英超榜首曼城今季狀態大勇，佢哋喺聯賽方面，15仗取得14勝1和，攻入46球，攻力之強已經係英超歷史罕見。佢哋喺歐聯賽場，更是早已鎖定首名出線資格，所以有本錢喺今仗留力。雖然主帥哥迪奧拿揚言今仗作客烏克蘭嘅目標一定係贏波，但單睇陣容都知佢哋要休養生息。
香港時間12月7日03:45，歐聯分組賽最後一輪比賽，曼城作客烏克蘭球隊薩克達，早已出線嘅曼城今仗作出輪換，除咗利萊辛尼、加比爾捷西斯、艾達臣等主力之外，派出咗耶耶托尼、根度簡、艾達拉比奧約、丹尼路等將，費蘭甸奴要客串中堅，而17歲小將菲爾科頓 (Phil Foden) 更係首次為曼城一隊正選上陣。
薩克達嘅主場都算係地獄主場，加上今仗對嘅只係留力兼戰意成疑嘅曼城，果然威俾你睇！26分鐘，薩克達嘅巴西中場貝拿度喺禁區左側熨入一球超靚嘅curve波，令薩克達先開紀錄。去到31分鐘，同樣來自巴西嘅伊斯馬利接應長傳，避過出迎嘅曼城門將艾達臣，單刀射入空門，助薩克達領先到2-0。曼城最後只能夠靠後備入替嘅阿古路，喺補時階段射入12碼破蛋。
https://i.imgur.com/QaknDj3.gif
今仗輸波，係曼城今季各項賽事第一場敗仗，本季22場不敗告終，亦都係227日以來首次輸波。佢哋上一次輸波，係4月喺足總盃四強輸俾阿仙奴。相信哥帥都唔係太重視呢個紀錄，最緊要都係備戰今個周末嘅曼市打吡。
不過對於薩克達嚟講就唔同，佢哋今仗贏波之後，成功以3分之差力壓拿坡里，次名出線到歐聯16強。佢哋嘅主帥方辛加 (Paulo Fonseca) 就成為「找數真漢子」，因為佢曾經話過，如果球隊順利出線16強，就會扮成著名英雄人物「黑俠梭羅」(Zorro)。
「找數」嘅方辛加喺記者會上面話：「呢個係我生涯入面最歡樂嘅記者會。」佢又大讚球隊嘅表現：「我哋打出一場近乎理想嘅比賽。防守方面好有紀律，而進攻方面就好有效率。」佢有話，喺有曼城、拿坡里同飛燕諾嘅呢個小組入面，拎到12分係一個好好嘅成績。
Source: Daily Mail、Skysports
香港時間12月7日03:45，歐聯分組賽最後一輪比賽，曼城作客烏克蘭球隊薩克達，早已出線嘅曼城今仗作出輪換，除咗利萊辛尼、加比爾捷西斯、艾達臣等主力之外，派出咗耶耶托尼、根度簡、艾達拉比奧約、丹尼路等將，費蘭甸奴要客串中堅，而17歲小將菲爾科頓 (Phil Foden) 更係首次為曼城一隊正選上陣。
薩克達嘅主場都算係地獄主場，加上今仗對嘅只係留力兼戰意成疑嘅曼城，果然威俾你睇！26分鐘，薩克達嘅巴西中場貝拿度喺禁區左側熨入一球超靚嘅curve波，令薩克達先開紀錄。去到31分鐘，同樣來自巴西嘅伊斯馬利接應長傳，避過出迎嘅曼城門將艾達臣，單刀射入空門，助薩克達領先到2-0。曼城最後只能夠靠後備入替嘅阿古路，喺補時階段射入12碼破蛋。
https://i.imgur.com/QaknDj3.gif
今仗輸波，係曼城今季各項賽事第一場敗仗，本季22場不敗告終，亦都係227日以來首次輸波。佢哋上一次輸波，係4月喺足總盃四強輸俾阿仙奴。相信哥帥都唔係太重視呢個紀錄，最緊要都係備戰今個周末嘅曼市打吡。
不過對於薩克達嚟講就唔同，佢哋今仗贏波之後，成功以3分之差力壓拿坡里，次名出線到歐聯16強。佢哋嘅主帥方辛加 (Paulo Fonseca) 就成為「找數真漢子」，因為佢曾經話過，如果球隊順利出線16強，就會扮成著名英雄人物「黑俠梭羅」(Zorro)。
「找數」嘅方辛加喺記者會上面話：「呢個係我生涯入面最歡樂嘅記者會。」佢又大讚球隊嘅表現：「我哋打出一場近乎理想嘅比賽。防守方面好有紀律，而進攻方面就好有效率。」佢有話，喺有曼城、拿坡里同飛燕諾嘅呢個小組入面，拎到12分係一個好好嘅成績。
Source: Daily Mail、Skysports
請按此登錄後留言。未成為會員? 立即註冊