新年流流，阿寶都冇得唞下，又要出動名言「人類總要重複同樣的錯誤」。喺英格蘭足總盃第五圈，曾經有「英超小強」之稱嘅韋根，而家只係英甲球隊，但主場出擊仍然成功擊敗曼城晉級，令人回想起兩隊過去嘅經典對決。
Wigan Athletic vs Manchester City 0-1 (2018)
今場比賽，英甲嘅韋根主場迎戰曼城。曼城喺聯賽榜上遙遙領先，開季至今僅錄得一場聯賽敗仗，嚟到足總盃第五圈，輪換幅度不算太大，阿古路、利萊辛尼、費蘭甸奴、大衛施華等悉數正選披掛，只係迪布尼、基爾獲加等先列後備，論級數一定比英甲嘅韋根高出N班。不過，曼城左閘戴夫喺上半場領紅被逐，而韋根就靠射手基歷治 (Will Grigg) 一箭定江山爆大冷晉級。講講下發現馬後炮嚟講，大冷其實又稱不上，因為曼城已經連續三次喺足總盃被韋根踢出局。
https://youtu.be/mIUFiDpoxxQ
Wigan Athletic vs Manchester City 1-0 (2013)
最令人難忘嘅，一定要數2013年足總盃決賽。決賽上演之時，2012-13英超只剩低兩輪賽事，當時曼城一直屈居於曼聯身後，排聯賽第二位，而韋根就已經一段時間排第18位，面臨降班危機。當時曼城作為大熱，排出阿古路、迪維斯、大衛施華、耶耶托尼、拿斯尼嘅強陣出擊，誓要避免四大皆空，反而韋根就傷兵滿營。
點知，面臨降班嘅韋根，喺呢場比賽中大發神威，喺現時已經成為比利時國家隊主帥嘅馬天尼斯帶領之下，由賓屈臣喺補時階段建功，絕殺喺尾段有薩巴列達被逐嘅曼城，1932年球會成立以嚟首次打入足總盃決賽，兼贏得球會首個足總盃冠軍！
https://youtu.be/YEM00kBdbfk
可惜，韋根緊接喺三日後英超比賽就面對阿仙奴，以1-4落敗，兼喺聯賽最後一輪賽和阿士東維拉，以3分之差降班到英冠作賽，「英超小強」神話終結。佢哋之後一季以英足盃冠軍兼英冠球隊身份征戰歐霸盃，亦係一大話題，喺分組賽都「唔算太失禮」，拎到5分，但仍然包尾出局。
Manchester City vs Wigan Athletic 1-2 (2014)
喺降落英冠嘅第一個球季，韋根又喺足總盃同曼城碰頭，呢個時候嘅曼城主帥已經換成柏歷堅尼，但韋根仍然成功憑佐迪高美斯 (Jordi Gómez) 和佩治 (James Perch) 嘅入波，以2-1擊敗曼城。韋根之後喺四強頑抗阿仙奴，可惜法定時間賽和1-1之下，最終互射12碼出局。
https://youtu.be/mHIrdd6nnOs
韋根近況：連續三圈淘汰英超隊，聯賽有望重上英冠
至於韋根嘅近況，佢哋自從2013-14球季踢英冠之後，當季以第五位打入升班附加賽卻未能升班，結果喺第二季只以23位尾二完成，2015-16球季要跌落英甲。然後成為英冠升降機，喺15-16當季順利奪冠升返上英冠，但16-17馬上又再嘗降班滋味。今季韋根喺英冠表現又唔錯，比榜首布力般流浪踢少三場之下，只落後3分，排第三位，好有機會可以再次升返上英冠，唔知會唔會繼續做升降機呢？
點都好，佢哋喺今屆足總盃已經創造奇蹟，連續三圈淘汰咗英超球隊般尼茅夫、韋斯咸同曼城，之後將要喺主場迎戰修咸頓，未知神奇之旅可以走到幾遠？
Source: Sky Sports、BBC、
Wigan Athletic vs Manchester City 0-1 (2018)
今場比賽，英甲嘅韋根主場迎戰曼城。曼城喺聯賽榜上遙遙領先，開季至今僅錄得一場聯賽敗仗，嚟到足總盃第五圈，輪換幅度不算太大，阿古路、利萊辛尼、費蘭甸奴、大衛施華等悉數正選披掛，只係迪布尼、基爾獲加等先列後備，論級數一定比英甲嘅韋根高出N班。不過，曼城左閘戴夫喺上半場領紅被逐，而韋根就靠射手基歷治 (Will Grigg) 一箭定江山爆大冷晉級。講講下發現馬後炮嚟講，大冷其實又稱不上，因為曼城已經連續三次喺足總盃被韋根踢出局。
https://youtu.be/mIUFiDpoxxQ
Wigan Athletic vs Manchester City 1-0 (2013)
最令人難忘嘅，一定要數2013年足總盃決賽。決賽上演之時，2012-13英超只剩低兩輪賽事，當時曼城一直屈居於曼聯身後，排聯賽第二位，而韋根就已經一段時間排第18位，面臨降班危機。當時曼城作為大熱，排出阿古路、迪維斯、大衛施華、耶耶托尼、拿斯尼嘅強陣出擊，誓要避免四大皆空，反而韋根就傷兵滿營。
點知，面臨降班嘅韋根，喺呢場比賽中大發神威，喺現時已經成為比利時國家隊主帥嘅馬天尼斯帶領之下，由賓屈臣喺補時階段建功，絕殺喺尾段有薩巴列達被逐嘅曼城，1932年球會成立以嚟首次打入足總盃決賽，兼贏得球會首個足總盃冠軍！
https://youtu.be/YEM00kBdbfk
可惜，韋根緊接喺三日後英超比賽就面對阿仙奴，以1-4落敗，兼喺聯賽最後一輪賽和阿士東維拉，以3分之差降班到英冠作賽，「英超小強」神話終結。佢哋之後一季以英足盃冠軍兼英冠球隊身份征戰歐霸盃，亦係一大話題，喺分組賽都「唔算太失禮」，拎到5分，但仍然包尾出局。
Manchester City vs Wigan Athletic 1-2 (2014)
喺降落英冠嘅第一個球季，韋根又喺足總盃同曼城碰頭，呢個時候嘅曼城主帥已經換成柏歷堅尼，但韋根仍然成功憑佐迪高美斯 (Jordi Gómez) 和佩治 (James Perch) 嘅入波，以2-1擊敗曼城。韋根之後喺四強頑抗阿仙奴，可惜法定時間賽和1-1之下，最終互射12碼出局。
https://youtu.be/mHIrdd6nnOs
韋根近況：連續三圈淘汰英超隊，聯賽有望重上英冠
至於韋根嘅近況，佢哋自從2013-14球季踢英冠之後，當季以第五位打入升班附加賽卻未能升班，結果喺第二季只以23位尾二完成，2015-16球季要跌落英甲。然後成為英冠升降機，喺15-16當季順利奪冠升返上英冠，但16-17馬上又再嘗降班滋味。今季韋根喺英冠表現又唔錯，比榜首布力般流浪踢少三場之下，只落後3分，排第三位，好有機會可以再次升返上英冠，唔知會唔會繼續做升降機呢？
點都好，佢哋喺今屆足總盃已經創造奇蹟，連續三圈淘汰咗英超球隊般尼茅夫、韋斯咸同曼城，之後將要喺主場迎戰修咸頓，未知神奇之旅可以走到幾遠？
Source: Sky Sports、BBC、
請按此登錄後留言。未成為會員? 立即註冊