利物浦球星古天奴喺周末突然宣佈加盟西甲巴塞隆拿，雖然雙方「眉來眼去」已經一段日子，但高普早前先話過下一場比賽會出古天奴，轉頭就已經被球會賣走，點都有少少令人感到意外。古天奴以據報高達1.6億歐元嘅轉會費離隊，為紅軍帶嚟大筆收入，不過球隊核心離隊，球迷總係唔好受。每次出現類似情況，無論邊支球隊，一定有球迷燒波衫洩忿，又話叛徒又乜咁。
其實，古天奴轉會當日，英國有傳媒得到許可，跟足佢全日，佢無論係行動上定係言語間，都顯示到佢幾愛利物浦。喺英國時間1月5日夜晚，即係巴塞正式宣佈簽下古天奴之前，佢已經喺倫敦一間酒店入面，等候消息，準備出發去西班牙。當晚咁啱係足總盃利物浦對愛華頓呢場默西塞德郡打呲，據稱佢大腿有輕傷需要休養幾日，所以就缺席呢場比賽，同時佢亦都準備離隊。
《Daily Mail》採訪佢嘅時候，佢正喺酒店房中，全神貫注咁睇住利物浦呢場波，而佢第二日就要去機場，即係話佢喺上飛機離開英國之前，都仲係睇緊利物浦。
古天奴睇到利記入波非常興奮。
呢位25歲巴西中場今季為利物浦喺聯賽上陣14場射入7球、交出7個助攻，表現依然非常好，佢當時對於呢支即將要告別嘅球隊又點睇呢？
佢話：「佢哋依家喺一個幾健康嘅位置，亦都有一啲非常非常好嘅球員。
球隊簽下雲迪克已經係一個姿態，仲有沙拿呢個超勁嘅球員。我好期待睇住佢哋拎到獎盃同慶祝成功嘅一刻。
我唔會為咗其他球隊而離開利物浦，只有巴塞唔同。呢個係一個夢想，對我嚟講係夢幻一樣嘅地方。（I would not have left for any other club, but Barcelona is something different. It is a dream, a place of magic for me.）
我細個就鍾意睇朗拿甸奴，睇佢點樣施展魔法。佢哋依家有美斯做緊一樣嘅嘢。」
Source: Daily Mail、Guardian
其實，古天奴轉會當日，英國有傳媒得到許可，跟足佢全日，佢無論係行動上定係言語間，都顯示到佢幾愛利物浦。喺英國時間1月5日夜晚，即係巴塞正式宣佈簽下古天奴之前，佢已經喺倫敦一間酒店入面，等候消息，準備出發去西班牙。當晚咁啱係足總盃利物浦對愛華頓呢場默西塞德郡打呲，據稱佢大腿有輕傷需要休養幾日，所以就缺席呢場比賽，同時佢亦都準備離隊。
《Daily Mail》採訪佢嘅時候，佢正喺酒店房中，全神貫注咁睇住利物浦呢場波，而佢第二日就要去機場，即係話佢喺上飛機離開英國之前，都仲係睇緊利物浦。
古天奴睇到利記入波非常興奮。
呢位25歲巴西中場今季為利物浦喺聯賽上陣14場射入7球、交出7個助攻，表現依然非常好，佢當時對於呢支即將要告別嘅球隊又點睇呢？
佢話：「佢哋依家喺一個幾健康嘅位置，亦都有一啲非常非常好嘅球員。
球隊簽下雲迪克已經係一個姿態，仲有沙拿呢個超勁嘅球員。我好期待睇住佢哋拎到獎盃同慶祝成功嘅一刻。
我唔會為咗其他球隊而離開利物浦，只有巴塞唔同。呢個係一個夢想，對我嚟講係夢幻一樣嘅地方。（I would not have left for any other club, but Barcelona is something different. It is a dream, a place of magic for me.）
我細個就鍾意睇朗拿甸奴，睇佢點樣施展魔法。佢哋依家有美斯做緊一樣嘅嘢。」
Source: Daily Mail、Guardian
請按此登錄後留言。未成為會員? 立即註冊