相信大家近日都有見到英格蘭U17國家隊勇闖U17世界盃決賽嘅消息，但唔知大家有冇留意帶領英格蘭晉級嘅少年英雄Rhian Brewster呢？
2000年出世嘅Rhian Brewster係英格蘭U17前鋒，佢首先喺10月21號對美國U17時，完成帽子戲法兼貢獻一個助攻，助英軍以4-1晉級準決賽；喺準決賽，佢又再射入三球，帶領球隊以3-1撃敗巴西U17，殺入決賽，成為今屆大賽最耀眼嘅新星。
最近，英國傳媒報導，Brewster效力嘅英超球隊利物浦，已經決定喺Brewster明年四月年滿18歲後，向佢提供一份十分豐厚嘅職業合約，致力留低呢位未來英格蘭神鋒。按照利物浦嘅一般做法，佢哋一般唔會喺年輕球員年滿18歲前開出職業合約，威爾斯小將活特本就正係喺18歲生日後10日宣佈簽約。另外，Brewster雖然只得17歲，但已經為利物浦嘅U23上陣，今季喺英超預備組 (Premier League 2) 聯賽上陣6場，貢獻3球4助攻咁多！
仲記得喺周中聯賽盃嘅比賽之中，阿仙奴憑後備入替嘅小將Eddie Nketiah連入兩球驚險反勝諾域治，呢位兵工廠青年軍首席射手第二次為一隊喺正式賽事上陣就立下奇功，成為一時熱話。18歲嘅Nketiah和Brewster有一個共通點，就是二人同樣曾經係車路士青訓營嘅球員；唔同嘅係，Nketiah係喺U14階段因為身體質素問題而被車路士放棄，而Brewster就係主動離開車路士，前往利物浦嘅。Brewster喺7歲至14歲都在車路士青訓營度過，但喺受到多家球會邀請之下，佢認為留喺車路士嘅前景不如理想，於是決定轉投利物浦：「……我同佢哋講我需要考慮自己嘅去向，因為我睇唔到自己喺呢度有成為一隊球員嘅機會。」
車路士青訓營不但時時「走寶」，近年又將大批青訓出品外借及待價而沽，或者低價買入「半製成品」再等高價賣出，今季就有查路巴、艾基、艾素被賣走，雖然都係一種經營手段，但呢啲例子已經開始影響年青球員對車路士嘅觀感，佢哋部份人會認為車路士只係視佢哋為有待升值嘅商品，有價值就賣出去，冇價值就放棄，而唔係培養佢哋成為自家一隊球員，難怪曾經睇過有網友之前討論迪布尼嘅時候，喺Facebook上面話「車路士唔賣垃圾」。
England U-17 vs Brazil U-17
https://www.youtube.com/watch?v=HdD_XgVdLGI
利物浦官方製作《Everything you need to know about Liverpool’s teenage striker Rhian Brewster》
https://youtu.be/eTAVGVQ7R44
Source: DailyMail、liverpoolecho
2000年出世嘅Rhian Brewster係英格蘭U17前鋒，佢首先喺10月21號對美國U17時，完成帽子戲法兼貢獻一個助攻，助英軍以4-1晉級準決賽；喺準決賽，佢又再射入三球，帶領球隊以3-1撃敗巴西U17，殺入決賽，成為今屆大賽最耀眼嘅新星。
最近，英國傳媒報導，Brewster效力嘅英超球隊利物浦，已經決定喺Brewster明年四月年滿18歲後，向佢提供一份十分豐厚嘅職業合約，致力留低呢位未來英格蘭神鋒。按照利物浦嘅一般做法，佢哋一般唔會喺年輕球員年滿18歲前開出職業合約，威爾斯小將活特本就正係喺18歲生日後10日宣佈簽約。另外，Brewster雖然只得17歲，但已經為利物浦嘅U23上陣，今季喺英超預備組 (Premier League 2) 聯賽上陣6場，貢獻3球4助攻咁多！
仲記得喺周中聯賽盃嘅比賽之中，阿仙奴憑後備入替嘅小將Eddie Nketiah連入兩球驚險反勝諾域治，呢位兵工廠青年軍首席射手第二次為一隊喺正式賽事上陣就立下奇功，成為一時熱話。18歲嘅Nketiah和Brewster有一個共通點，就是二人同樣曾經係車路士青訓營嘅球員；唔同嘅係，Nketiah係喺U14階段因為身體質素問題而被車路士放棄，而Brewster就係主動離開車路士，前往利物浦嘅。Brewster喺7歲至14歲都在車路士青訓營度過，但喺受到多家球會邀請之下，佢認為留喺車路士嘅前景不如理想，於是決定轉投利物浦：「……我同佢哋講我需要考慮自己嘅去向，因為我睇唔到自己喺呢度有成為一隊球員嘅機會。」
車路士青訓營不但時時「走寶」，近年又將大批青訓出品外借及待價而沽，或者低價買入「半製成品」再等高價賣出，今季就有查路巴、艾基、艾素被賣走，雖然都係一種經營手段，但呢啲例子已經開始影響年青球員對車路士嘅觀感，佢哋部份人會認為車路士只係視佢哋為有待升值嘅商品，有價值就賣出去，冇價值就放棄，而唔係培養佢哋成為自家一隊球員，難怪曾經睇過有網友之前討論迪布尼嘅時候，喺Facebook上面話「車路士唔賣垃圾」。
England U-17 vs Brazil U-17
https://www.youtube.com/watch?v=HdD_XgVdLGI
利物浦官方製作《Everything you need to know about Liverpool’s teenage striker Rhian Brewster》
https://youtu.be/eTAVGVQ7R44
Source: DailyMail、liverpoolecho
請按此登錄後留言。未成為會員? 立即註冊