曼聯名宿舒米高插爆高普:「淨係識卸膊,玩死路夫雲!」 文字

睇足365於 24/10/2017 發表 收藏文章
喺周末嘅英超大戰中,熱刺喺溫布萊以4-1大勝利物浦,其中喺上半場早早被換走嘅紅軍中堅路夫雲成為眾矢之的,唔少球迷認為認為佢係今場紅軍潰敗嘅罪人。不過,曼聯名宿、前丹麥國門舒米高就認為,路夫雲只係代罪羔羊,亦猛烈抨擊紅軍領隊高普嘅決定。


開賽4分鐘,熱刺已經由右翼衛查比亞挑傳俾哈利簡尼,把握利物浦嘅後防混亂,先開紀錄,而哈利簡尼入楔嘅位置正正係路夫雲同摩蘭奴陣守嘅紅軍左路,但呢一球都唔完全係路夫雲嘅錯誤。去到12分鐘,熱刺由門將洛里斯發動攻勢,用手開波直接搵到右路嘅哈利簡尼,路夫雲上前頂空氣,令哈利簡尼長軀直進,再助攻俾孫興民射成2-0,呢球路夫雲嘅失誤可以話需要負上大部份責任。


冇幾耐之後,已經見到領隊高普叫後備席上嘅張伯倫熱身,最終喺31分鐘入替路夫雲。喺上半場31分鐘就換人,係十分罕見嘅舉動,當時好多人都認為係高普對於路夫雲嘅表現極度不滿,忍無可忍先至出此下策,覺得可以理解。


不過,喺呢場波做嘉賓評述員嘅「門神」舒米高就好唔認同。舒米高直指高普「殺死」咗路夫雲,而對事情冇任何幫助。

「最重要嘅係,高普換佢出嚟嗰陣一句說話都冇同佢講,佢『殺死』咗呢個球員。」

「事實上,咁樣做一啲幫助都冇。佢哋嘅防守仍然好似第一次落場踢波咁。」

「無論係佢哋今場嘅防守,定係開季到依家嘅防守,都係差到極點,高普需要為此負責。」

「佢咁樣做只係將所有責任推落路夫雲身上。路夫雲會因為咁而成為報紙頭條,但咁樣好唔公平,負責嘅應該係領隊。」

Soruce: SquawkaTelegraph

留言

會員
我要評論
請按此登錄後留言。未成為會員? 立即註冊
  • NK Poon
    NK Poon 於 24/10/2017 評論 NO. 1

    舒米高先生……請看看路生近年嘅表現, 先再評語吧

    究竟係佢自殺, 定係高普畀佢嘅機會佢一一浪費曬

  • 塵加鍵
    塵加鍵 於 24/10/2017 評論 NO. 2

    其實利成日話買中堅,但近幾年,佢地買既中堅本身都係載譽而來的(加利佬無講錯,老虎雲響普帥時係最佳中堅),但來到利都係變左廢柴,問題根源似乎不在球員質素上。(純粹個人意見)

  • Walter Wong
    Walter Wong 於 24/10/2017 評論 NO. 3

    咁樣連續兩次失誤,無論佢架責任大定細都已經信心受損,換人係正常。

  • Jason Lam
    Jason Lam 於 24/10/2017 評論 NO. 4

    漏頂係罪人 連迪路夫雲

  • Chi Wai  Kwock
    Chi Wai Kwock 於 24/10/2017 評論 NO. 5

    比左好多機會佢

  • ALvin Chan
    ALvin Chan 於 24/10/2017 評論 NO. 6

    又買漏說明書

  • Jason Keung
    Jason Keung 於 24/10/2017 評論 NO. 7

    其實高普已經比畀咗路夫蘭成兩年時間嘅機會la

  • Ngai Drink
    Ngai Drink 於 24/10/2017 評論 NO. 8

    馬迪普,M.sakho,利記唔係冇買,但真係件件死

  • Frank Teik
    Frank Teik 於 24/10/2017 評論 NO. 9

    中場無人協助防守?

  • Bayern Chan
    Bayern Chan 於 24/10/2017 評論 NO. 10

    走啦

  • Sean Ho
    Sean Ho 於 24/10/2017 評論 NO. 11

    舒米高型咗咁多嘅

  • Wochi Lo
    Wochi Lo 於 24/10/2017 評論 NO. 12

    去曼聯?

