從迪馬利亞轉會曼聯,講下轉會方針

車路士淺論 於 30/08/2014 發表 收藏文章
迪馬利亞(Di Maria)轉會曼聯,相信對不少曼聯球迷而言,都算係好消息,球隊攻力相信能有所加強,尤其艾殊利楊格(Ashley Young)係一輪虛火後打回原型,狀態不足,天使既加盟可以加強側擊力同中場實力。


不過,心水清既球迷係歡喜過後,都會諗到:其實點擺佢好?其實可以出任左右翼同攻中位既迪馬利亞,係曼聯如果打3-5-2真係無乜位擺,但相信會係左翼衛位。攻中有控球、眼界、派牌都好勁既馬達(Mata),右翼衛有打過右路所有位既華倫西亞(Valencia)同側擊強既拉菲爾(Rafael),相信會浪費迪馬既推大位能力、去要佢打左,而梳爾(Shaw)又未好返,仲係小將,用迪馬都無可厚非。


但好多人既問題係,迪馬雖然體能好強,亦肯回防,但觀乎球隊架構,佢呢種算攻擊型球員,雲高爾(van Gaal)自己都話過球隊前重後輕,點解又要進一步用錢係前線,而唔買中堅、防中等位置呢?可能佢相好似上季阿仙奴買奧爾斯爾(Ozil)咁既作用,睇佢仲要著7號tim,但睇返費查(Fletcher)、卡域克(Carrick)等都好明顯有d應付唔住比賽,而且防守力都不足,中堅打3-5-2同打返4後衛都未足應付,就算如部份球評家或球迷所指會打返4-4-2或4-2-3-1,迪馬係可以打返翼,但後防實力都係實在較為薄弱。睇返雲高爾買人,其實對後防既補充都真係唔多,反而傾向提拔,就算係荷蘭個陣,後面都係用小將多,可能係想打造未來既防線為主,而犧牲今季都尤未可知。

而家轉會窗剩返既日子都屈指可數,到底仲買唔買?仲有無錢?唔知。但雲高爾既徒弟,我地車路士既摩連奴(Mourinho)轉會手段高明,賣得靚、買得岩,連費托都甩到手,相信雲高爾更唔會咁失策,但目標賓拿迪亞(Benatia)又走埋去拜仁,好中堅已經買少見少了…雲高爾會唔會低估左英超眾強既攻力、犧牲今季又犧牲得太多呢?我地都係睇多幾日,睇佢會唔會再買人啦。
(btw筆者客觀講完,少少黑心返:買唔到,作為對手對曼聯都唔使咁驚@@)

一like一支持,多承指教:
https://www.facebook.com/chelsea.gor.sk
標籤: man utd  di maria  

留言


請按此登錄後留言。未成為會員? 立即註冊
  • Box to Box 於 06/09/2014 評論 NO. 1

    結果最後都真係冇再特別增強防守球員....
    睇黎都係有前冇後, 打死罷就....

    p.s. 多謝捧場, 加油~~

快捷鍵:←
快捷鍵:→