早前曾經為大家報導過法甲球證踢人事件，有球迷表示想知道佢到底會有咩下場，最近法國足總已經將涉事球證無限期停賽，等待進一步紀律聆訊。有傳媒就搵到，原來呢位球證唔係第一次做出一啲令人不解嘅事。
今次事件發生喺香港時間1月15日04:00，南特主場迎戰巴黎聖日耳門嘅法甲比賽中，喺比賽末段，南特後衛迪亞高卡路士 (Diego Carlos) 回防期間同主球證查普朗 (Tony Chapron) 發生碰撞，球證倒之後向球員嘅方向伸腳，疑似想踢人報復，之後仲要出示黃牌警告該名球員，令迪亞高卡路士兩黃一紅被逐。
https://i.imgur.com/yQ7SeVU.gif
根據最新報導，法國足協發表聲明，指法國足協紀律委員會根據當值球證查普朗嘅賽後報告，同意推翻迪亞高卡路士嘅黃牌，令佢可以喺周中對圖盧茲嘅比賽中上陣，球證查普朗喺賽後翻睇片段，確認碰撞並非有意，所以喺賽後報告中收回該張黃牌。
涉事球證查普朗就透過《法新社》發聲明：「喺南特對巴黎聖日耳門比賽中，我被南特球員迪亞高卡路士撞倒。
喺碰撞中，我感到最近受傷嘅患處出現劇痛。我作出不當嘅反應，將腳伸向該名球員。
我已經向紀律委員會提交報告，撤銷該球員嘅第二面黃牌，因為佢嘅動作似乎並非蓄意。
不幸地，我嘅即時反應係向該名球員伸腳，呢個動作並不恰當，所以我希望為此道歉。」
另外，有傳媒搵返出嚟，原來呢位球證唔係第一次做出一啲令人不解嘅事，佢曾經喺2015年一場比賽後，拒絕將比賽用球，交俾當時效力PSG嘅伊巴謙莫域。該場巴黎對羅連安特嘅比賽中，瑞典前鋒伊巴謙莫域個人連中三元，佢喺賽後按慣例向當值球證查普朗要求拎走比賽波留念，但被查普朗拒絕。
影片顯示，伊巴喺更衣室通道繼續要求拎走比賽波，但查普朗話「呢樣嘢係由我決定」，伊巴無奈返回更衣室。不過，最後佢唔知點解成功拎到個波，仲喺Instagram上擺咗一張相出嚟，幫個波縛埋安全帶……
雖然的確並冇明文規定球證要將個波送俾完成帽子戲法嘅球員，俾就人情唔俾都冇計，但呢個球場上嘅不成文慣例，一直都係咁做，似乎球證查普朗嘅脾氣有啲古怪囉。
Source: BBC、Daily Mail、The Sun、Sportbible
今次事件發生喺香港時間1月15日04:00，南特主場迎戰巴黎聖日耳門嘅法甲比賽中，喺比賽末段，南特後衛迪亞高卡路士 (Diego Carlos) 回防期間同主球證查普朗 (Tony Chapron) 發生碰撞，球證倒之後向球員嘅方向伸腳，疑似想踢人報復，之後仲要出示黃牌警告該名球員，令迪亞高卡路士兩黃一紅被逐。
https://i.imgur.com/yQ7SeVU.gif
根據最新報導，法國足協發表聲明，指法國足協紀律委員會根據當值球證查普朗嘅賽後報告，同意推翻迪亞高卡路士嘅黃牌，令佢可以喺周中對圖盧茲嘅比賽中上陣，球證查普朗喺賽後翻睇片段，確認碰撞並非有意，所以喺賽後報告中收回該張黃牌。
涉事球證查普朗就透過《法新社》發聲明：「喺南特對巴黎聖日耳門比賽中，我被南特球員迪亞高卡路士撞倒。
喺碰撞中，我感到最近受傷嘅患處出現劇痛。我作出不當嘅反應，將腳伸向該名球員。
我已經向紀律委員會提交報告，撤銷該球員嘅第二面黃牌，因為佢嘅動作似乎並非蓄意。
不幸地，我嘅即時反應係向該名球員伸腳，呢個動作並不恰當，所以我希望為此道歉。」
另外，有傳媒搵返出嚟，原來呢位球證唔係第一次做出一啲令人不解嘅事，佢曾經喺2015年一場比賽後，拒絕將比賽用球，交俾當時效力PSG嘅伊巴謙莫域。該場巴黎對羅連安特嘅比賽中，瑞典前鋒伊巴謙莫域個人連中三元，佢喺賽後按慣例向當值球證查普朗要求拎走比賽波留念，但被查普朗拒絕。
影片顯示，伊巴喺更衣室通道繼續要求拎走比賽波，但查普朗話「呢樣嘢係由我決定」，伊巴無奈返回更衣室。不過，最後佢唔知點解成功拎到個波，仲喺Instagram上擺咗一張相出嚟，幫個波縛埋安全帶……
雖然的確並冇明文規定球證要將個波送俾完成帽子戲法嘅球員，俾就人情唔俾都冇計，但呢個球場上嘅不成文慣例，一直都係咁做，似乎球證查普朗嘅脾氣有啲古怪囉。
Source: BBC、Daily Mail、The Sun、Sportbible
請按此登錄後留言。未成為會員? 立即註冊