意大利足協近日正式宣佈委任文仙尼為國家隊主帥，佢哋喺干地離任後搵嚟履歷不甚出眾嘅老帥雲杜拿執教，佢多個決定令人費解，最終意大利喺世界盃外圍賽出局，文仙尼雖然並非公認頂級名帥，但起碼屬於「正路」之選。
雲杜拿國家隊執教生涯最大敗筆，莫過於世界盃外圍賽生死戰，最後關頭急需入球之際，遲遲唔換入前鋒加強攻力，發生叫防中迪羅斯熱身被拒嘅一幕，最終佢換入咗前鋒比洛堤、翼鋒艾沙拉維及貝拿迪斯治，聯賽表現上佳嘅恩斯治尼並未獲派上場。恩斯治尼未必適合雲杜拿嘅國家隊打法係事實，亦未必適合作為尾段狂攻嘅棋子，但問題係唔啱用你又選，選咗又唔用，而其實意大利仲有值得入選嘅前鋒，呢個時候所有意大利球迷都掛住一個人，就係「巴神」巴洛迪利。
巴洛迪利自從2016-17球季加法甲尼斯以來，各項賽事上陣65場，已經射入43球。佢雖然年少成名，但原來從未試過喺一間球會入咁多波，此前最多係喺AC米蘭77場入33球，而家喺尼斯亦係生涯效率最高。另外，佢桀驁不馴嘅性格亦收斂不少，兩季以來只取得3面紅牌，當中更有啲係疑似被針對而拎，場內場外好少再惹事生非。
你可以話法甲水平參考價值有限，但佢今屆同樣喺歐霸寫下7場入6球嘅佳績，加上身體技術特點唔係太多現役當打意大利前鋒比得上，過去多次喺大賽發揮作用。咁樣嘅「巴神」，連做後備「看門口」嘅資格都冇，實在講唔通。
意大利近期所用嘅前鋒中，有邊一個比「巴神」更適合作為改變戰局嘅棋子？
曾經喺國米同曼城都執教過「巴神」嘅文仙尼，雖然曾經喺訓練中同佢激烈爭執，但接任國家隊主帥後，直言將會聯絡「巴神」：
「佢係一個意大利球員，我當然會同佢傾下，佢係其中一個我哋都想重新審視嘅球員。
我有可能會揀返佢，我哋想睇返佢2012歐國盃喺柏蘭迪利手下嘅表現。
https://i.imgur.com/ia1O1R0.gif
https://i.imgur.com/79Y2u2b.gif
所有表現好嘅人都有機會，我都會考慮球員嘅年齡，因為我哋希望為將來做準備，不過冇人會被排除在外。」
Source: ESPN
雲杜拿國家隊執教生涯最大敗筆，莫過於世界盃外圍賽生死戰，最後關頭急需入球之際，遲遲唔換入前鋒加強攻力，發生叫防中迪羅斯熱身被拒嘅一幕，最終佢換入咗前鋒比洛堤、翼鋒艾沙拉維及貝拿迪斯治，聯賽表現上佳嘅恩斯治尼並未獲派上場。恩斯治尼未必適合雲杜拿嘅國家隊打法係事實，亦未必適合作為尾段狂攻嘅棋子，但問題係唔啱用你又選，選咗又唔用，而其實意大利仲有值得入選嘅前鋒，呢個時候所有意大利球迷都掛住一個人，就係「巴神」巴洛迪利。
巴洛迪利自從2016-17球季加法甲尼斯以來，各項賽事上陣65場，已經射入43球。佢雖然年少成名，但原來從未試過喺一間球會入咁多波，此前最多係喺AC米蘭77場入33球，而家喺尼斯亦係生涯效率最高。另外，佢桀驁不馴嘅性格亦收斂不少，兩季以來只取得3面紅牌，當中更有啲係疑似被針對而拎，場內場外好少再惹事生非。
你可以話法甲水平參考價值有限，但佢今屆同樣喺歐霸寫下7場入6球嘅佳績，加上身體技術特點唔係太多現役當打意大利前鋒比得上，過去多次喺大賽發揮作用。咁樣嘅「巴神」，連做後備「看門口」嘅資格都冇，實在講唔通。
意大利近期所用嘅前鋒中，有邊一個比「巴神」更適合作為改變戰局嘅棋子？
曾經喺國米同曼城都執教過「巴神」嘅文仙尼，雖然曾經喺訓練中同佢激烈爭執，但接任國家隊主帥後，直言將會聯絡「巴神」：
「佢係一個意大利球員，我當然會同佢傾下，佢係其中一個我哋都想重新審視嘅球員。
我有可能會揀返佢，我哋想睇返佢2012歐國盃喺柏蘭迪利手下嘅表現。
https://i.imgur.com/ia1O1R0.gif
https://i.imgur.com/79Y2u2b.gif
所有表現好嘅人都有機會，我都會考慮球員嘅年齡，因為我哋希望為將來做準備，不過冇人會被排除在外。」
Source: ESPN
請按此登錄後留言。未成為會員? 立即註冊