【男人丁吧不是罪】比列錫連中三元，助國米登意甲榜首

國際米蘭球星比列錫 (Ivan Perisic) 近來與曼聯傳出緋聞，令這位表現出色嘅克羅地亞國腳更加引人注目。根據夏天嘅報導，比列錫在夏季轉會窗期間係曼聯領隊摩連奴嘅主要引援目標，但可惜球會之間未能就交易達成共識。留喺國米嘅比列錫繼續有亮眼表現，佢最近喺意甲比賽中大演帽子戲法，幫球隊升上榜首。


喺周末意甲比賽中，國際米蘭喺主場迎戰基爾禾。早喺23分鐘，大衛辛頓喺左路切入起腳被門將擋出，比列錫迎球爆射，門將撲到都入。

https://i.imgur.com/sDRBrng.gif
喺伊卡迪單刀射成2-0之後，下半場又輪到比列錫嘅表演時間，喺56分鐘，佢自己喺中場截咗個波，左路直接推入禁區，射遠柱網仔入網。

https://i.imgur.com/punONZh.gif

之後，國米中堅插上頭槌頂成4-0，大局已定，但都阻唔到比列錫再入一球。喺補時階段，基爾禾禁區有些少混亂，比列錫快一步搵返個波，射成5-0，大演帽子戲法。
https://i.imgur.com/tu7IRFy.gif

由於同一輪賽事中，榜首嘅拿坡里以0-1不敵祖雲達斯而失分，呢個結果造就國際米蘭以1分之差升上榜首！


比列錫除咗今場威之外，15場意甲都累積7個入波、6個助攻，難怪國米球迷興奮之餘，就連曼聯球迷一樣睇到流晒口水，有曼迷仲表示，用75M歐元解約金買佢返嚟都抵呀！



全場精華

https://streamable.com/v16k4
Source: BBC、Sportbible、Mirror