路維宣佈續約兼公布德國國家隊初選名單，萊斯入選、葛斯辛度華拿被飛

世界盃決賽周開幕踏入倒數最後一個月階段，各國陸續公布初選名單，上屆冠軍德國隊同時公布另一則重要消息，就係主帥路維續約。


現年58歲嘅德國隊主帥路維（Joachim Löw）自2006年開始執掌德國隊，2014年率軍奪得世界盃冠軍，今年已經係佢喺德國帥位上嘅第12年，有傳聞指出佢好大機會喺今屆世界盃之後離任，轉而執教球會，其中拜仁慕尼黑及阿仙奴都同佢拉上關係。

不過路維最近就宣佈與德國隊續約至2022年，即下屆世界盃仍然由佢執教。另外，佢亦公布咗世界盃27人初選名單。


門將
賓特尼奴(利華古遜)、紐亞(拜仁慕尼黑)、達史特根(巴塞隆拿)、奇雲查普(巴黎聖日耳門)

後防
謝路美保定(拜仁慕尼黑)、曉姆斯(拜仁慕尼黑)、魯迪格(車路士)、馬菲亞斯真達(慕遜加柏)、甘美治(拜仁慕尼黑)、歷卡斯蘇尼(拜仁慕尼黑)、祖拿斯赫達(科隆)、柏頓赫特(哈化柏林)、莊拿芬泰希(利華古遜)

中前場
祖利安白蘭特(利華古遜)、根度簡(曼城)、奧斯爾(阿仙奴)、利萊桑尼(曼城)、達斯拿(巴黎聖日耳門)、基迪拉(祖雲達斯)、尼斯彼德臣(弗賴堡)、迪姆華拿(RB萊比錫)、馬里奧高美斯(史特加)、卻奧斯(皇家馬德里)、馬高萊斯(多蒙特)、哥列斯卡(史浩克04)、湯馬士梅拿(拜仁慕尼黑)、施巴斯坦魯迪(拜仁慕尼黑)
令人關注嘅門將方面，紐亞雖然今季大部分時間養傷，但最近已全面復操，仍能進入初選名單，但狀態未足下是否值得奪回一號門將之位，就值得爭辯，表現出色嘅達史特根則毫無懸念入選。


中前場方面，傷癒嘅萊斯同樣獲得重召，但佢嘅好兄弟葛斯就落選，轉投史特加搏取表現嘅老將馬里奧高美斯亦成功入選，但爭取首次為國出戰世界盃嘅拜仁前鋒辛度華拿，最終被德甲德籍神射手尼斯彼德臣取代。



Source: DFB