老實講，近年好多打吡戰都冇咗以前嗰種熾熱嘅氣氛，例如英超入面嘅曼市打吡、北倫敦打吡，呢啲強隊交鋒，好多時都求穩為先，唔再係以前嗰種飛沙劈石、搏命對攻。不過今次德甲嘅魯爾區打吡 (Revierderby / Ruhr derby)，多蒙特大戰史浩克04，就絕對冇令花生友失望，但就辛苦兩隊球迷睇到嘔血喇。
德甲嘅多蒙特對史浩克04，係歷史悠久嘅魯爾區打吡，除咗兩隊都同樣坐落喺同一個地區之外，佢哋兩隊實力十分接近，令呢場打吡特別好睇。睇返賽前數據，兩隊喺德甲交手多年，多蒙特贏32場，史浩克04就贏30場，打和28次，真係好平均。聯賽榜方面，史浩克04賽前有23分排第2位，而多蒙特就有20分排第5位，又係好接近。今場最終果然係各得一分，但你又點估到個劇情咁峰迴路轉呢？
香港時間11月25日22:30，呢場魯爾區打吡喺多蒙特主場上演。喺開波12分鐘，之前被罰內部停賽嘅奧巴美揚就搶點剷射入網，幫多蒙特先開紀錄。喺之後，沙軒罰球斬入禁區，史浩克嘅史譚保利解圍時擺烏龍射成2-0，再加上葛斯同古里路嘅入波，蜜蜂軍團去到25分鐘已經領先4-0。
去到呢個時候，可能好多球迷都熄電視，點知好戲在後頭。喺61分鐘，史浩克「罪人」史譚保利將功補過，後場一個靚長傳，貝斯托拿喺禁區頂銅頭一搖，笠死門將韋丹費拿，兩個中堅得個睇字；4分鐘之後，高路比恩卡左路傳中，多蒙特成條防線失晒位，遠柱夏列特完全冇人mark，輕鬆一控一射，追成4-2重燃希望。奧巴美揚喺72分鐘兩黃一紅被逐，更加令多仔打少一個。
https://i.imgur.com/mpMpyMh.gif
85分鐘，卡利古尼單人匹馬喺右路推返中間大位射入，多蒙特成班人又係得個睇字。追到4-3，史浩克梗係氣勢如虹，反而領先緊嘅多仔依家一定震過貓王，但佢哋冇因此而謹慎起嚟，反而喺94分鐘，被史浩克嘅巴西中堅拿杜接應角球頂入，臨天光瀨尿，被追平4-4……
https://i.imgur.com/V9Hw4Sv.gif
呢場波仲創造咗紀錄，史浩克04係喺1976年拜仁之後，德甲再次有球隊可以喺上半場落後0-4之下追返。
喺呢場咁敗家之後，多仔已經係連續六場聯賽不勝，雖然話史浩克04本身聯賽排名高過多仔，今場和波之後多仔都升上第四，但都唔係咁樣領先四球俾人追返啩。上一場德甲，多仔已經因為後防失誤而輸俾史特加，今場又再崩潰，成班波嘅集中力真係好有問題。
全場精華
https://www.ok.ru/videoembed/364927978086
Source: ESPN、Goal、bt.dk
德甲嘅多蒙特對史浩克04，係歷史悠久嘅魯爾區打吡，除咗兩隊都同樣坐落喺同一個地區之外，佢哋兩隊實力十分接近，令呢場打吡特別好睇。睇返賽前數據，兩隊喺德甲交手多年，多蒙特贏32場，史浩克04就贏30場，打和28次，真係好平均。聯賽榜方面，史浩克04賽前有23分排第2位，而多蒙特就有20分排第5位，又係好接近。今場最終果然係各得一分，但你又點估到個劇情咁峰迴路轉呢？
香港時間11月25日22:30，呢場魯爾區打吡喺多蒙特主場上演。喺開波12分鐘，之前被罰內部停賽嘅奧巴美揚就搶點剷射入網，幫多蒙特先開紀錄。喺之後，沙軒罰球斬入禁區，史浩克嘅史譚保利解圍時擺烏龍射成2-0，再加上葛斯同古里路嘅入波，蜜蜂軍團去到25分鐘已經領先4-0。
去到呢個時候，可能好多球迷都熄電視，點知好戲在後頭。喺61分鐘，史浩克「罪人」史譚保利將功補過，後場一個靚長傳，貝斯托拿喺禁區頂銅頭一搖，笠死門將韋丹費拿，兩個中堅得個睇字；4分鐘之後，高路比恩卡左路傳中，多蒙特成條防線失晒位，遠柱夏列特完全冇人mark，輕鬆一控一射，追成4-2重燃希望。奧巴美揚喺72分鐘兩黃一紅被逐，更加令多仔打少一個。
https://i.imgur.com/mpMpyMh.gif
85分鐘，卡利古尼單人匹馬喺右路推返中間大位射入，多蒙特成班人又係得個睇字。追到4-3，史浩克梗係氣勢如虹，反而領先緊嘅多仔依家一定震過貓王，但佢哋冇因此而謹慎起嚟，反而喺94分鐘，被史浩克嘅巴西中堅拿杜接應角球頂入，臨天光瀨尿，被追平4-4……
https://i.imgur.com/V9Hw4Sv.gif
呢場波仲創造咗紀錄，史浩克04係喺1976年拜仁之後，德甲再次有球隊可以喺上半場落後0-4之下追返。
喺呢場咁敗家之後，多仔已經係連續六場聯賽不勝，雖然話史浩克04本身聯賽排名高過多仔，今場和波之後多仔都升上第四，但都唔係咁樣領先四球俾人追返啩。上一場德甲，多仔已經因為後防失誤而輸俾史特加，今場又再崩潰，成班波嘅集中力真係好有問題。
全場精華
https://www.ok.ru/videoembed/364927978086
Source: ESPN、Goal、bt.dk
請按此登錄後留言。未成為會員? 立即註冊