轉會在即 山齊士與暴龍哥合照,留言「淚別」北倫敦

睇足365 於 21/01/2018 發表 收藏文章
阿仙奴球星山齊士轉會基本上已成定居,就連喺曼聯領隊摩連奴同阿仙奴領隊雲加口中,都可以知道山齊士極大機會喺短期內加盟曼聯,只係差細節未傾妥。

根據英國傳媒報導,山齊士自上輪英超缺陣之後,一直跟隨阿仙奴預備隊訓練,喺當地時間周五先再次同一隊隊友合操,而佢亦都喺訓練後同隊友道別。


經常喺《ArsenalFanTV》上面出鏡嘅「明星級球迷」Troopz,平時就青筋暴現咁狠批阿仙奴。呢位俾香港球迷稱為「暴龍哥」嘅網絡紅人,當地時間周五,就喺倫敦街頭「野生捕獲」山齊士,仲佢合照一張。

「暴龍哥」喺Instagram上面就話,佢都曾經鬧過「山神」,不過其實佢都咁鍾意呢位智利前鋒。咁其實同佢平時鬧阿仙奴一樣,鬧到爆晒粗都好,又係咁撐愛隊,槍手入波嗰陣又係一樣興奮到彈起。佢喺最後就同「山神」講再見,當然都不忘鬧下雲加啦。

loading

不過,重點其實係呢個post得到「山神」真身嘅like同埋留言回覆。不過「山神」就冇講啲咩,淨係留低咗「喊」同「sad」嘅emoji,唔知係咪對阿仙奴缺乏雄心而要離開感到可惜呢?


Source: Daily Mail
標籤: 山齊士  阿仙奴  暴龍哥  Troopz  

留言


請按此登錄後留言。未成為會員? 立即註冊
    快捷鍵:←
    快捷鍵:→