  • Theseus Yiu
    Theseus Yiu 於 24/10/2017 評論 NO. 13

    不嬲都話高普賴三賴四,賴大風賴車位,乜Q都賴架啦

  • Francis Tsang
    Francis Tsang 於 24/10/2017 評論 NO. 14

    唔同意,一個學生係一間band 3考第一,但上到band 2 考第尾,係老師問題定學生問題?

  • Hei Heinze Chow
    Hei Heinze Chow 於 24/10/2017 評論 NO. 15

    入領隊數果陣就插球員,入球員數就插領隊,咩玩法

  • Sunny Leung
    Sunny Leung 於 24/10/2017 評論 NO. 16

    癡線, 路夫雲又唔係高普買, 高普焗住用之嘛, 一向都係差架啦, 比足機會佢上陣, 個球員係咪好應該自己生性D? 咪將" 唔夠班"呢個事實同責任推返比領隊

  • ANthony Fung Chan
    ANthony Fung Chan 於 24/10/2017 評論 NO. 17

    高普:輸唔緊要,最緊要踢得熱血

  • Bill Chan
    Bill Chan 於 24/10/2017 評論 NO. 18

    Hong FerryKorea Fung

  • Campos Yu
    Campos Yu 於 24/10/2017 評論 NO. 19

    又就如我上次所言,呢隊野成隊都有問題。炒人7比0又點,冇組織冇板斧就一早俾人睇通睇透。

  • Taco Lee
    Taco Lee 於 24/10/2017 評論 NO. 20

    佢第一年入嚟跟羅渣士已經唔掂。

  • Simon Li
    Simon Li 於 24/10/2017 評論 NO. 21

    完全吾明!中堅踢得差!教練換吾換同幾時換!关其他人乜事物!吾通揾佢同沙拉对調咩!舒名宿!你做龍差!費蛇都調你啦!又吾見你話費蛇!

  • Fu Ming
    Fu Ming 於 24/10/2017 評論 NO. 22

    Li ManKit

  • Daniel Cheong
    Daniel Cheong 於 24/10/2017 評論 NO. 23

    根本成條防線都有問题、連馬迪普都走哂樣,佢只不過係輸波既代罪羔羊!

  • まつやま松山
    まつやま松山 於 24/10/2017 評論 NO. 24

    輸米膠果然體內係流住曼既血,適時搞分化~

  • Jeff Kwong
    Jeff Kwong 於 24/10/2017 評論 NO. 25

    路夫雲啲蝦碌事件多到可以出精選了

  • Man Ho Mak
    Man Ho Mak 於 24/10/2017 評論 NO. 26

    利記冇一個掃蕩型防中
    下下一插落去就係條防線硬食
    中場頂唔住,打到中堅幾頂級都死
    雖然路夫蘭堅廢,但成個陣都頭重腳輕都有問題,領隊都有責任嘅

  • Cheokhou Cheang
    Cheokhou Cheang 於 24/10/2017 評論 NO. 27

    唔知幾時到曼聯名宿奧雲出聲😎 Tek Kei Ao Amos Hcw

  • Penny Ng
    Penny Ng 於 24/10/2017 評論 NO. 28

    因為佢唔夠熱血

  • Zeus Ng
    Zeus Ng 於 24/10/2017 評論 NO. 29

    高普都未出聲話洛夫雲玩死佢🤔舒生又關你咩事🤷🏻‍♂️

  • Kan Jian Tar
    Kan Jian Tar 於 24/10/2017 評論 NO. 30

    开始高普已经帮佢顶左不小啦!问题是镬镬新鲜镬镬金啊! 朋友

  • Gary Chan
    Gary Chan 於 24/10/2017 評論 NO. 31

    第一球路夫雲比人過左之後完全無跑,轉身望完行兩步就算,咁都要幫佢講說話?

    呢個世界痴左?

  • Wong Chi Wai
    Wong Chi Wai 於 24/10/2017 評論 NO. 32

    炒高普,請肥賓回家

  • 文少
    文少 於 24/10/2017 評論 NO. 33

    鄭兆聰講得對呀,球員犯低級錯誤,唔係領隊控制得到,係球員本身質素問題。

  • Kin JueWang
    Kin JueWang 於 24/10/2017 評論 NO. 34

    Ku Man SangÖ Jeff Ng Ezio Ys

  • Henry Sun
    Henry Sun 於 24/10/2017 評論 NO. 35

    其實利物浦既防守都幾大獲吓,龍門已經麻麻地,四個後防球員,冇個係big 6應有水平,仲要冇一個純防中保護後防,好難話高普一D責任都無。整個夏天追逐雲迪克失敗,結果攪到中堅位置完全無補充,路夫蘭係蝦轆,但唔係一個人既問題,係成個防守體系出咗問題。

    另外身為領隊,你可以喺更衣室插爆路夫蘭,但真係唔應該咁公開擺佢上枱。球隊而家唔係失咗1球,係4球,唔通4球都完全係路夫蘭既責任?

