離譜！多蒙特防線派膠送禮，1-2不敵史特加聯賽三連敗五場不勝

德甲勁旅多蒙特近期情況非常令人擔憂，佢哋喺今場比賽之前，已經連續四場聯賽不勝，今場賽前再有奧巴美揚因紀律問題，被隊內禁賽嘅負面消息。佢哋喺國際賽期後第一場德甲比賽，出現防線失誤兼射失12碼，最終以2-1不敵史特加，已累積聯賽三連敗及五場不勝。


呢場比賽係德甲第12輪賽事，香港時間11月18日03:30喺史特加主場舉行。比賽之前，多蒙特前鋒奧巴美揚因為紀律問題，而受到隊內禁賽，最新消息指可能同佢多次遲到，兼擅自喺球場拍攝私下接收嘅廣告有關。喺呢個情況之下，多蒙特派出舒爾尼為正前鋒，麥斯菲臘及耶莫蘭高分任兩翼。


比賽只係開始咗5分鐘，多蒙特就自挖墳墓，中堅巴查喺後場近距離回傳俾門將貝基，貝基一控就俾史特加嘅艾高路偷到，輕鬆射入空門。

https://i.imgur.com/7R2gEef.gif

之後，喺完半場之前，葛斯傳波省中史特加守將手臂，博得12碼，舒爾尼主射被門將薛拿救出，好彩有麥斯菲臘趕到狂抽近柱網頂，補射成1-1。

https://i.imgur.com/d7CjtEi.gif

不過多仔防線太易俾人打穿，51分鐘，史特加一個過頭波製造威脅，克羅地亞小將比卡奴爆入禁區，一「吸」一射，省中貝基隻腳彈入。
https://i.imgur.com/1GMJlix.gif

就係咁，多蒙特以1-2敗走，聯賽三連敗兼五場不勝，聯賽榜上半版全部未踼今輪比賽之下，多蒙特暫時多賽一場排第3位，但今輪過後有機會跌落中游。

全場精華

http://ok.ru/videoembed/360908196454
Source: ESPN、Fox