一代巴西球星阿祖安奴「早熟早殘」，已經喺主流球壇消失多年，但其實呢位「細細個就聽過呢個名」同埋《Winning》射門力度99嘅前巴西神鋒，今年只係35歲，要佢去五大聯賽豪門爭正選當然冇乜可能，但如果唔係肥到河馬咁嘅話，仲可以踢多幾年職業足球。不過由佢最近一次亮相可以睇到，近年令佢踢唔到職業足球嘅最大障礙——身型，已經俾佢克服，昔日「國王」已經走出陰霾，強勢回歸！
阿祖安奴年紀比「大哨」朗拿度細6年，生涯早期被視為有望接班嘅神鋒，佢都跟隨「大哨」嘅腳步，效力國際米蘭，用出色表現贏得「國王」 (L'Imperatore / the Emperor) 嘅稱號，國米球迷對於全盛時期嘅阿祖安奴仍然念念不忘。不過阿祖安奴後來因為父親去世，大受打擊而自暴自棄，沉迷酒色，甚至吸毒，身體狀態、體格、態度都同職業足球嘅要求漸行漸遠，呢位「黃金左腳」最後變成一個肥大叔。
如果你曾經鍾意過阿祖安奴，相信你睇到以下呢張相會覺得感動，因為呢位肥到河馬咁嘅大叔已經唔存在，睇下佢依家幾fit！
伊巴謙莫域口中嘅最強隊友，近日喺一場慈善賽中上陣，佢keep fit成功，踏上巴西馬拉簡拿球場一刻，觀眾大唱「國王回歸」("the Emperor has returned") ，名宿薛高更加親吻佢個光頭，相信老前輩見到佢終於振作起嚟一定覺得老懷安慰。
阿祖安奴最後喺比賽中攻入一球、兩次射中門柱、送出一個助攻，慈善賽表現不可作準，但睇到阿祖安奴重拾fit爆身型，雖然睇片仲有個小肚腩但最少瘦咗幾個碼，相信佢已經走出喪父陰霾，可以踢返波，做球迷嘅已經好滿足。
阿祖安奴自己就話：「我嘗試保持依家嘅狀態，我冇再增磅，咁對於我去鍛煉身體強度好有幫助，我覺得一切都進行得幾好。」
「返上正確嘅軌道，一切都需要時間。唔單止係球迷，我嘅家人都等緊我返嚟球場。」
當然佢暫時或者未夠fit，但最近有傳一啲巴甲球會對於正在努力嘅阿祖安奴感到興趣，包括法林明高同甘美奧等，可能會喺2018年初簽下佢，依家返咗法林明高嘅38歲巴西前國腳祖安就話，覺得阿祖安奴可以返嚟法林明高踢波，佢話法林明高係阿祖安奴嘅家：「呢個需要管理層同佢去傾，但如果得以落實嘅話，咁我哋全部人一定好歡迎佢。」
Source: the Sun、Sportbible
阿祖安奴年紀比「大哨」朗拿度細6年，生涯早期被視為有望接班嘅神鋒，佢都跟隨「大哨」嘅腳步，效力國際米蘭，用出色表現贏得「國王」 (L'Imperatore / the Emperor) 嘅稱號，國米球迷對於全盛時期嘅阿祖安奴仍然念念不忘。不過阿祖安奴後來因為父親去世，大受打擊而自暴自棄，沉迷酒色，甚至吸毒，身體狀態、體格、態度都同職業足球嘅要求漸行漸遠，呢位「黃金左腳」最後變成一個肥大叔。
如果你曾經鍾意過阿祖安奴，相信你睇到以下呢張相會覺得感動，因為呢位肥到河馬咁嘅大叔已經唔存在，睇下佢依家幾fit！
伊巴謙莫域口中嘅最強隊友，近日喺一場慈善賽中上陣，佢keep fit成功，踏上巴西馬拉簡拿球場一刻，觀眾大唱「國王回歸」("the Emperor has returned") ，名宿薛高更加親吻佢個光頭，相信老前輩見到佢終於振作起嚟一定覺得老懷安慰。
阿祖安奴最後喺比賽中攻入一球、兩次射中門柱、送出一個助攻，慈善賽表現不可作準，但睇到阿祖安奴重拾fit爆身型，雖然睇片仲有個小肚腩但最少瘦咗幾個碼，相信佢已經走出喪父陰霾，可以踢返波，做球迷嘅已經好滿足。
阿祖安奴自己就話：「我嘗試保持依家嘅狀態，我冇再增磅，咁對於我去鍛煉身體強度好有幫助，我覺得一切都進行得幾好。」
「返上正確嘅軌道，一切都需要時間。唔單止係球迷，我嘅家人都等緊我返嚟球場。」
當然佢暫時或者未夠fit，但最近有傳一啲巴甲球會對於正在努力嘅阿祖安奴感到興趣，包括法林明高同甘美奧等，可能會喺2018年初簽下佢，依家返咗法林明高嘅38歲巴西前國腳祖安就話，覺得阿祖安奴可以返嚟法林明高踢波，佢話法林明高係阿祖安奴嘅家：「呢個需要管理層同佢去傾，但如果得以落實嘅話，咁我哋全部人一定好歡迎佢。」
Source: the Sun、Sportbible
請按此登錄後留言。未成為會員? 立即註冊