BBC:阿仙奴接近以6,000萬鎊簽下奧巴美揚

睇足365 於 29/01/2018 發表 收藏文章
自從早前傳出山齊士喺今個冬季轉會窗離開阿仙奴之後,槍手同多蒙特前鋒奧巴美揚都拉上關係。喺山齊士正式同米希達恩互換東家之後,雲加曾經表示奧巴美揚將會係阿仙奴今個轉會窗唯一目標。


《BBC》記者David Ornstein一向被視為阿仙奴轉會消息嘅專家,佢最近喺《BBC》表示,阿仙奴已經十分接近以6,000萬鎊轉會費簽下加蓬國腳奧巴美揚。

多蒙特體育總監索克 (Michael Zorc) 早前向傳媒透露,阿仙奴曾經向多蒙特幾度求購奧巴美揚,但都遭到拒絕:「只要滿足到一定嘅條件,我哋就會處理交易。」David Ornstein指出,阿仙奴喺上周三向多蒙特開出5,000萬歐元,即約4,364萬鎊嘅報價,但被對方拒絕,佢哋近日提高報價至6,000萬鎊,多蒙特原則上已經願意放售奧巴美揚。

交易嘅唯一障礙係多蒙特需要喺奧巴美揚離隊前搵到替代人選,David Ornstein嘅報告指,佢哋有意得到阿仙奴前鋒基奧特。另外有其他報導認為,基奧特有可能作為奧巴美揚交易一部份,或者正商討以外借形式加盟,但目前雙方談判進度未明。同時,英超球會車路士同樣有意簽入基奧特。


Source: BBCSky Sports

留言


請按此登錄後留言。未成為會員? 立即註冊
  • 火爆火 於 29/01/2018 評論 NO. 1

    其實球會買球員,教練真的冇話事權?? 阿仙奴以前都買咗一些,頭鎚好,係衝刺型的前鋒,都得唔到雲加重用,基奧特,看來都不例外,如果唔鍾意,買回來做甚麼??教練都唔用。昨晚睇車路士,評術員講,話真禾特買回來,是球會意思,咁即是教練冇話事權???

快捷鍵:←
快捷鍵:→