  • Ka Man Chan
    Ka Man Chan 於 24/10/2017 評論 NO. 36

    上次就個軍醫,搞到路夫雲要食5粒止痛藥落場
    今次就180度完全將個問題放晒落去路夫雲身上
    到底而家係咪路夫雲重係傷緊要食止痛藥落場,所以搞到表現咁差,高普自己都無解釋過呢個問題

  • Wallace Kong
    Wallace Kong 於 24/10/2017 評論 NO. 37

    這個批抨對高普不公平!高普已經俾了很多機會洛夫雲!

  • Tigertigertiger Chan
    Tigertigertiger Chan 於 24/10/2017 評論 NO. 38

    高普用人太固執,懦夫蘭比第二隊晨早棄咗,S29場場做吉祥物,上年堅持用个德国仔守籠,至少令利記輸咗10分。買倫伯完全是多9餘,中場同功能球員太多,重有養傷中嘅嗱嗱嗱同出年嘅肯雅仔,就係冇純防中,3500萬加多少少買中堅,大把球員好過儒夫啦

  • 工藤新一
    工藤新一 於 24/10/2017 評論 NO. 39

    其實講真,洛夫雲呢幾季表現係唔掂,但高普唔多唔少都有責任啦!佢嘅踢法根本唔適合喺英超用,唔轉踢法就算比佢簽到幾多一級中堅都會變炸彈

  • Steven Ko
    Steven Ko 於 24/10/2017 評論 NO. 40

    打得機太多?英超係coach唔係manager 。就算想買中堅,都要過上面。如果高普係睇唔到問題,就唔會想用天價買雲迪克。而家下既問題核心係,係無新人加入下,如何調校防線。但高普既高位壓迫陣式上,要求防線企位好同有回追能力,但大家睇下家下紅軍有幾多人係哩方面係頂級嘅質素?再睇下熱刺既中堅儲備,既有多樣性又有實力,係哩方面已高班過紅軍。克意拉後防線,俾位你上,但其實就係要用防反ko 你。

  • Jerry Leung
    Jerry Leung 於 24/10/2017 評論 NO. 41

    Eddie Wong On Chan

  • kinfung
    kinfung 於 24/10/2017 評論 NO. 42

    高普比左幾多機會洛夫雲你又知吾知呀舒生,老人痴呆就返屋企訓啦

  • CY Leung
    CY Leung 於 24/10/2017 評論 NO. 43

    哥迪奧拿>高普

  • Lala Cheung
    Lala Cheung 於 24/10/2017 評論 NO. 44

    我完全唔認同囉!就算路夫雲唔使負上全部責任,但打得最差都一定係佢。

  • Thompson  Ho
    Thompson Ho 於 24/10/2017 評論 NO. 45

    高普應該喺有責任,如果佢知道自己的防線唔穩定,對熱刺泊大巴一分政策,可能就唔會出現這個場面。吓吓以為自己真喺羅賓漢就死得啦!自己前面有的就喺速度,打防反就今場最好戰術,唔好場場都是同一種戰術!

  • Siu Hei Lo
    Siu Hei Lo 於 24/10/2017 評論 NO. 46

    一隊球隊嘅領隊唔肯承認自己嘅問題,問題最後只會反映喺球會成續上 Kelvin Howe

  • Jacques Jeff von Young
    Jacques Jeff von Young 於 24/10/2017 評論 NO. 47

    高普表示:
    前面入到4球你失3球
    咁先夠熱血
    千祈唔好失多粒呀

  • Peter Fung
    Peter Fung 於 24/10/2017 評論 NO. 48

    其實覺得他唔得就唔好出他啦!既然大家朋友都看到點解他還要派他出場影響防守呢?根本高普仍然停留在多蒙特最盛時的想法,當時那班波又快,又有技術,狀態超好,德甲賽程相對簡單,過到來仍然未適應

