邊個先係罪魁禍首 文字

車路士淺論於 16/06/2017 發表 收藏文章
其實車路士除左鐵血防守係標誌之外,另一個好為人所知既,就係轉會策略。最著名莫過於外借大軍,動軏可以一季外借幾十人,而且唔係真係好年輕既小將,而係已經稍露潛力,如果下游球隊或者稍次一級聯賽已經有能力打到主力既球員。即使小將普遍身價不高,但有傳車路士外借軍團總身價近一億鎊,乃至組成一支副隊,實力亦相當不俗。這項不倫不類既組軍策略,除左近年收購「半熟產品」成風,趁成名前趁低吸納、或者將來升值放售,已經係唔少球隊既運作模式之外,其實有個始作俑者,叫做艾文拿路(Emenalo)。


此人係車路士既技術總監,佢會負責操作轉會,所以車路士既領隊,名義上係一名教練,即Head Coach,但唔係雲加(Wenger)呢類我地玩著名遊戲Football Manager裡面既經理人,Manager。干地(Conte)其實純粹係按手上球員,妥善安排一個戰術發揮球員能力,打好成績,但對球員既出入,其實除左「要求」外無咩做得到。而艾文拿路此人,就係代干地買賣球員既人。


然而,此人思想異於他人,除了做出「外借大軍」這項創舉推廣車路士之外,仲賦予車路士另一個特點,就係轉會市場上既無力感。其實論轉會談判既資本,要錢,班主艾巴莫域治(Abramovich)其實財政能力唔似以前爽手輕鬆,但都攞得出錢,而且係有心、認真既班主;要實力,車路士上季一洗頹風,奪得英超冠軍,唔少球員能力不俗,領隊干地亦係有料之人;要名氣,車路士已有四座英超冠軍同一個歐聯冠軍,雖然不及曼聯、利物浦等本土傳統強隊既歷史底蘊,或拜仁、皇馬巴塞等既吸引力,但近代豪門亦可佔一席位。不過,車路士係轉會上既操作完全係唔合格,而負責既艾文拿路正應責無旁貸。


車路士下季需要增兵既位置,中鋒、防中、翼衛都需要增強或者代替隊中原有人選,但莫拉達(Morata)留隊或者轉會曼聯可能性更大、托列素(Tolisso)已轉會拜仁、阿歷士辛度(Alex Sandro)未能談判成功,惟一係巴卡約高(Bakayoko)尚未失敗,但哥斯達(Diego Costa)已準備離隊、馬迪(Matic)表現不合預期,亦有傳離隊加盟曼聯、小將亦有蘇蘭基(Solanke)轉投利記,走就走,但無人黎。雖然有傳因為贊助上既問題阻礙轉會運作,但總監既不力一早路人皆知,而筆者聽一啲球迷表示可能最後只得盧卡古(Lukaku)來投,而筆者早已屢屢談及佢未必合適,偏偏喜好相同膚色球員既艾文拿路好大機會堅持己見,而非轉求比洛特(Belotti)等其他目標。

另外佢亦可能因能力或者時間上問題未能順利簽入合適球員,只得草草亂簽幾名,不理艾度巴巴(Abdul Baba Rahman)等失敗例子,而老實而言,簽入大衛雷斯(David Luiz)、馬高斯阿朗素(Marcos Alonso)等,雖然筆者幾like呢幾位球員,但當時明顯不過求其簽幾個,靠住球員鬥志同干地成功用三後衛砌好陣容,先至成功挑戰冠軍。


而家已經傳出干地不滿球隊引援不力,有機會離隊,不論係表示不滿或真係心淡,一支冠軍球隊,居然出現因為引援不力而令功勳領隊心灰意欲離隊,實在失禮,我唔否定艾巴既眼光同艾文拿路既貢獻,但實在呢位總監表現唔合格,車路士呢支球隊,唔應該出現呢種局面,希望可以盡快解決呢個問題,甚至可以解僱呢位好可能會阻礙球隊進步既人。


多謝各位不吝賜評,一like一支持,多承指教:
https://www.facebook.com/chelsea.gor.sk
標籤: emenalo  chelsea  

留言

會員
我要評論
請按此登錄後留言。未成為會員? 立即註冊
  • Marjill
    Marjill 於 17/06/2017 評論 NO. 1

    黑鬼一日唔走,啲領隊只會玩二,三季

  • Li Wing Kin Alfred
    Li Wing Kin Alfred 於 17/06/2017 評論 NO. 2

    呢條友真係頭號pk,簽埋d垃圾黑人,eg.迪積保洛積
    佢真係逼走唔少好教練,摩佬第一次走都係爭權輸比呢條pk,可能佢係油王契弟

  • 閒雲野鶴
    閒雲野鶴 於 17/06/2017 評論 NO. 3

    可能唔係契弟,係"蓮弟"...... hehe😂😂

快捷鍵:←
快捷鍵:→