利物浦最近突然以1.4億英鎊轉會費賣出隊中核心古天奴，從領隊高普早前曾經表示下一場比賽將會派出古天奴睇嚟，球會呢一著似乎打亂咗球隊嘅部署，佢哋中場嘅位置無疑急需補充。
根據《Sky Sports》喺2017年8月29日嘅報導，利物浦已經與德甲球隊RB萊比錫達成協議，支付4,800萬鎊解約金加上一筆未被公開嘅轉會費，引入22歲畿內亞中場拿比基達，另有報導指轉會費總額高達6,640萬鎊，而佢將會喺2018年7月1日先正式加盟紅軍。
喺冬季轉會窗出售古天奴之後，紅軍中場就只剩低韋拿杜姆、佐敦軒達臣、安利簡等，加上傷癒不久嘅拉蘭拿同埋有時需要客串閘位嘅占士米拿，講到盤球同傳直線嘅能力，恐怕只有倚賴拉蘭拿。因此，紅軍十分希望夏季先嚟報到嘅拿比基達，可以提早加入。
《Sky Sports》最新報導，證實利物浦近日向RB萊比錫提出，以提高轉會費為代價，要求後者馬上放拿比基達加盟，但已經遭到拒絕。《Daily Mail》指，萊比錫不願意提早放人，原因係佢哋仍需征戰歐霸盃淘汰賽；喺聯賽方面，佢哋暫時排喺第五位，而德甲爭奪前四歐聯資格嘅形勢十分緊張，第三位嘅多蒙特至到第六位嘅慕遜加柏，四支球隊同樣得到28分，而第七、八位嘅球隊亦有26分，萊比錫有機會爭奪前四嘅同時，稍有差池就會連歐霸資格都未必保得住。
Source: Sky Sports、Daily Mail
根據《Sky Sports》喺2017年8月29日嘅報導，利物浦已經與德甲球隊RB萊比錫達成協議，支付4,800萬鎊解約金加上一筆未被公開嘅轉會費，引入22歲畿內亞中場拿比基達，另有報導指轉會費總額高達6,640萬鎊，而佢將會喺2018年7月1日先正式加盟紅軍。
喺冬季轉會窗出售古天奴之後，紅軍中場就只剩低韋拿杜姆、佐敦軒達臣、安利簡等，加上傷癒不久嘅拉蘭拿同埋有時需要客串閘位嘅占士米拿，講到盤球同傳直線嘅能力，恐怕只有倚賴拉蘭拿。因此，紅軍十分希望夏季先嚟報到嘅拿比基達，可以提早加入。
《Sky Sports》最新報導，證實利物浦近日向RB萊比錫提出，以提高轉會費為代價，要求後者馬上放拿比基達加盟，但已經遭到拒絕。《Daily Mail》指，萊比錫不願意提早放人，原因係佢哋仍需征戰歐霸盃淘汰賽；喺聯賽方面，佢哋暫時排喺第五位，而德甲爭奪前四歐聯資格嘅形勢十分緊張，第三位嘅多蒙特至到第六位嘅慕遜加柏，四支球隊同樣得到28分，而第七、八位嘅球隊亦有26分，萊比錫有機會爭奪前四嘅同時，稍有差池就會連歐霸資格都未必保得住。
Source: Sky Sports、Daily Mail
請按此登錄後留言。未成為會員? 立即註冊