早前，阿仙奴前鋒山齊士喺作客般尼茅夫一仗並冇隨隊出征，令到外間對佢即將離隊嘅傳聞甚囂塵上。領隊雲加喺賽後記者會上表示山齊士轉會與否，好有可能喺48小時之內有定案，更保證會喺今個轉會窗內搵到山齊士嘅替代人選，「山神」離隊似乎已成定局，問題只係去邊度。
本來英國傳媒一直盛傳，最有希望簽下山齊士嘅，係哥迪奧拿嘅曼城，一來佢哋有能力支付高價周薪，二來佢哋能夠滿足山齊士嘅雄心，三來佢哋喺哥迪奧拿麾下嘅風格同山齊士踢過嘅巴塞隆拿同阿仙奴比較接近。後來，報導指曼聯出手爭奪山齊士，佢哋不論喺球會定球員方面，開出嘅條件都更加優厚，更有傳摩連奴願意用錢加米希達恩交換，總值超過6000萬鎊，同時開出35萬鎊周薪作為個人條件。
《Sky Sports》報導認為，曼城並不願意開出同曼聯價值相約嘅條件，因為佢哋認為山齊士只剩半年合約，可以喺夏季轉會窗免費加盟，唔值得喺個時候花費過大代價簽下佢。雖然曼城新星前鋒加比爾捷西斯最近傷出，預計需要休養兩個月之久，令「藍月亮」鋒線引援嘅需要更大，不過佢哋已經表明意向，唔會再加碼求購「山神」。
另一方面，《Sky Sports》指出車路士喺近日加入「山神爭奪戰」。報導指出，車路士領隊干地盛讚這位29歲智利前鋒，並喺上周透露，當年自己執教祖雲達斯時，曾經嘗試從另一意甲球隊烏甸尼斯簽下「山神」。消息又指，雖然車路士暫時仍未正式提出報價，但認為即使車路士最終成功「偷走」山齊士都唔會太令人意外，因為車口路士曾經喺2013年從熱刺手上「偷走」效力安治嘅韋利安。
Source: Sky Sports
《Manchester City end interest in Alexis Sanchez》
《Chelsea interested in signing Alexis Sanchez from Arsenal in January》
本來英國傳媒一直盛傳，最有希望簽下山齊士嘅，係哥迪奧拿嘅曼城，一來佢哋有能力支付高價周薪，二來佢哋能夠滿足山齊士嘅雄心，三來佢哋喺哥迪奧拿麾下嘅風格同山齊士踢過嘅巴塞隆拿同阿仙奴比較接近。後來，報導指曼聯出手爭奪山齊士，佢哋不論喺球會定球員方面，開出嘅條件都更加優厚，更有傳摩連奴願意用錢加米希達恩交換，總值超過6000萬鎊，同時開出35萬鎊周薪作為個人條件。
《Sky Sports》報導認為，曼城並不願意開出同曼聯價值相約嘅條件，因為佢哋認為山齊士只剩半年合約，可以喺夏季轉會窗免費加盟，唔值得喺個時候花費過大代價簽下佢。雖然曼城新星前鋒加比爾捷西斯最近傷出，預計需要休養兩個月之久，令「藍月亮」鋒線引援嘅需要更大，不過佢哋已經表明意向，唔會再加碼求購「山神」。
另一方面，《Sky Sports》指出車路士喺近日加入「山神爭奪戰」。報導指出，車路士領隊干地盛讚這位29歲智利前鋒，並喺上周透露，當年自己執教祖雲達斯時，曾經嘗試從另一意甲球隊烏甸尼斯簽下「山神」。消息又指，雖然車路士暫時仍未正式提出報價，但認為即使車路士最終成功「偷走」山齊士都唔會太令人意外，因為車口路士曾經喺2013年從熱刺手上「偷走」效力安治嘅韋利安。
Source: Sky Sports
《Manchester City end interest in Alexis Sanchez》
《Chelsea interested in signing Alexis Sanchez from Arsenal in January》
請按此登錄後留言。未成為會員? 立即註冊