西甲班霸皇家馬德里今季嘅情況十分令人擔心，佢哋已經大幅落後俾宿敵巴塞隆拿，今季爭奪聯賽冠軍基本無望。另一方面，佢哋嘅球隊核心C朗拿度雖然喺歐聯有表現，但喺聯賽就陷入低潮。
最近一場西甲，皇馬坐陣主場面對維拉利爾，佢哋歷史上從未試過喺主場輸俾「黃色潛艇」，點知就係今場打爛齋砵，相信一定令到球迷更加不滿。其實皇馬今場擺出C朗同巴爾踢雙箭頭，希望加強攻力，點知全場射門28次，只得7腳中龍，最後一球都入唔到，仲喺87分鐘俾「黃潛」一個反擊得手，輸0-1。
除咗要讚「黃潛」防線打得好、門將阿辛祖發揮神勇之外，C朗嘅低迷亦都係一個因素。C朗今場11次起腳，只有4次中目標，另外有4次被封截、3次唔中龍。
其中一次，喺完半場前，伊斯高喺右路地波橫傳送入6碼區，入楔嘅C朗近門一射被門將擋出，一些球迷認為呢一球反映出C朗嘅狀態有幾咁低迷。
https://i.imgur.com/3zQk4Ex.gif
有人就話，阿拿度域過去四星期喺英超入嘅波，已經多過C朗由開季到依家喇。
不過，C朗同一啲皇馬球員喺呢球之後，十分激動咁樣向球證投訴，話C朗身後嘅馬里奧加斯柏侵犯咗佢，認為應該要吹12碼。睇返多角度慢鏡，C朗入楔嘅時候，馬里奧加斯柏似乎真係 "kick" 到C朗，令佢起腳嘅時候有少少失平衝，但接觸動作的確唔大，個人認為又真係難啲吹12碼嘅。咁當然，如果球證睇到，判12碼係合理啦，但都有啲球證就算睇到都會覺得可以唔使吹，呢個留返俾大家去討論。
計埋今場之後，C朗喺今季西甲已經起腳射門94次，只係入咗4球。喺2014-15球季，佢每射入一個西甲入球，平均只需要約65分鐘，但今季就要超過300分鐘先入到一球。其實除咗C朗低迷之外，皇馬成隊波嘅處境更令人擔心，因為佢哋暫時只係排喺西甲第4位，少踢一場之下落後俾第3位嘅華倫西亞8分，比起榜首同樣踢咗18場嘅宿敵巴塞，更喺少咗16分，相信主帥施丹已經處於被炒邊緣。
Source: Sportbible、WhoScored
最近一場西甲，皇馬坐陣主場面對維拉利爾，佢哋歷史上從未試過喺主場輸俾「黃色潛艇」，點知就係今場打爛齋砵，相信一定令到球迷更加不滿。其實皇馬今場擺出C朗同巴爾踢雙箭頭，希望加強攻力，點知全場射門28次，只得7腳中龍，最後一球都入唔到，仲喺87分鐘俾「黃潛」一個反擊得手，輸0-1。
除咗要讚「黃潛」防線打得好、門將阿辛祖發揮神勇之外，C朗嘅低迷亦都係一個因素。C朗今場11次起腳，只有4次中目標，另外有4次被封截、3次唔中龍。
其中一次，喺完半場前，伊斯高喺右路地波橫傳送入6碼區，入楔嘅C朗近門一射被門將擋出，一些球迷認為呢一球反映出C朗嘅狀態有幾咁低迷。
https://i.imgur.com/3zQk4Ex.gif
有人就話，阿拿度域過去四星期喺英超入嘅波，已經多過C朗由開季到依家喇。
不過，C朗同一啲皇馬球員喺呢球之後，十分激動咁樣向球證投訴，話C朗身後嘅馬里奧加斯柏侵犯咗佢，認為應該要吹12碼。睇返多角度慢鏡，C朗入楔嘅時候，馬里奧加斯柏似乎真係 "kick" 到C朗，令佢起腳嘅時候有少少失平衝，但接觸動作的確唔大，個人認為又真係難啲吹12碼嘅。咁當然，如果球證睇到，判12碼係合理啦，但都有啲球證就算睇到都會覺得可以唔使吹，呢個留返俾大家去討論。
計埋今場之後，C朗喺今季西甲已經起腳射門94次，只係入咗4球。喺2014-15球季，佢每射入一個西甲入球，平均只需要約65分鐘，但今季就要超過300分鐘先入到一球。其實除咗C朗低迷之外，皇馬成隊波嘅處境更令人擔心，因為佢哋暫時只係排喺西甲第4位，少踢一場之下落後俾第3位嘅華倫西亞8分，比起榜首同樣踢咗18場嘅宿敵巴塞，更喺少咗16分，相信主帥施丹已經處於被炒邊緣。
Source: Sportbible、WhoScored
請按此登錄後留言。未成為會員? 立即註冊