一講到最有錢嘅足球員，一定會諗起C朗、美斯兩位球王級人馬，因為佢哋除咗自己人工高之外，最緊要係有巨大商業價值。根據《The Richest》估計，C朗拿度嘅資產淨值係$3.75億美元，而美斯嘅資產淨值就係$2.80億美元。不過最近有唔少傳媒都話，原來最有錢嘅球員竟然係一個踢緊李斯特城預備隊嘅19歲小將！
估佢唔到嘅原因係，C朗、美斯固然係當今球壇最賺錢嘅球星，但我哋一直忽略咗父幹嘅因素，以下呢位小將唔知算唔算靠父幹，因為佢成個家族都係屈機嘅。
李斯特城小將法基保基亞 (Faiq Bolkiah) 2016年加盟李斯特城，踢過修咸頓青年軍嘅佢暫時仲未得到一隊上陣機會，佢嘅真正身份其實係汶萊蘇丹嘅侄仔。法基保基亞嘅爸爸係曾經擔任汶萊財政大臣嘅Jefri Bolkiah親王，伯父就係汶萊蘇丹 Hassanal Bolkiah 。
由於汶萊係石油國家，法基保基亞嘅蘇丹伯父估計擁有200億美元身家，而佢爸爸作為親王都唔弱，報導指佢名下擁有2,300架名車，曾經請咗已故天王 Michael Jackson 去佢50大壽party助興，使咗1,600萬美元。所以，近日傳媒就話佢係最有錢嘅球員囉。
至於法基保基亞自己，佢家境雄厚，但自細醉心足球，喺美國洛杉磯出世嘅佢選擇代表返自己祖國汶萊，暫時錄得9次上陣紀錄，同埋一個入球。佢喺2009年開始效力修咸頓青年軍，2014年曾經去過阿仙奴試腳，又同車路士簽約兩年，最後喺2016年同李斯特城簽下3年合約，主要喺翼鋒位置上陣，錢就可以靠屋企，但佢能夠喺球場上立足，就要靠自己喇，睇佢青年軍履歷，應該有返咁上下實力，唔知有冇機會睇到佢踢英超呢？
球王片：
https://youtu.be/NnvpdUVbkVo
Source: The Sun、Mirror
估佢唔到嘅原因係，C朗、美斯固然係當今球壇最賺錢嘅球星，但我哋一直忽略咗父幹嘅因素，以下呢位小將唔知算唔算靠父幹，因為佢成個家族都係屈機嘅。
李斯特城小將法基保基亞 (Faiq Bolkiah) 2016年加盟李斯特城，踢過修咸頓青年軍嘅佢暫時仲未得到一隊上陣機會，佢嘅真正身份其實係汶萊蘇丹嘅侄仔。法基保基亞嘅爸爸係曾經擔任汶萊財政大臣嘅Jefri Bolkiah親王，伯父就係汶萊蘇丹 Hassanal Bolkiah 。
由於汶萊係石油國家，法基保基亞嘅蘇丹伯父估計擁有200億美元身家，而佢爸爸作為親王都唔弱，報導指佢名下擁有2,300架名車，曾經請咗已故天王 Michael Jackson 去佢50大壽party助興，使咗1,600萬美元。所以，近日傳媒就話佢係最有錢嘅球員囉。
至於法基保基亞自己，佢家境雄厚，但自細醉心足球，喺美國洛杉磯出世嘅佢選擇代表返自己祖國汶萊，暫時錄得9次上陣紀錄，同埋一個入球。佢喺2009年開始效力修咸頓青年軍，2014年曾經去過阿仙奴試腳，又同車路士簽約兩年，最後喺2016年同李斯特城簽下3年合約，主要喺翼鋒位置上陣，錢就可以靠屋企，但佢能夠喺球場上立足，就要靠自己喇，睇佢青年軍履歷，應該有返咁上下實力，唔知有冇機會睇到佢踢英超呢？
球王片：
https://youtu.be/NnvpdUVbkVo
Source: The Sun、Mirror
請按此登錄後留言。未成為會員? 立即註冊