智利前鋒山齊士喺最近正式宣佈轉投曼聯，而阿仙奴就喺交易中得到米希達恩。根據各大傳媒報導，相信山齊士將會得到曼聯嘅頂薪，亦有人因此批評山齊士為錢而轉投曼聯。個人認為，如果有睇足山齊士踢波嘅話，佢喺球場上專業、拼命嘅態度，絕對係無須質疑，就算係喺佢已經表達離隊意願之後，單係呢一點已經值得尊重，錢當然可以係一個因素，但會唔會係同球隊嘅雄心有關呢？
早前，網絡紅人兼阿仙奴球迷「暴龍哥」(Troopz) 同山齊士合照，「山神」都喺留言中用「喊」嘅emoji回應，似乎佢對阿仙奴都有一點不捨。喺宣佈加盟曼聯之後，佢都喺Instagram上傳咗一段短片向阿仙奴致意，並且用一段文字感謝舊東家。
「槍手，多謝你哋！我想多謝球隊嘅教練團隊、醫療團隊同所有隊友，我同你哋一齊喺球會經歷過好多美好嘅事，特別係影片入面見唔到嘅人，冇咗你哋，所有嘢都冇可能發生，你哋為我哋準備食物、每日照顧我哋、幫我哋清潔波鞋、令草皮處於最佳狀態。多謝你哋令我哋每日進步。」
「最近有一啲人（球隊嘅前球員）談論到球隊，其實佢哋對球隊內嘅事一無所知並且對球隊造成傷害。我切須要講，我永遠都付出100%，直至我喺度嘅最後一日，我會叫領隊派我出場，因為我想作出貢獻。」
「我會記得喺今日，我同亨利傾過，一位阿仙奴傳奇，佢曾經因為一樣嘅原因而轉會，今日到我喇。」
「感謝槍手嘅一切！我曾經為球隊贏得嘅榮譽，同埋經歷過嘅美好時光，我想獻俾阿仙奴球迷，佢哋係最重要嘅。多謝你哋每一次唱"Alexis Sanchez Baby" 。」
除咗山齊士自己話一直為球隊100%付出之外，阿仙奴領隊雲加同樣喺山齊士離隊之後讚揚佢嘅貢獻，佢話雖然外間講咗山齊士離隊好耐，但佢一直都對阿仙奴毫無保留：
「佢係一個非常專業嘅球員，全程投入直到最後一刻。喺操練中，佢都全力訓練，所以我從來冇質疑過佢嘅態度。」
「佢係一個世界級球員，為我哋作出咗好多貢獻。我要感謝佢一直以來嘅貢獻，並且祝佢一切順利。」
Source: Arsenal.com
早前，網絡紅人兼阿仙奴球迷「暴龍哥」(Troopz) 同山齊士合照，「山神」都喺留言中用「喊」嘅emoji回應，似乎佢對阿仙奴都有一點不捨。喺宣佈加盟曼聯之後，佢都喺Instagram上傳咗一段短片向阿仙奴致意，並且用一段文字感謝舊東家。
「槍手，多謝你哋！我想多謝球隊嘅教練團隊、醫療團隊同所有隊友，我同你哋一齊喺球會經歷過好多美好嘅事，特別係影片入面見唔到嘅人，冇咗你哋，所有嘢都冇可能發生，你哋為我哋準備食物、每日照顧我哋、幫我哋清潔波鞋、令草皮處於最佳狀態。多謝你哋令我哋每日進步。」
「最近有一啲人（球隊嘅前球員）談論到球隊，其實佢哋對球隊內嘅事一無所知並且對球隊造成傷害。我切須要講，我永遠都付出100%，直至我喺度嘅最後一日，我會叫領隊派我出場，因為我想作出貢獻。」
「我會記得喺今日，我同亨利傾過，一位阿仙奴傳奇，佢曾經因為一樣嘅原因而轉會，今日到我喇。」
「感謝槍手嘅一切！我曾經為球隊贏得嘅榮譽，同埋經歷過嘅美好時光，我想獻俾阿仙奴球迷，佢哋係最重要嘅。多謝你哋每一次唱"Alexis Sanchez Baby" 。」
除咗山齊士自己話一直為球隊100%付出之外，阿仙奴領隊雲加同樣喺山齊士離隊之後讚揚佢嘅貢獻，佢話雖然外間講咗山齊士離隊好耐，但佢一直都對阿仙奴毫無保留：
「佢係一個非常專業嘅球員，全程投入直到最後一刻。喺操練中，佢都全力訓練，所以我從來冇質疑過佢嘅態度。」
「佢係一個世界級球員，為我哋作出咗好多貢獻。我要感謝佢一直以來嘅貢獻，並且祝佢一切順利。」
Source: Arsenal.com
請按此登錄後留言。未成為會員? 立即註冊