曼城今季點解咁屈機？亨利同你折解哥帥戰術

至今12場英超不敗、入足40球，藍月亮家陣嘅「哥式哲學」，又係唔係複制緊當年巴塞嘅成功方程式呢？
周六嘅英超曼城作客李斯特城，藍月亮的組織又贏一場漂亮的勝仗，中場有迪布尼搭大衛施華，為三箭頭創造源源不絕的機會，唔係史達寧把握力如此不濟，早早藍月亮已經入成456球。另外費蘭甸奴所做的掃蕩又恰到好處，而臨完場換入的白蘭度施華及根度簡亦印證了藍月亮可怕的陣容深度，如若曼城組得起「快車期」的挑戰，相信今季冠軍不遠矣！
https://vimeo.com/243169690要了解「哥式哲學」最好由08/09巴塞王朝功臣亨利嚟講就最好啦，呢位40歲嘅阿仙奴名宿就指：「哥迪奧拿的戰術就是pass-and-move，看似簡單，但在場上無所不能。」
當年地上最強嘅陣容，中場有恩尼斯達同沙維做重心，加埋有布斯基斯做防中，當年最強中場組合當之無愧。鋒線三叉戟，由美斯、伊度奧夥拍亨利。整隊11人互傳互動打造了「地上最強」，將tiki-taka的優點完全展現出來。曼城家陣嘅陣容都有當年巴塞的影子，雖然球員級數上同當年仲有一定差距，不過實力就毋庸置疑啦。中場有迪布尼搭大衛施華，同樣有費蘭甸奴做掃蕩，鋒線有利萊辛尼、加比爾捷西斯同史達寧，加上後備仲有阿古路、根度簡及白蘭度施華，陣容深度相當充足。至今英超11場不敗，入足38球，歐洲五大聯賽走勢最凌厲嘅球隊非曼城莫屬。
唔知哥帥又可唔可以複製巴塞王朝，將曼城教到順風順水呢。