喜劇演員將「葛斯動L圖」放入德國足球博物館,然後帶葛斯去睇……

睇足365 於 25/05/2018 發表 收藏文章
講到馬里奧葛斯,第一時間未必係諗起佢喺世界盃決賽射入奠勝入球,亦未必係佢同好兄弟馬高萊斯嘅「基情」,而係「動L圖」,當事人睇返張相會有咩反應?終於有人玩呢樣嘢!


著名喜劇演員兼節目主持人 Jack Whitehall 有個 YouTube Channel 專門搵球壇中人玩,其中一個 series 叫做 Training Days ,佢最新一集搵嚟幾位拜仁慕尼黑球員,包括湯馬士梅拿、謝路美保定及馬里奧葛斯玩遊戲。


喺馬里奧葛斯嗰part,本來係講葛斯帶佢去德國足球博物館參觀,但原來 Jack Whitehall 一早已經喺現場設伏,參觀中途 Jack Whitehall 突然話有驚喜俾葛斯,帶佢睇一幅新展品,聲稱「樹立」咗一幅佢喺足球界最著名嘅相片,一揭開布幕原來係傳說中嘅「動L圖」!

https://streamable.com/rmerg

葛斯起初雖然有啲尷尬,但好有風度咁讚 Jack Whitehall 安排得夠絕,亦都笑到收唔到聲。 Jack Whitehall 仲讀出展品下方本來唔關事嘅描述:6.3 kilograms,葛斯仲幽默咁話 "And the material is good as well"(材料都好正),"Material: Gold " (材料:金)。

主持人最後打圓場話,一見到呢張相就覺得葛斯係人生贏家,女朋友又靚、贏過世界盃、雄風強勁,氹到葛斯見牙唔見眼!順帶一提,德國《圖片報》早前透露,發現葛斯最近已經同女友 Ann-Kathrin Brömmel 註冊結婚,婚禮會喺世界盃後舉行。

loading

如果想睇保定對路維撩鼻有咩睇法,就要睇全集:

https://youtu.be/IFFnm89Y_mI
Source: JACK WHITEHALL

留言


請按此登錄後留言。未成為會員? 立即註冊
    快捷鍵:←
    快捷鍵:→