車路士到底仲要唔要收購新既中鋒?

車路士淺論 於 21/09/2013 發表 收藏文章
現時車路士一隊中,除左外借既盧卡古(Lukaku)外,有三個中鋒,費蘭度托利斯(Fernando Torres)、伊度奧(Eto'o)、丹巴巴亞(Demba Ba)。三人各有特色,但對摩連奴(Mourinho)同車路士來說,都似乎無邊個話係最靠得住。費托速度技術都好,走動頗為勤力,但狀態飄忽,而且無摩佬所需要既衝擊力同身體質素;丹巴巴亞有,但狀態都好飄忽,有時比費托仲衰。伊度奧同摩佬合作過,經驗夠哂豐富,但近黎都已經聽到有人指佢好經常走去邊路,雖然呢個可能係摩佬既戰術,避免中路過塞,但在我看來,咁只不過係"斬腳趾避沙蟲",點解要正中鋒拉邊,俾夏薩特(Hazard)呢d應該係邊路既翼鋒球員經常係中路出現?無錯夏神既作用正正係內切黎產生威脅,但咁唔代表佢係咪都入中路,佢都要係返邊路,同隊友(例如左閘)配合,而中鋒係進攻支點同開路俾中場後上,佢去左拉邊,中前位個個都係後上左既中場,進攻何來力度?


其實中鋒上,通常大家都無視左費托同丹丹巴架啦,咁我地黎睇下淨返個位盧卡古。其實盧卡古既能力非常好,佢上季係西布朗都證明自己適應到英超,不過摩佬可能想佢打耐d英超先,所以唔敢俾佢留係呢隊頂級球隊效力。但在我看來,奧斯卡同佢都係超新星,盧卡古上季係英超入17球,奧斯卡係歐洲賽場光芒大放,兩者其實已睇得出實力,應該有相近既地位,加上中鋒位置比起攻中更缺穩定人選,真係一球12碼睇出佢心理質素不足?大家都覺得盧卡古既衝撞力同入球能力正正係車路士現今最缺乏既一點,而且最重要係活躍係中路前線,加歷查等球評家都頻頻指出車路士欠缺一位係站在最前既中鋒,冬季回收盧卡古係好有助解決現時進攻套路混亂既問題。盧卡古都已經踢過季前賽,同隊友配合上應該唔難,加上射入12碼大家都有安慰佢,相處上明顯無問題。至於中場問題則非本文重點,會在另文提及。


咁如果係都唔要盧卡古住,咁買唔買好?我就覺睇下伊度奧呢半季融唔融入到先啦,反正摩佬都唔係第一季就大爆發既風格,而且趁列強換帥同磨合中既時間,快快手解決仲好,下一兩季先搞,阿記、利記,分分鐘熱刺都搞掂上埋黎爭冠軍架啦。至於無鋒陣…我諗都係穩陣d,唔好試啦…
標籤: chelsea  lukaku  eto'o  mourinho  fernando torres  

留言


請按此登錄後留言。未成為會員? 立即註冊
  • vv11716 於 21/09/2013 評論 NO. 1

    盧卡古應該幾岩用 不過唔知點解借左比人

快捷鍵:←
快捷鍵:→