBC》較早前報導，兩名熱刺球迷喺對韋斯咸嘅聯賽盃比賽中，向韋斯咸球迷投擲裝有尿液嘅杯，結果被熱刺終身禁止入場睇波。
Source: Sky Sports、BBC
喺周末英冠賽事，昆士柏流浪 (QPR) 主場對米杜士堡嘅比賽就發生咗一件小插曲。呢場波係由客隊米杜士堡以3-0大勝，不過客隊有一位球迷得勢不饒人，竟然喺人哋主場搞事。據《Sky Sports》報導，一位男性球迷坐喺QPR龍門後方看台，向住一個水樽痾尿，然後將水樽掉向球場。
據報導了解，比賽中曾經有人非法闖入球場草地範圍，並偷走咗屬於QPR門將史密夫斯（Alex Smithies）嘅水樽。從現場流出片段可以見到，一名男子向水樽內射尿，然後關好水樽，並且掉向龍門方向。
https://youtu.be/6xXoc00wMkQ
相信佢咁有手尾閂好個水樽，再掉返去龍門後方，可能係想令QPR門將史密夫斯唔小心飲咗佢啲尿，真係極之無品，暫時各大傳媒都話唔知道史密夫斯最終有冇「中伏」，希望佢冇啦。
事後，當地警方就做到嘢，佢哋已經將呢名球迷拘捕，會以「向球場擲物」嘅罪名起訴佢。警方嘅球賽專責警官亦都喺Twitter上發聲明，證實有一名球迷向QPR門將嘅水樽痾尿，亦表示希望能採取行動禁止呢位球迷再入場鬧事。
根據《BBC》較早前報導，兩名熱刺球迷喺對韋斯咸嘅聯賽盃比賽中，向韋斯咸球迷投擲裝有尿液嘅杯，結果被熱刺終身禁止入場睇波。
Source: Sky Sports、BBC
請按此登錄後留言。未成為會員? 立即註冊