  • Da Hung Jeff
    Da Hung Jeff 於 24/10/2017 評論 NO. 49

    Eric Yung

  • Wo Po
    Wo Po 於 24/10/2017 評論 NO. 50

    28分鐘左右防守孫興民嗰球判左死罪

  • Wing Hung Chung
    Wing Hung Chung 於 24/10/2017 評論 NO. 51

    又迫害熱血足球

  • Dato Sri Kent
    Dato Sri Kent 於 24/10/2017 評論 NO. 52

    Ronald Mu FEekic Chow

  • Man Wai
    Man Wai 於 24/10/2017 評論 NO. 53

  • EM Circuit
    EM Circuit 於 24/10/2017 評論 NO. 54

    根本就前中後都唔得

  • Calimero Cheung
    Calimero Cheung 於 24/10/2017 評論 NO. 55

    喂唔好賣呀,無左佢其他弱隊無左人送分俾佢地,好難踢架

  • Ronald Kuan
    Ronald Kuan 於 24/10/2017 評論 NO. 56

    洛夫云真心廢 我少睇利記波 一睇場場條友都好多失誤 我諗同教練部署五係最大關係吧 係個人質素問題

  • Law Ka Wai
    Law Ka Wai 於 24/10/2017 評論 NO. 57

    我見內文都有講換出黎時一句野都冇同路夫雲講,舒米高高佢呢下舉動都殺死左知球員

  • Wing Kan
    Wing Kan 於 24/10/2017 評論 NO. 58

    利記防守差
    是不止隊員問題
    是熱刺送個波你攻就攻
    中曬人地防反也不認錯

  • Kelvin Chan
    Kelvin Chan 於 24/10/2017 評論 NO. 59

    有幾多人真係有睇清楚,舒米高話高普"殺死"路夫雲個位係調佢離場嗰陣一句說話都無講.心理狀態影響比賽狀態,嗰下調動可能係因為高普睇到路夫雲好難喺嗰六十分鐘重拾狀態,但呢種負面情緒會帶落未來比賽喎,高普唔保護自己球員不特止仲要賽後踩多幾腳,真係合理?
    你地話高普巧婦難為無米炊所以焗住出佢,咁除非接下來比賽完全雪佢入冰箱再踢走,否則咪又係要出佢.咁日後既然要繼續用,而家踩到佢變地底泥又有咩好處?

  • Kenny Cheung
    Kenny Cheung 於 25/10/2017 評論 NO. 60

    輸生咪膠㕸。。。。

  • Ken Lo
    Ken Lo 於 25/10/2017 評論 NO. 61

    贏波就英雄,輸波就9雄,不變定律

  • 侯美王
    侯美王 於 25/10/2017 評論 NO. 62

    高普今次真系好唔啱,何谓兄弟,何謂手足,希望佢睇嘢退後一步,
    用人勿疑,疑人勿用呀

  • Ma Irwin
    Ma Irwin 於 25/10/2017 評論 NO. 63

    後防係多問題,但無防中保護佢地(ali入個球,馬迪普頂番出黎,無人執漏),蛇都死啦

  • Ma Irwin
    Ma Irwin 於 25/10/2017 評論 NO. 64

    仲有,高普臨場換人真係好鬼慢,下下都70分鐘後

  • @michael@
    @michael@ 於 25/10/2017 評論 NO. 65

    舒米高講是高普的態度,換球員下場而不瞅不彩球員,係打擊球員信心,令佢信心下跌,莫非以後唔用,否則高普的行為係不智

  • German Cheung
    German Cheung 於 25/10/2017 評論 NO. 66

    完全同意責任係高普果度:
    1) 好明顯係高普叫路夫蘭,高空波要漏頂;
    2) 高普戰術係, 兩年冇裝越位, 今場叫路夫蘭裝越位,同埋記得望多幾眼旁證, 千祈唔好咁快冇追番轉頭。
    整體嚟講,你可以話利物浦後防差,高普好有責任。 但係今場嘅失球,起碼有三球係個人甩漏,唔係高普製造出嚟。 而確實路夫蘭,由轉會利物浦之後,表現係越嚟越差,從來冇好過。
    兩個曼聯名宿,用盡力抽水,完全可以理解。

  • Raymond Chan
    Raymond Chan 於 25/10/2017 評論 NO. 67

    學佢個仔咁,夾手夾腳整走啲領隊咪得囉

  • WKit Wong
    WKit Wong 於 25/10/2017 評論 NO. 68

    認同舒米高,點都要顧吓球員的感受,半場時對住全隊狂插一件事但换人起碼半場先换等大家都有得下台。一場波輸晒只是無左三分,但你這舉動可能從此無左一個球員(信心)!

