西班牙國家打吡罕有地喺香港時間20:00「早場」上演，球迷終於唔使再捱夜睇打吡，而且場波仲幾好睇添！除咗有三個入波之外，美斯等一班巴塞球員都有啲精彩畫面，show下腳法，不過有球迷就講笑話，美斯今場最精彩係以下將會睇到嘅呢一腳。
喺皇馬對巴塞呢場國家打吡入面，兩隊波嘅領軍人物C朗同美斯之間嘅較量一定係焦點所在，今季喺聯賽表現比較失色嘅C朗，今場波依然有啲令人失望，至於美斯就以一傳一射幫球隊以3-0贏波。
另外，場上都發生一段小插曲，喺網上不斷俾人loop。踢波食波餅好普通、射罰球省中人牆都好普通，不過今次主角係當今球壇瑜亮，所以咁多人關注。美斯一次主射罰球嘅時候，一腳省落人牆度，咁啱省中咗C朗個頭。
相信美斯唔會專登咁做嘅，另一方面睇，C朗都算係成功防守，年中都不知幾多球員做人牆會避波，C朗除咗好波之外，有時都會靠塊面搵食，係人都知佢貪靚，今次都好大犧牲架。花生友網民當然唔會放過兩位當事人，有人就話呢一球係今場精華，有人話美斯一定計好晒要省C朗，仲有球迷表示見到美斯省C朗覺得好興奮。
不過呢啲恩怨情仇可能只係大家幻想出嚟，C朗同美斯兩人雖然唔係朋友，但以佢哋性格，應該都係希望用球場上嘅表演同榮譽去贏對手囉。
Source: Daily Mail、sportbible
喺皇馬對巴塞呢場國家打吡入面，兩隊波嘅領軍人物C朗同美斯之間嘅較量一定係焦點所在，今季喺聯賽表現比較失色嘅C朗，今場波依然有啲令人失望，至於美斯就以一傳一射幫球隊以3-0贏波。
另外，場上都發生一段小插曲，喺網上不斷俾人loop。踢波食波餅好普通、射罰球省中人牆都好普通，不過今次主角係當今球壇瑜亮，所以咁多人關注。美斯一次主射罰球嘅時候，一腳省落人牆度，咁啱省中咗C朗個頭。
相信美斯唔會專登咁做嘅，另一方面睇，C朗都算係成功防守，年中都不知幾多球員做人牆會避波，C朗除咗好波之外，有時都會靠塊面搵食，係人都知佢貪靚，今次都好大犧牲架。花生友網民當然唔會放過兩位當事人，有人就話呢一球係今場精華，有人話美斯一定計好晒要省C朗，仲有球迷表示見到美斯省C朗覺得好興奮。
不過呢啲恩怨情仇可能只係大家幻想出嚟，C朗同美斯兩人雖然唔係朋友，但以佢哋性格，應該都係希望用球場上嘅表演同榮譽去贏對手囉。
Source: Daily Mail、sportbible
請按此登錄後留言。未成為會員? 立即註冊