  • Ng Wah Tat
    Ng Wah Tat 於 25/10/2017 評論 NO. 69

    其實一路有追開利記呢幾年比賽既人都睇得出路夫雲真係唔係好夠班,犯錯又多。每次見到開龍門球時都心驚膽跳,米仔就好心大腳開上前場算啦,又唔係好腳法。講返呢場波,我覺得好合理,利記失了的第二球路夫雲好大責任,加上熱刺的反擊速度實在是太快,路夫雲跟本就追唔到,換走一個轉身慢,速度唔高,又打得幻得幻失既中堅我覺得以當時的情況是一個正確的決定。

  • Daniel Ng
    Daniel Ng 於 25/10/2017 評論 NO. 70

    冇期望就唔會有失望ok?

  • Yukming Wong
    Yukming Wong 於 25/10/2017 評論 NO. 71

    收皮啦.舒米高

  • Ming Tak Yung
    Ming Tak Yung 於 25/10/2017 評論 NO. 72

    Tszkit Lee Carson Leung下 高daddy做野使唔使佢教呀

  • Alan Lam
    Alan Lam 於 25/10/2017 評論 NO. 73

    今週同曼聯一樣輸比自己球員既個人犯錯,領隊肯定有責任,但甘既個人犯錯會令球員累積經驗定失去信心就要睇球員質素!

  • Sunny Jaii
    Sunny Jaii 於 25/10/2017 評論 NO. 74

    30分鐘換走 顏面何存

  • 鄧智維
    鄧智維 於 25/10/2017 評論 NO. 75

    真好笑,由頭到尾高普點評過路蘭,但佢自己都話責任都係全隊,包括自己,咩推曬責任球員到,打得唔好話幾句都唔得,今次高普係第一次點評球員,點解會咁,評完仲同大家講自己都有責,想點

  • Jerry Leung
    Jerry Leung 於 25/10/2017 評論 NO. 76

    証明左贏嘅時候就冇人出聲,輸嗰時就個個變專家圍插,唔怪得摩佬用拍大巴防反1:0戰術,起碼比人插小d.🤣

  • Fish Leung
    Fish Leung 於 25/10/2017 評論 NO. 77

    唔買中堅反而用4000萬買張生

  • Cruz Chung
    Cruz Chung 於 25/10/2017 評論 NO. 78

    做人不能太離地,你可以話問題在球會在高普在其他球員..但請設身處地去諗,你是高普在那個時候如果不换走路夫蘭,萬一他再揹一鑊,d人一定會吊你,話你做乜仲唔换走佢

  • Lun Chan
    Lun Chan 於 25/10/2017 評論 NO. 79

    都唔關高普事嘅,本身隊波唔掂搵邊個帶都係死

  • Henry Ha
    Henry Ha 於 25/10/2017 評論 NO. 80

    舒米高此言差唉……洛夫云吾止今埸差、上季今季幾多低級錯誤、吾早换又插。换出吾通要高普安慰?可能俾盡機會佢正選、未買到人先試下高美斯中堅、羅拔臣/米拿頂摩蘭奴……摩有前冇後累後面空虛要本來不稳中堅再補位、佢先最大缺口!

  • Ryan Cheung
    Ryan Cheung 於 25/10/2017 評論 NO. 81

    我覺得要負全責的應該係張伯倫😂

  • Ka Hei Wong
    Ka Hei Wong 於 25/10/2017 評論 NO. 82

    關曼聯/曼城名宿咩事😂

  • Chrison Lok
    Chrison Lok 於 25/10/2017 評論 NO. 83

    區家堡 Chihei Yuan Toby Kwok Leo Lai

  • Yin Wong
    Yin Wong 於 25/10/2017 評論 NO. 84

    兩個都有責任,打和啦!Super!

  • Hugo Cheng
    Hugo Cheng 於 25/10/2017 評論 NO. 85

    曼聯名宿指點吓摩佬曼有咩不足仲好啦 利申:曼

  • Louie  Lee
    Louie Lee 於 26/10/2017 評論 NO. 86

    算啦。。兩個都唔好得去邊。。😏

快捷鍵:←
快捷鍵:→